نبغي من خلال هذا الموضوع نتعاون ونتشارك مع بعض مشترياتنا وتجهيزاتنا للمولود المنتظر إن شاءالله … نبغي نعرف شو اشتريتي وشو أفكارج اليديده ….
واصراحه اسعار التوزيعات غاليه ومبالغ فيها…. ونحن نروم نسويها بروحنا… خلونا نتبادل الأفكار والأماكن الرخيصه لشراء مستلزمات التوزيعات وطريقة عملها بأسعار غير مبالغ فيها لأن حرام نسرف في هاي السوالف….
يالله نبغي تفاعل وتعاون ويااارب تسهل على كل حامل حملها وولادتها وتقر عينها بمولودها وترزق كل محرومه يااارب…
بالنسبة للمشتريات طبعا أحينه مسوين تنزيلات في سنتر بوينت … رحت إللي في ياس مول وخذت الأشياء الأساسيه والتنزيلات مستمرة أعتقد لين تاريخ 5 يناير….
بالنسبة للتوزيعات سرت المحل اللي يبيع المواعين إللي في الطابق الأرضي في جمعية المينا في أبوظبي…. عنده أشياء روعه من البرطمانات الصغيرة وبأشكال عديدة وعنده الأشياء الفكتورية واصراحه مسكت ها المحل ماشاءالله وأسعاره مب غاليه وايد…. ودخلت قوقل سويت بحث عن ثيمات للمواليد واشتريت أوراق طباعه إللي فيها لزق من ورا وسويت طباعه للثيم إللي اخترته ولصقتها على البرطمانات وزينتها بالشرايط والفيونكات …. وبحط فيهم حلويات …. سرت دايسو وخذيت سلال وبوكسات عشان أحط فيهم التوزيعات…. واصراحه يوم إنتي تنزلين السوق وتتبرضين حق هاي السوالف صدقيني بتييج أفكار يديده وحلوة والأهم إن كل شي من شغلج وتعبج وما كلفج وايد …..
بحاول عقب أنزلكم صور إن شاءالله إذا سنحت لي الفرصه….
موفقه اختي فطرحك
بالنسبه لي بسوي ميني عطور للتوزيعات مع حبه كاكاو طبعا كل الشي بروحي بسوي لاني ماحب أتعامل مع تاجرات
خذت ميني عطور مُـٍ<3ــًـنْ سوق راس الي ف دبي
والحين باخذ ميني أقفاص مُـٍ<3ــًـنْ عيمان سيفنغ هوم عندهم اشيا روعه
اما حق صغاريه ناويه أسوي توزيعات كوكيز
ف الانستقرام وان شاءالله اسويهم بروحي وعن الثيمات
في مموقع شبكة اقلاع واطلبي اللي تبينه بيسولج اياه من مواليد ولا زواج ولا اعياد الميلاد كل شي متوفر.. وشفت بعد بوكسات في موقع علي اكسبريس عندهم اشكال 100 حبه بحدود 60 درهم وناويه اطلبهم ان شاءالله
اما صناديق بأشكال حلوه عندج سوق الرأس محل محي الدين والشي محلات حذاله بعد
ابا اخذ منكم افكار للحيني ما جهزت شي …