مقهوره يا بنات وكارهه حياتي اليوم سويت حادث وسيارتي تعورت وايد وزين يوم الله سلمني .. دعمتني شاحنه كبيره وانا واقفه في باركنات محطة البترول .. بعد ما عبيت بترول بغيت ادخل الميني ماركت واشتري اغراض فدورت باركن جدام الماركت ما حصلت ورحت بركنت على طرف وكانت في شاحنه كبيره واقفه حذالي والغبي راعي الشاحنه ما يدري ان في سياره واقفه جنبه لأنه قبل ما يركب الشاحنه على قولته لف حوالين الشاحنه وما شاف سياره المهم توني انا يا دوب داخله الباركن الا اتفاجأ ان الشاحنه تتحرك والمصيبه اني اشوفها وهي قريبه خلاص مني فقمت ودست على البترول زياده لكن ما لحقت والا الشاحنه تدعم الباب الوراني من سيارتي وقسما بالله يا خواتي ان سيارتي من وراء انحشرت تحت الشاحنه وراعي الشاحنه ما انتبه الا يوم السياير الباقيه تدقله هرن ..انا ما تعورت لكن من الصدمه ما قدرت اتحرك وتميت يالسه في السياره الين ما الشباب طلعوني لأنهم خافوا أن السياره تحترق لأن الضربه كانت على الباب ومكان البترول .. تدرون كل اللي شاف سيارتي قالوا لي الله سلمج وكتبلج عمر يديد ..
الغصه اللي فيني يا بنات ان خلال السنه هذي مسويه والله اربع حوادث وهذي السياره الثالثه اللي اسوي فيها حادث والثانيه اللي تتكنسل وتوها يديده وربي ما كملت 4 اشهر .. السياره الأولى اللي كانت معاي تمت عندي 5 أشهر ومن أول حادث تكنسلت والغلط طبعا مش مني .. والسياره الثانيه يا جماعة الخير سويت فيها حادثين والله سلم السياره وما تكنسلت لكن كرهت السياره وحسيتها نحسه وتميت ازن على راس ريلي الين ما خذلي هاي السياره اللي بعدني ما تهنيت فيها وتكنسلت ..
المشكله الحين اني كارهه السواقه واحس اني ما بقدر اسوق مره ثانيه صارت عندي عقده منها وريلي بعد مصر اني ما اسوق لأن سواقتي ضعيفه والحوادث اللي صارت لي كانت بسبب عدم تمكني من السواقه وقال برجع الدريول يوديج وياخذج المكان اللي تبينه وانا عاد ما صدقت اني افتكيت من الدريول .. (بعدني ابا سياره ثانيه لكن المصيبه كيف اقنع ريلي واهلي لأن كلهم متفقين ان سواقتي متهوره وهي السبب في الحوادث اللي صارت)
السموحه يا خواتي اذا غثيتكم بس كتبت الموضع لأني مقهوره ونفسيتي تعبانه وما اشتكيت عند ريلي او حد من هلي بيقولون انج مكبره الموضوع وهوما يستاهل.. واخيرا ما أقول غير الحمدالله على كل حال
الله يحفظج من كل شر ويعوضج كل خير..
المشاركة الأصلية كتبت بواسطة أم سيـــف 
الله يحفظج من كل شر ويعوضج كل خير..
مشكوره الغاليه على مرورج الطيب وانا بالفعل طلبت من ريلي انه يطلع صدقه تكون دفاعة بلاء عني وعن بيتي .. الله يحفظنا ويحفظكم يارب ويبعد عنكم الشر يا خواتي
Cute_Barbie صدقيني يا أختي سواقتي أوكي ومش انها مش أزكي لكن ما ادري ليش ما أتهنى في اي سياره اخذها وانا ما اريد ارجع اعتمد على الدريول غير يوم عندج سيارتج بروحج .. عالعموم مشكوره يا ختيه على مشاركتج الطيبه
الله يخليج السواقه ف بوظبي موول ما تصلح..كلن يسوح ع كيفه..
الحمدالله الله سلمج..تحملي مره ثانيه على عمرج..
الغاليه يوم بتاخذين سياره يديده سمي بالرحمن ..ترى العين ما تي من البعيد بس..!!
هاي عين ماصلت عالنبي..!!
تف تف تف ^.*…خخخخخخخخ ستويت عيوز..