مكياجاتي المتواضعه ^_^ 2024.

السلام عليكم ورحمة الله وبركاته

هلا خواتي الغاليات

اليوم بعرض لكم كل مكياجاتي وتجربتي معاهم وان شاءالله يعيبكم الموضوع ^_^

بسم الله نبدأ

اول شي الفاونديشن

اللي على اليمين فاونديشن الدبل وير من استي لودر عاد ها الفاونديشن واااااااااااااايد احبه للمناسبات والزيارات الخاصه لان تغطيته فظيعه ومايخترب من اسير لين ارجع شرات ماهو مايتغير ويخلي البشره وايد حلوه مخمليه ومتجانسه ^_^
وبعده اساس بودي شوب حلو ويعيبني بس مشكلته انه يسيح اذا توضيتي للصلاه يعني من يجيسه الماي على طول يروح .
واللي عقبه اساس شيسيدو حلو بس تغطيته مب هاك الزود يعني خفيف ويصلح للي ماعندهم مشاكل في البشره
اساس ميك اب فور ايفر روووووووووعه وماعليه كلام
كلينك بعد حلو ويعيبني وااااااااااااايد رقمه 17 يوم احطه يطلع ويهي وايد طبيعي
ماكس فاكتور طبعا غني عن التعريف ها الثلاث كلهم ناسبوني واللي يعيبني فيهم ان تغطيتهم ممتازه ويخلون البشره مخمليه وناعمه ^_^
وفي الوسط باليت الكونسيلر من ميك اب فور ايفر الصراحه تحفه ويصلح لطمس الاجزاء اللي ماتبينها تظهر مثل تصغير الانف وجيه والمعصار هذا بعد كونسيلر فل كفر من نفس الماركه بعد رووووووووعه

والحين دور البودره والصراحه نزلت صور البودره من النت لاني تعبت من كثر ماصورت ههههههه

ها البودره مووووووووووول ما استغني عنها وهي من بودي شوب صارلي سنين استخدمها تعيبني وايد

والبودره الثانيه
من ماكس فاكتور واااااااااااايد أحبها لاني اقدر استخدمها بعد كريم المرطب من غير فاونديشن لان تغطيتها جدا ممتازه وحلوه وهاذي صورتها

والحين دوووور لبلاشر

الصراحه احب بلاشرات ماك واللي على اليمين شانيل لونه مشمشي بلمعه وايد حلو وهادي واللي على اليسار NARS برتقالي فاتح الصراحه خبااااااااال وايد هادي وحلو واللي في الوسط بلاشر بودي شوب حلووو وميك اب فور ايفر ما عيبني وايد لانه غامج

والحين الشدوهات

الصراحه كلها روووووووووووعه واذا تلاحظون انا وايد احب الالوان الفاتحه والترابيه ^_^ وفي الوسط إضاءة ميك اب فور ايفر رووووووووووعه الصراحه ولمعة بودي شوب هاذي بعد حلوه موت

لحظه لا تردون ماخلصت بكمل ^_^

يتبع ^_^

هاذي روجاتي بعضها من مكياجي الماركه اليديدهk22 والصراحه ها الماركه وايد احبها لان روجاتها ماااااااات وهاديه وعندهم وايد الوان حلوه .. وطبعا مااااااااك وكلارنس وروج واحد برتقالي من رد ايرث وروج أحمرر من كريستيان ديور و NARS ^_^ وكلهن الصراحه حلوات وانا من النوع اللي احب أنوع أحب الغامج والفاتح

وهاذي اقلام الكحل من برجوا وميك اب فور ايفر ومكياجي
ومسكارا زرقاء من سان لوران الصراحه حلوه وطول لرموش واااااااااااااااايد
والمسكارا السوداء من بودي شوب وااااااااااااايد احبها أتخيلوا صارلها تقريبا عندي من سنه وللحين مانشفت وايد روعه وتفرق لرموش وهاذي تقريبا اكثر وحده استخدمها للزيارات
والشفافه بعد من بودي شوب عاد هاذي استخدمها يوميا ومووووول ماستغني عنها ^_^

وأخيراااااااااااا الفرش حاطتنهم في علبة عطر ام سعيد هههههههه لاني وايد احبها وها الفرش من مكياجي اللي أين داخل شنطه حمراء مادري عنابيه بس السوداء من ماك

وبجذيه خلصت ويااااااااااااااااااااارب موضوعي يعيبكم

يااعيني ,, كله عيبني ,,وتقريبااا نفس مكيااجي ,,, الله يهنيج فيهم حبووبه

مشكووووره حبيبتي مزاجيه اسعدني مرورج واااااااايد ^_^

فعلا موضوع حلو ومتعوب عليه
يعطيج العافيه

تسلمين حبيبتي بهلوله أسعدني مرورج ^_^

nice يعطيييييييييييج العافيه على هالصور ^_^