مكياجي بالستايل الكوري و العدسات السودا PuMpKiN 2024.

مرااااحب صبايااااا ، اهلين و سهلين فيكم في موضوعي اليديد …
بس قبل بذكركم قي اللوك السابق و اللي ما شافته ياريت اطل عليه و تخبرني رايها

https://forum.uaewomen.net/showthread.php?t=413339

انا اموووت في ستايل الكوريات و للي ما تعرف الكوريات مهووسين بشي اسمه العيون الوساع و يسون المستحيل عشان تستوي عيونهم شرات الإينيمي (الرسوم المتحركة) ، و معظم بناتهم مسويين عمليات لرفع جفن العين عشان توسع و هم اللي مبتكرين العدسات البيغ آي الكبيرة ، و انا ماخذه عدسة ماكسيم السودة و حبيت انفذ اللوك الكوري مع هاي العدسة …..

[IMG][/IMG]

ميكب الكوريات ما فيه ألوان ولا تعقيد شي قمة في النعومة يحددون العيون بنعومة و يركزون على الرموش عشان تعطي اتساع للعين و هالنوع من الميك اب يبرز العين بطريقة مش طبيعية و عطي براءة حلوة للويه و هم عندهم حركة يسوونها في كل الصور و احس من شكل البنت اعرف سييييده انها كورية هههههه تحصلينها مبحلقه عينها في الصورة جيه @_@ و جنها تقول غصب عيوني وساااع غصب غصب غصب ههههههههه …

و حطيتلكم بعض المقتطفات عشان تاخذون فكرة عن ميكب الكوريات اللي استوحيت منه هذا اللوك

[IMG][/IMG]

بخليكم مع اللوك الكوري اللي نفذته بطريقة تتناسب مع رسمة عيني الطبيعية

[IMG][/IMG]

[IMG][/IMG]

بشرحلكم الحين كيفية التطبيق على السريع

اول شي لازم توحدين لون البشرة بفاونديشن مات و كونسيلر بس حاولي ما يكون الفاونديشن مبين يعني على قد الامكاااان تكون النتيجة طبيعية ، و بعدين انثري بودرة سايبه (لوس باودر) على كل الويه حطي آيشدو لؤلؤي تحت الحاجب بعدين على الجفن المتحرك حطي بنكي فاتح و ردي حطي اللؤلؤي فوقه من الزاوية الداخلية للعين صوب الخشم الثلث الاول من الجفن بس
و بعدين بجحال أسود حددي العين من فوق و من تحت الثلثين اللي برع من العين و اتركي الثلث الداخلي بدون تحديد ، خذي فرشة و موهي خط الجحال بشادو اسود او رمادي و بعدين حطي كذا طبقة ماسكارا و اذا تحبين تضيفين اتساع اكثر للعين جحليها من داخل بقلم ابيض بس انا ما سويت هالحركه لأن عيني مب محتاجه لكن للي عينها صغيرونه تناسبها هالحركه ، و اذا تحبين ممكن بعد تضيفين رموش من اي ديزاين ، و انهي اللوك بقلوس شفاف او روج بنكي فاتح و بلاشر بيبي بنك ^_^
اتمنى يكون شرحي وااااضح
و هاي العدسة اللي انا لابستنها ….

[IMG][/IMG]

أتمنى يكون اللوك عيبكم ، و خبروني رايكم، و اللي بطبقة تقوللنا شو كانت النتيجة
و بث ^_^

ملاحظة: اللي في بالها لوك معين تبا تشوف طريقة تنفيذه ، اطرشلي الصورة على الخاص و انا على قد الامكان بحاول اسوي شراته و اشرح خطوات التنفيذ بالصور ، بس بليز اختارو لوكات غاوية انا اتعقد من الميكب الدفش( >,<)

Very CUUUUUUUUTe

wooooooow

الغالية ضفتلج الخطوات ^_^ انتي تامرين أمر

ررررررررررررروعة تسلمين الغالية
واذا انتي متعقدة من الميكب الدفش
واااااايد شراتج الصراحة لان حلاتها الوحدة بنعومتها وبساطتها

صليت عليج بالرحمن ..
عساج اتكونين فـ حفظ الرحيــم و رعايته ،
المكيــّـاج غاوي ، ياغير لعيون أغوّى ..
حفظج ربـّـي من كل عين عاين و كيد كايد ؛

،

رووعه الله يا انــّـــه روعه ..
خفيف ، ناعم ، سمبل ..
و انا عاد اعشـّـق الميك اب النعـّـوم ..

،

بس الغنــّـاه منين شاريـّـه العدســّـات ؟
الماكسيم و الريوكون ؟

،