حبيت اسوي ملف للي يحبون الدونات وانا وحده منهم …………
وان شاء الله هالملف فيه كل شى عن الدونات وطريقته وشوي اليديد فيه…….
وكل وحده عندها الطريقه حلوه وسهله تساهم ويانا في هالملف…….
الي عندها ملاحظه ولا نصيحه حلوه في طريقه دونات لا تبخل علينا…
ولا تنسون الادوات الي نستخدمه بيكون له نصيب في ملفنا…
الحين من شوف الخبره وان شاء الله تتفاعلون ويا الموضوع وتفيدونا ونفيدكم باذن الله تعالى..
المشاركة الأصلية كتبت بواسطة نوفاني 
المقادير
المقادير:
3 كوب طحين رقم 1
2 ونص ملعقه زبده سايحه
كوب حليب سائل
1 ونص ملعقه باكينج باودر
1 ملعقه خميرة
2 ملعقه سكر
نص ملعقه ملح
1 ملعقه حليب بودرة
بيضه وحده
الطريقه :
نحط الخميرة والملح وشوية سكر في قليل من الماء ونخليها تخمر 10 دقايق
نعجن باقي المقادير ونصب الخميرة اللي حطيناها فالماي ونعجنها مع بعض وبعدين نصب كوب الحليب بالتدريج ونعجنها لمده 10 دقايق واذا حسيتيها تلصق بايدج حطي طحين..
نحطها في مكان دافي لمدة 3 ساعات او ساعتين ونص لحد ما تنتفخ…
اول شي العجينه عقب ما خلصنا العجن نخليها في مكان دافي لمدة 3 ساعات
بعد ما خمرت هذا شكلها…
نفرد العجينه بارتفاع 1 سم ونقطعها حسب الشكل اللي تبينه ونخليها ترتاح 10 دقايق…
وهني قطعتها بالقطاعه وانتو تقدرون تغيرون الاشكال..وخليتها بعد 10 دقايق ترتاح…
وبعدين سخنت الزيت وقليتها وطبعا انتفخت مثل مانتوا شايفين…اخر شي تقلينها فالدهن وبالعافيه
واخيرا التزيين انا حطيت نوتيلا وسكر مطحون وانتوا برايكم حطوا اللي تبونه..
وبالعافيه على قلوووبكم
المشاركة الأصلية كتبت بواسطة Farouha اليوم جايبة لكم وصفة خاصة بالدونات الفرنسي الهش
لذيذ جداا لاني سبق و اكلته
و ان شاء الله اجربه في البيت عندي يوم احصل على العصا السحرية >>>>> هذي من عندي لاني ما لقيت اي ترجمة لاسم العصا اللي مستخدمينها في الوصفة
فراح اسميها العصا السحرية
هذي صورة الدونات الفرنسي و تحتها صورة العصا السحرية و بعدها الطريقة مع المقادير
المقادير
6 ملاعق كبيرة من الدقيق
1 بيضة كاملة
من 2 الى 4 ملاعق كبيرة من الماء البارد
زيت للقلي
الطريقة
تخلط جميع المقادير لغاية الحصول على عجين سلس
لا هو ثقيل و لا سائل جدا
يعني بامكانك اضافة الماء او الدقيق لغاية الحصول على عجين مثل عجين الفطائر او البان كيك
نسخن الزيت استعدادا للقلي و نضع فيها العصا السحرية ليتم تسخينها
ثم نقوم بغطس راس العصا في العجين و نحوله الى الزيت لكن لا تتركيها كثيرا في الزيت كي لا تطهو العجين على العصا
مجرد ما تحصلي على اللون الذهبي ارفعي الدونات من الزيت
يمكنك تزينها بالسكر البودرة او بالعسل او بشيرة البان كيك او يمكن تزينها بالشوكولا
وصفة اكيد راح يحبوها الصغار
اتمنى تعجبكم
و اتمنى من اي بنت ناوية تنقله على الاقل تذكر المصدر لانها مواضيع يتم ترجمتها خصيصا لموقع مدونة سيدات الامارات
بالتوفيق ان شا ءالله
المشاركة الأصلية كتبت بواسطة أم توته11 طبعا الكل منا يحب الدونات وهذي طريقة الصوص الشكولاته. 2 علبه صغيره حليب المركز المحلى
1ملعقة طعام حليب بودره
1 ملعقه صغيره نشا
1 ملعقه صغيره فانيليا
1 ملعقه وسط زبده
1 ملعقه صغيره سكر ناعم
2 ملعقة طعام شكولاته بودره
تخلط المقادير كلها في القدر ثم على النار وتستخدم وهي ساخنه.
وللأمانه: منقول
وسامحوني إذا كان الموضوع مكرر.
