مليت من الصداقات الفاشله 2024.

شحالكن خواتيه ,, شخباركن ,,,

انا قررت اكتب في هالقسم عقب ما شاورت نفسيه مية مره ,, لأنيه ماكنت اعرف شو بكتب ,,

بس بكتب كل شي فخاطريه الحينه وما بستحي ,,

اول شي انا طالبه ولله الحمد في الجامعه,,

تقدرون تقولون ليه شخصيتيه الي تميزني بين البنات لنه شويه موديلي قديم احب الامور القديمه اكثر بس لله الحمد متطوره هههههه ,,, ,وماداني البنت الي اربع وعشرين ساعه تتصفلق تتعدل الا طاحت عدستي الا طاح رمشي الا لوني مغبر ,, احب الانسانه العاديه الي تعاملني مثل ما اعاملها و تكون في قمة اناقتها بسيطه

,, اسولف مع الكل واضحك ولا ف خاطريه شي ولله الحمد ,, اطنز على نفسي قبل لا اطري الغير وماحب طاري حد الا بالخير ان شاء الله ,, لأنيه اعرف انه الله ما يسهى ولا ينام

لكن خلال مشواري الدراسي هاذا كله عمرها ما كانت ليه صديقه ,, يمكن البعض يعتبرني صديقته لكني ما اعتبر حد بمثابة الصديقه ,, ابدا ,, كلهن زميلاتي فقط ومن اطلع من الجامعه اودع شي اسمه صديقات

لأني كل مره احاول اتقبل صداقة حد ليه والكلام الي اسمعه منهن شي واعمالهن شي ثانيه بالنسبه ليه ,,

مثال بسيط صاير ليه من قبل اسبوعين ,,

وحده اعرفها من اربع سنين ,, ما تعرفني ولا عمرها تكلمني غير في حايه ,, ولأني طنشت الي قالته ولا سويت الها الي تباه طرشت ليه مسج كاتبه ,, صدقيني ما توقعت منج هالشي ,, ؟؟؟ يا سلام يا تخدميني يا ازعل عليج ؟؟ شو هالأنانيه ,, ووينج انتي عنيه يوم انا متضايقه ولا ابا اشتكيلج من موضوع قاهرني ؟؟ بس عرفتيني وقت حايتج ؟

مثال آخر ,, بنت درست معاها ثلاث سنين ف الجامعه ,, ع الحلوه والمره معايه ناكل مع بعض ونضحك مع بعض ما امشي ولا اطلع من الكلاس الا وياها ,, وتقوليه ولهانه عليج و من هالكلام ,, الي كل المنافقات شادات حيلهن فيه ,,

بس يوم اتصلها ما ترد ,, ابا اكلمها ادورها ما ترد عليه الا عقب اسبوع ,, ويوم تضيق من عمرها ولايصير فيها شي تعرف انه مافي حد بيسمعلها ويطبطب عليها كثريه ,, تي عنديه ترمسني !!!!!!!!!!

مثآل غيره ,, وهالمثال صدق قاهرني لين باجر لين الي عقبه ,, بنت تعرفت عليه مب عشان سواد عيوني ,, عشان بس انا بنت فلان ,, حابه تكون صديقتيه غصب اذكر اول يوم داومت فيه ف الجامعه تدورني كانت ف الكلاسات تقوليه قريت اسمج ويانا وخاطريه اتعرف عليج ,, مرت الايام و يت فتره كله زعلانه ,, انا من كثر ما انيه حاتيتها قتلها شو فيج الغاليه شي مضايقنج ؟ خبريني والله عيونيه لج ,,

سكتت عني ,, عقب يومين طرشت ليه ايميل مب عارفه كيف اشرحلج بس الصراحه محتايه مبلغ ,,,,,,,,,, لأني محتايه وايد وايد اهليه ما يصرفون عليه ولا شي و من هالكلام ,,

انا حليلي صدقت ,, قلت والله يمكن كلامها صح او تباهن فشي ضروري ,, وعطيتها من باب حب الخير لها

عيني عينك عقبها بيوم اشوفها شاريه تلفون يديد تقولي ما باركتيليه قتلها ع شو قالت ع التلفون قتلها مبروك قالت هاذي هديه من عندج اعتبرها وضحكت ؟؟؟؟؟؟؟؟؟

خواتيه الحينه انا يتهيألي اني كنت مقصه ولا شو الموضوع ؟؟؟

المهم قلت فخاطريه ربيه يجعله دفع بلا ,, بس قوات عينها عقب فتره تطلبني مره ثانيه ؟؟؟؟؟؟؟؟ شو افهم يعني ؟ ؟؟؟

استغفر الله والله انيه غسلت يديه من البنات كفينا الشر ,, ليش كل هاذا يا بنات ,, خافن من الله اتقن ربكن شويه في الي تسونه,,

والله انيه اعامل الناس بحسن نيه اتمنى بس بنت من البنات تي تمث دمعتيه على خدي يوم اكون متضايقه أو حتى تسألني فيج شي ؟ شي مضايقنج ؟ والله انها كم تسوى هالكلمه ,,

بس صدق استوى شي نادر نلقى صديقه وفيه قلبها صافي ما في بالها سوالف بايخه وخربطان هالي نشوفه كفينا الشر شذوذ وغيره !!!!!!!!!

الحمد لله على كل حال ,, وربي يستر على كل بني آدم في هالدنيا ,, ويعينا ويعطينا على قد نياتنا يا رب ,,

,,,,,,,,

اسمحوليه ,, بس فجيت حرتيه ف الموضوع هههههههههههههههههه