ممكن مساعده باغراض السفر 2024.

السلام عليكم ورحمه الله وبركاته
الأسبوع الياي بسافر تركيا ان شاء الله شو الأغراض اللي ممكن أخدها معاي
للعلم عندي طفلين 6 سنوات و 3 سنوات ….
ف اللي سارت من قبل تخبرني شو خدت وياها

وجزاكم الله خير ……
انتظر ردودكم ….

معقول ولا رد
بليييييييييز ساعدوني ضروووووووووووري

من ناحية اللبس عادي البدي كم طويل و جنز

و شلي جاكيت احتياط لاماكن البارده مثل بورصه

الاكل متوفر في كل مكان و الجمعيات تحت الفنادق في كل زاويه ^^

عادي خذي لهم اكلات يحبونها مثلا جبساتهم المفضله حلوياتهم

لان يمكن مايعيبهم مال تركيا
لاتنسين الادويه
مثلا ادول بندول تحميلات تخفض الحراره وجل اليبهه للحمى و. اسبرين
يعني اسعافات خفيفه عشان تغير الجو

و ان شاءلله تستانسين

ربي لك الحمد والشكر

اذا بتطبخين بروحج خذي أغراض وياج لان وممكن تأخذين الخضار من عندهم لان اسعار الجمعيات عندهم غالية

هوى الروح
عشق طاهر
ريمي
مشكورااااات على الردود …..

لو بتشلين كواية صغيرة بيكون زين لان اغلب غرف الفنادق ماتوفركواية وسعر خدمة الكواية وايد مبالغ فيها عندهم فاشتري وحده احسن ، وخذي بعد وياج فيشة الكهربا لانج بتحتايين تستعملين جرج الموبايل او اللاب ومخارج الكهربا عندهم غير ،وانصحج بعد تحملين خرايط اسطنبول السياحيه من مدونة زاد المسافر او العرب المسافرون وتطبعينها خاصه اللي فيها معلومات عن الاماكن السياحيه وايد بتفيدج ،واذا متعوده تلبسين كعوب خذي وياج جوتي فلات لانج بتمشين وايد واهم شي لاتنسين تاخذين شراشف وغطا المخدات من بيتج لان الفنادق مهما كانت معروفه محد يضمن نظافتها واذا بتشلين وياج قاموس تركي -عربي بيكون زين ،وتروحون وتردون بالسلامة ان شاء الله