حبيت اعرف اشيا عن تركيا
اجوائهم؟
اسعارهم؟
الأماكن الحلوه؟
الملاهي؟
وكم تقريبا كلفتكم الرحله وكم يلستو هناك وهل كفايه زرتو كل الأماكن الحلوه
لكن مافيها ملاهي واذا كان في فهي ملاهي عاديه جدا..
تركيا من أجمل البلدان و فيها اماكن طبيعية و تاريخية …
جوها في الصيف معتدل و في الشتاء بارد و ممكن يتساقط الثلج,,
أسعارها متوسطة
لازم تحددين انتي وين تبين تروحين ؟ لانه المدن غير عن الريف ؟؟
حبيت اعرف اشيا عن تركيا
اجوائهم؟
اجواءهم وايد حلوة هادية وربشة في نفس الوقت..~ وبالنسبة للطقس فالصيف يعني شهر 7 تقريبا يكون الجو شوي حااار بس لو تروحين لما تبرد الدنيا تقريبا عللى شهر 9 وفوق الجو يكون بديييع وحلو ومن شهر 12 وفوق يبدا الجو يبرددددد وبعدين الثلوووج تطيح..~
اسعارهم؟
التذاكر مب غالية مقارنة باسعار التذاكر للبلدان الثانية بس المعيشة عندهم تتفاوت على حسب يعني شي الغالي ووشي الرخيص يعني براايي انها متوسطة ..~
الأماكن الحلوه؟
نحن نتعامل مع مكتب سياحي واخذنا لاماكن واااااااااااااايد..اسطنبول تكثر فيها الاسواق والمساجد والحدايق..~
بورصة فيها اسواق وطبيعة ومناظر..
الملاهي؟
للاسف ماعندهم ملاهي .. عندهم حديقة فيها العاب يسموونها ملاهي بس مب وايد حلوة..
وكم تقريبا كلفتكم الرحله وكم يلستو هناك وهل كفايه زرتو كل الأماكن الحلوه
نحن يوم نسير نسير اقل شي من اسبوع لين 12 يوم عشان نستمتع وللعلم انا من النوع الي ابدا ما احب اسير الدولة اكثر عن مرة احب اشوف الدول الثانية بعد وهاي اول مرة اسير دولة اكثر عن 3 مرات ..~
التذاكر تقريبا على طيران العربية تكلف لين 6500 بالكثيييير حق 5 اشخاص ( البارحة حاجزة لان بنسيرلها بالاحد ان شاء الله )
السكن حجزنا عن طريق المكتب بيكون ل 10 ايام لخمس اشخاص 14000 تقريبا مع مواصلات ويومين كاملات يكون عندنا سايق خاص ( وبعد بنروح اوزنقول ف في اسعار طيران داخلي ذهاب واياب )
والرحلات من نكون هناك نمر على المكتب نشوف شو متوفر واذا نحن نبا نطلع رحلة ونسير ^__^
انا اصحج في تركيا وبشدة وباذن الله بتستانسين فيها..اذا رحتي لها هالوقت لا تنسين تاخين ملابس شتوية ..~
اتمنى اني فدتج اختي…مع ان في وايد في جعبتي هههههه..~
وادعلونا بسفرة موفقة ان شاء الله ^__^