ممكن يكون الجديري .؟ 2024.

السلام عليكم ……

بنوتي عمرها 9 سنوات اول ما رجعت امس من المدرسة وماسكنها صداع وماتحب تشوف النور …..

واول ماقامت العصر من الرقاد كانت تحس بلووووعه وصداع وحرارتها 39

والمساء تمت ترجع الله يعزكم ….

وطول الليل ترقد شوي وتقوم ترجع ….

والصبح لا حظت انه في جسمها حبوب حمر….وتقول حرقان في عيونها …

وخايفة يكون جديري…..!

شوووووه اسوي معاها …….؟

وكيف اجنب الصغرونة العدوى….؟

اختي ماأقدر افيدج بس اتوقع انها حصبة وهالمنتشر من الصيف … لأن الجدري على قولت الوالده ..

اول شي اتزخ الياهل حمى ثلاث ايام وعقب تبدأ تطلع الحبوب واتكون فيها ماي وبعد لمدة ثلاث ايام

وثلاث ايام اتخوز الحبوب …. هذا اللي اعرفه بس اذا الحبوب صغار وحمر يعني حصبه..

الله يشفيها ان شاء الله…

أذكر عيالي في البدايه لما اصابهم الجدري كانت تظهر عليهم آثار الزكام وبدأت مناعتهم تقل ويبدو عليهم التعب والإرهاق وقلت النشاط ………….. ثم بعد 3 أيام تقريبا ظهرت الحبوب وتكون منها الصغيره ومنها الكبيره لكن فيها ماي …….. بعض منهم أصابتهم حمى والبعض لا ……..وتصدقون كلهم انتقلت العدو ا لهم مع إني حجزت أخوهم عنهم ……….ما عدا الصغير وكان عمره 6شهور .. سلم من الجدري ….وهذا لطف من الله ……….
لكن أول واحد والثاني تعب كثير وكانت الحبوب كبيره وكثيره ………أما الباقين فاخذتهم في بدايت إصابت أخوهم الأول إلى عيادة خالد الجمل واعطاهم إبره وجابت نتيجه إن الحبوب كانت أقل واصغر ولا تعبوا منها وايد ..الإبره كان ثمنها 150 درهم أو 300 بصراحه لا اذكر لأن هالكلام كان سنة 2024 م
من تقريبا 7 سنوات واكثر شوي
أتمنى أكون افدتج إختي
والله يشفي مريضج والأحسن خذيه على طول المستشفى . والله يهون عليه

اللي اعرفه لو حبوب حمر و فيهم راس مثل الماي …جديري …وديها المستشفى احسن تطمانين عليها
تستاهلين سلامتها

ربي يعافيها انشالله ..روحي اتطمني عليها بالمستشفى احسن ..

وعن الابرة …اختي عاطتنها لعيالها الاثنين والحمدالله ..