السلام عليكم ورحمة الله
اشحالكن ياحلوات
اليوم اا لي عتب على بعضكن ومب الكل
الحمدلله رب العالمين ربنا عطانا عقل كبير …..ويميز بين الزين والشين
وانتن بنات ماعليكن قصور ..متعلمات وفاهمات وواعيات وتدخلن عالم الانترنت الكبير وتشوفن النصب والكذب والخداع حتى في العيادات التجميليه والصالونات ….كل شي تشوفنه بعيونكن واخرتها دكتور التجميل اللي مسوي نفسه جراح هوليود الشهير
ليش كل هالكذب والنصب ؟؟؟؟؟ عشان البيزات بالتأكيد
عتبي عليكن يا بنات لان اي وحده ما تعرفونها تنزل موضوع عن كريم او خلطه او منتج تقول عنه واو خبال اذا تبغون راسلوني ع الخاص ….وانتو ركيض :من وين وبكم وكيف ووووو؟؟؟
نحن عندنا تاجرات في المنتدى وماشالله ما خلن شي من الشرق والغرب الا ومتوفر عندهم والبنات يشترن عنهن ويكتبن تجاربهن عن المنتجات اللي اشترنها حتى لو كانت النتيجه مب حلوه …ما حد لامهن ولا شي بالعكس ممكن تطلع بنت ثانيه مشتريه عن نفس التاجره وتمدح المنتج لانها استفادت منه ,,,
ما فكرتو ليش الاداره سوت في المنتدى قسم التسوق بفروعه المختلفه ذهبي وفضي وبرونزي؟؟؟؟
أكيد عشان الامور تكون واضحه ومرتبه وبعيده عن النصب ..خصوصا مع قوانين المنتدى اللي تفرضها ع التاجره من عرض
التصوير الخاص بالتاجره الي سعر المنتج الى طريقة تسليم القيمه واستلام البضاعه …يعني كل شي واضح
وبعد احتراما للعضوات والزباين ممنوع اي تاجره تنزل اعلانها او تدعو العضوات الى شراء منتجاتها بشكل صريح وواضح في الاقسام الاخرى غير المول
وفي أقسام خاصه للزبونه تنزل صورة البضاعه اللي اشترتها وتقول رايها فيها وفي التاجره
عقب كل هذا ….ما سألتو نفسكم عيل هالبنات اللي ينزلن دعوات لشراء بضايع من عندهم في اقسام البشره ودليل العروس او المكياج او او او كل الاقسام ما تسلم منهن ….ليش يسون جذه ؟؟؟وليش ما ياخذن عضوية تاجره ويفيدونا بمنتجاتهم اللي ما بقى كلمة وصف رائع الا وصفوها …ليش يندسون في كل الاقسام ويعرضون منتجاتهم باساليبهن وطرقهن الرخيصه ؟؟؟
ببساطه لانهن نصابات…يبغون يشفطون بيزاتكم وخلاص …بتبيع على كمن وحده وعقبها بتختفي …ما حد يعرف هي وين
منو المتضرر؟؟؟الزبونه المغفله اللي صدقتها..والمنتدى المحترم اللي سجلت فيه
24 ساعه ماشالله عليكن سؤالكن الوحيد والأزلي :كيف نبيض …والنصابات لاعبات لعب من هالباب
نصيحه لكن يابنات ::لاتصدقن اي وحده تنزلها موضوع في قسم غير المول وما تملك خاصية تاجره …خصوصا هاللي تحلف لج مية يمين انها جربت المنتج وانها صادقه ويمكن تحط لكم صورته ويمكن لا لانها ما تبغي تكشف نصبها
المهم لازم تسئلون نفسكم :اذا هي صادقه في هالشي ليش ما تاخذ عضوية التاجره وتنزل مواضيعها في المول مثل باقي التاجرات
ليش تتخفى في أقسام مالها علاقه بالعروض التجاريه عشان تعرض تجارتها؟؟؟
اذا تبغونا نبعد هالنصابات عن منتدانا الحلو لازم انتو بعد تتعاونون ويا الاداره
لاتتأخرون في التبليغ عن اي وحده تعرض منتجات في الاقسام الباقيه وهي ماتملك عضوية تاجره حتى لو كانت تاجره لان هالشي ممنوع
ولاترفعون مواضيع هالعضوه النصابه عشان ماتساعدونها على الانتشار وبالتالي النصب على غيركن…لاتساعدونها على استغفالكن والضحك عليكن
اتمنى التعاون من الجميع عضوات وتاجرات لان هذا المنتدى له مكانه مميزه وسمعه حلوه تشرفنا كلنا وهو واجهة الاماراتيه للعالم ….خلونا نظهر أحلى ما عندنا
اشحالكن ياحلوات
اليوم اا لي عتب على بعضكن ومب الكل
الحمدلله رب العالمين ربنا عطانا عقل كبير …..ويميز بين الزين والشين
وانتن بنات ماعليكن قصور ..متعلمات وفاهمات وواعيات وتدخلن عالم الانترنت الكبير وتشوفن النصب والكذب والخداع حتى في العيادات التجميليه والصالونات ….كل شي تشوفنه بعيونكن واخرتها دكتور التجميل اللي مسوي نفسه جراح هوليود الشهير
ليش كل هالكذب والنصب ؟؟؟؟؟ عشان البيزات بالتأكيد
عتبي عليكن يا بنات لان اي وحده ما تعرفونها تنزل موضوع عن كريم او خلطه او منتج تقول عنه واو خبال اذا تبغون راسلوني ع الخاص ….وانتو ركيض :من وين وبكم وكيف ووووو؟؟؟
نحن عندنا تاجرات في المنتدى وماشالله ما خلن شي من الشرق والغرب الا ومتوفر عندهم والبنات يشترن عنهن ويكتبن تجاربهن عن المنتجات اللي اشترنها حتى لو كانت النتيجه مب حلوه …ما حد لامهن ولا شي بالعكس ممكن تطلع بنت ثانيه مشتريه عن نفس التاجره وتمدح المنتج لانها استفادت منه ,,,
ما فكرتو ليش الاداره سوت في المنتدى قسم التسوق بفروعه المختلفه ذهبي وفضي وبرونزي؟؟؟؟
أكيد عشان الامور تكون واضحه ومرتبه وبعيده عن النصب ..خصوصا مع قوانين المنتدى اللي تفرضها ع التاجره من عرض
التصوير الخاص بالتاجره الي سعر المنتج الى طريقة تسليم القيمه واستلام البضاعه …يعني كل شي واضح
وبعد احتراما للعضوات والزباين ممنوع اي تاجره تنزل اعلانها او تدعو العضوات الى شراء منتجاتها بشكل صريح وواضح في الاقسام الاخرى غير المول
وفي أقسام خاصه للزبونه تنزل صورة البضاعه اللي اشترتها وتقول رايها فيها وفي التاجره
عقب كل هذا ….ما سألتو نفسكم عيل هالبنات اللي ينزلن دعوات لشراء بضايع من عندهم في اقسام البشره ودليل العروس او المكياج او او او كل الاقسام ما تسلم منهن ….ليش يسون جذه ؟؟؟وليش ما ياخذن عضوية تاجره ويفيدونا بمنتجاتهم اللي ما بقى كلمة وصف رائع الا وصفوها …ليش يندسون في كل الاقسام ويعرضون منتجاتهم باساليبهن وطرقهن الرخيصه ؟؟؟
ببساطه لانهن نصابات…يبغون يشفطون بيزاتكم وخلاص …بتبيع على كمن وحده وعقبها بتختفي …ما حد يعرف هي وين
منو المتضرر؟؟؟الزبونه المغفله اللي صدقتها..والمنتدى المحترم اللي سجلت فيه
24 ساعه ماشالله عليكن سؤالكن الوحيد والأزلي :كيف نبيض …والنصابات لاعبات لعب من هالباب
نصيحه لكن يابنات ::لاتصدقن اي وحده تنزلها موضوع في قسم غير المول وما تملك خاصية تاجره …خصوصا هاللي تحلف لج مية يمين انها جربت المنتج وانها صادقه ويمكن تحط لكم صورته ويمكن لا لانها ما تبغي تكشف نصبها
المهم لازم تسئلون نفسكم :اذا هي صادقه في هالشي ليش ما تاخذ عضوية التاجره وتنزل مواضيعها في المول مثل باقي التاجرات
ليش تتخفى في أقسام مالها علاقه بالعروض التجاريه عشان تعرض تجارتها؟؟؟
اذا تبغونا نبعد هالنصابات عن منتدانا الحلو لازم انتو بعد تتعاونون ويا الاداره
لاتتأخرون في التبليغ عن اي وحده تعرض منتجات في الاقسام الباقيه وهي ماتملك عضوية تاجره حتى لو كانت تاجره لان هالشي ممنوع
ولاترفعون مواضيع هالعضوه النصابه عشان ماتساعدونها على الانتشار وبالتالي النصب على غيركن…لاتساعدونها على استغفالكن والضحك عليكن
اتمنى التعاون من الجميع عضوات وتاجرات لان هذا المنتدى له مكانه مميزه وسمعه حلوه تشرفنا كلنا وهو واجهة الاماراتيه للعالم ….خلونا نظهر أحلى ما عندنا
أعرف موضوعي طول عليكم بس انشالله يكون بفايده و
بارك الله فيج اختي
مشكوره على النصيحه
وان شاء الله نتعاون
عشان نقضي على عمليات النصب اللي في المنتدى
مشكوره على النصيحه
وان شاء الله نتعاون
عشان نقضي على عمليات النصب اللي في المنتدى
الله المستعان
معاج حق 
واتمنى من كل العضوات يكونن صادقات في كتابه تجاربهن لاي منتج يجربونه من التاجرات
واتمنى من كل العضوات يكونن صادقات في كتابه تجاربهن لاي منتج يجربونه من التاجرات
تسلمين اختيه ع النصيحه وربي يعطيج قد نيتج وأنتي صدقتي وايد الحين قامن ينصبن علينا ونحنا ياغافل لكم الله ولا نعرف شي غير نصدقهن والله يهدي الجميع ونحنا بنقضي عليهن واتمنى من الجميع ينتبهن
تسلمين يا اختي كفيتي ووفيتي بارك الله فيج
أنا وحده لااااااااااااااااااااااعت جبدي من مواضيع النصب
ولا يتفننون بعد في الطريقه
وحده اونها تعرض لنا منتجاتها اليوميه اللي فادتها واااااااااااااااااااااااااااااااااااااااااايد
وطبعاً هالمنتجات مب متوفرة ولازم نراسلها عشان نعرف من وين!!
والثانيه تحط موضوع مساعدة وكل ما حد سألها عن مشكلة قامت ومدحت المنتج الفلاني اللي لازم نراسلها عشان
نعرف من وين نشتريه
بصراحه حركات مكشوفة ومبين انه دعاية ونصب