انا عندي مشكلة ,, وتقهرني عندي جيران ولكن اطباعهم مب شي بغينا نتعرف عليهم ما في مجال
اول محاولة كانت طرشنا صحن اكل اول ما سكنا و ردوا على الخدامة انهم ما يردونه
فقلت يمكن اليهال بطلوا الباب ثاني مره قالوا انه عندهم اكل وايد
وثالث مره صرخوا على الخدامة
يعني ما ادري شو سبب هالمعاملة بس والله ما سوينا لهم شي بس وايد يقهروني انهم مزعجين ونحن هادين
و فوق ها معاملة زفتتتتتته الوصخ يفرونه من فوووق الدريشة ويوصل بيتنا مره سلطون عق الكرة بالغلط عندهم استوت حريجه
ما اعرف كيف اتعامل معاهم
المشكله مصيري اني عدالهم ولكن تعااااااملهم زففففففففففففففففففففت وجريئين و شريييين -_-
انتي عرفتي اطباعهم من قبل لا تتعرفين عليهم
والباب اللي ايي منه الريح سده واستريح
انا بعدني ما اتحولت وبيتنا بعده ماخلص
بس في ياره ساكنه مجابل بيتي
اتخيلي انها اتي وتهد وتهازب العمال!!
وكل شوي تقول بييبلكم الشرطة
وهذا لأنهم يشتغلوون ويدقدقون انزين كيف بنخلص البنيان وانتي كل يوم عافده عندهم
وياريت انهم يشتغلون حزة الرقاد حشى والله بس ناس نفوسهم خايسه عافانا الله
قلت اللي هذا اوله ينعاف تاليه وان شاء الله ناويه ما اتعرف عليها ولاحتى اعرف عنها شي
الله عينج ويعييني
انا صار لي 3 سنوات قاعدة في شقة و جيراني اغلبهم مواطنين و الين الحين ما صار اني اتعرف عليهم و قلت جي احسن اكون بحالي …. لأن رمضان اللي طاف طرشت اكل حق جيرانا مواطنين ردو على ريلي هاذي اخر مرة تطرشون (ما ادري يمكن لأنهم شيعة و ما يحبون ياكلون من اكل السنة)… و من عقبها خلاص ما حاولت اني ابدا بشي
لأنه تصرفهم غريب جداً.. يمكن مايحبون يتعاملون مع حد
لأنه احنا اغلب جيرانا يمنيين بس يتعاشرون عادي نطرش لبعض
سبحان الله الناس اطباع .. خلج في حالج احسن ويزاج الله خير انج بديتي
اختي ام هزاع انا عقب ما عرفت طبعها ما حبيت اتعرف عليها
بس تيووووووز عني