منع جالونات زمزم على الطيران السعودي :33: 2024.

السلام عليكم
اليوم كانت رحلة العودة على الطيران السعودي من مكه وللأسف منعونى من أخذ جالونات زمزم معى، كنت معبيتهم بنفسى ومن صوب باب الملك عبدالعزيز وش حلاتها ماى مفلترة وأحكمت إغلاقها زين ما زين ، النحاسة بدت اول ما وصلت المطار اول ما شافهن العتال وبدا يغرد هزا ممنوع هزا ممنوع!؟! طبعا انا ما فهمت عليه وقلت له ودهن التغليف مباشرة وهو بعدا على هزا ممنوع وهزا ممنوع!؟ وأثريهن حتى التغليف مانعينه عسبة لا حد يخدعهم ويدخل الجالونات مغلفات وهم وما يشفووون شو ف التغليف!؟! حاولت وياهم الا انه واحد منهم تنح وخرب على كل المحاولات حتى العون من طرف حتى المدير التنفيذي خربه على وهو مطنقر ماييوز وما ييوز وما شى وقت!؟ حسبي الله ونعم الوكيل فيه… بغيت اشرب أبويه المريض ولا خلانى
المهم احين شو ترتيب جالونات زمزم!؟! ما عرفت لهم اونه لازم نتشرى الجالونات بحسب المواصفات المحددة بالشكل المحدد وبلوزن المحدد (( الجالونات يل عندى كانوا اونه مال اول …… يل هم مربعات )) شو المطلوب أحين عسب يخلونا نأخذ زمزم ولا لزمن نتشرى عا قولتهم !؟ ولا شو السالفة بالضبط !؟ يا ليت يل يعرف يخبرنا

حتى طيران الامارات في نوعيه خاصه مصرح فيها لانه قاموووو وايد يغشون الناس يقولون ماي زمزم وهو مب ماي زمزم على فكره المطار منع كل الأنواع إلا نوع واحد مرخص فيه عليه ختم

خبر محزن كنت أتحرى أنى بحول عن طيران السعودية، شكلهم مسوينها على كل الطيرانات
حسبى الله ونعم والوكيل فيهم لازم. نتشرى يعنى !?! وشو شكله هذا الجالون المختوم !؟ يا بويه انا وين بضمن انه ما يغشون ولا يعطونا ماى زمزم صدق …… الله يا كثر اللواتي والمرتزقة يل عند الحرم . عز الله كيلويين التمر يل يبتهم البشكارة أتقول لى كلهم سوس ونمل تضحك أتقول لى النمل. يسرى كل مكان ف علبة التمر !؟! انا. وين. بضمن انه زمزم صدق يل بتشراه وهم هاى ذمتهم ؟!؟
فى إمكانية اتحطين لى صورته ه الجالون المرخص ! لو سمحتى اشكر لج مرورك

في مشروع الملك عبدالله بن عبدالعزيز لسقيا زمزم في مكة تقدرون تشترون الماي من هناك عبوات عشرة لتر اكيد مضمون

بس اللي عندي مكتوب عليها غير مهيأة للشحن الجوي اذكر اخوي يوم ياب لنا كان في كرتون خاص للشحن تاكدو من وين من نفس المكان ولا من المطار لو عندي الكروتون كنت قلت لكم شو مكتوب عليه بس ماذكر

ترا الدبة الصغيرة مسافي عشان تقارنون الحجم

Pencil وين احصل ها المشروع مال سقيا الملك عبدالعزيز!؟! ولا دامه مكتوب عليه غير مهيأ للشحن الجوى أخافه ما بينفع ….. بيتعذرون بالمواصفات إياها يل مب عارفة لها للحين !؟! او يمكن يقصدون انه ما ينفع وهو ب ها الشكل للشحن الجوى؟ يباله تغليف!؟ مثل ما قلت بأول فقرة ….تراهم مانعين حتى التغليف ف المطار!!! العامل مال شركة التغليف حتى قال لى اذا وافقوا لج على شحن زمزم بغلف لج ولا مانى مغلف !؟!
تونى احصل لى ف البيت جالون فاضى مال اول ( المربعات ) …. أفكر ب السفرة الجاية افلله بكيفى واغلفه بمكه واحطه بالشنطه !؟! هم ما يسوون سكان على الشنط خلاف ادخالها صح !
شو رأيكم!؟ مشكورة اختى على الصورة والمرور

حبيبتي وانت رايحه المطار بطريق العوده خلي التاكسي يوديج مصنع التعبئة لماي زمزم أرخص من برا وبتحصلينه جاهز ومغلف وأشتري واتوكلي ع المطار ربي يوفقج والسموحة

ام فيصل ومحمد ان شاء بحاول لو انه بعد شقى ! لكن الله يعين الخير ف العمرة الجاية ! أظن شفت بمجمع الأبراج كشك مكتوب عليه سقيا زمزم ؟! هقيته اعمال خيرية لسقيا او شى جى تو اذكره! وبعد مراكز التعبئة المفروض انه يكون متوفر بالحرم وببلاش بعد ؟! ما ادرى ليش تصرفات رئاسة الحرم غادية جى ؟! قالبين الموضوع تجارة وما ادرى لصالح منو !؟ حسبى الله ونعم الوكيل فيهم يعسرون على خلق الله ليش؟! بعده قلبى معورنى على الماى يل ما رمت أجيبه حسبى الله نعم الوكيل فيهم
شكرًا مرور جام فيصل