. منوه جربت دكتورة التغذيه اللي مستشفى النور تدخل . 2024.

السلام عليكم ورحمه الله وبركاته

:1 (26):

شحالكم يا بنات زايد وعساكم بخير….؟

بنات انا دورت ع دكتوره تغذيه ولقيت دكتوره فمستشفى النور بوظبي اظني اسمها لميس ياليت اللي جربت رجيمها او تعاملت وياها تفيدني

لاني احس اني تعبانه وايد ويهي ذابل بشكل فضيع وجسمي هيكل والضعف ماثر ع نفسيتي بسير بسوي تحاليل <<< ضاربني وسواس عوذ بالله من ابليس

كل حد يشوفني يقولون ضعتي ليش ويهج جيه ابا امتن شوي واغدي حلوه

ماسمعت عنهـــا .. اتمنى البنات يفيدونج ..

اختى جربت صراحة ما استفادت وبطلت تروح. كان ولدى يروح عند دكتورة ثانية قبلها وكانت اوكى بس قالونا تركت المستشفى كانت تغير اى وجبة ولدى ما يحبه وكانت دائماتشجعه بعدين روحنا لميس وما عجبنا حسيت انها تعطى نفس الوصفة كل واحد والله اعلم

هلا أختي ..

اذا كنتي تقصدين دكتورة لميس الدربي اللي في مستشفى النور .. ما شاء الله وايد زينه ..

وتسألج عن طبيعة أكلج .. والحمية تكون من الأكل اللي انتي متعودة عليه ..

أمي … ووايد من اهلنا سايرين عندها .. وفعلآ تغيرو ..

أمي الله يحفظها … كان عندها السكري دوم مرتفع … والحمدلله احينا عندها منتظم حتى الدكتور الحين يوقف تدريجياُ ادوية السكري اللي تاخدها ..

وأشوف تعاملها غير اخصائيات التغدية اللي يعطون كل مريض نفس النشرة والحمية .. هاي اطرشلج اياه بعد ما تشوف أكلج .. وتعطيج نصايح ..

وأنا الصراحة مرة سرت مع بنت خالتي لها .. وحسيتها وايد زينه وفاهمة ..

والسمووووووووووووحة ..

شو أسعارها؟؟؟أبا أروح عندها بس أنا أباه أضعف…….

أنا سرت لعيادتها الخاصة اللي في دبي ..

بس الصراحة ما فادتني .. ولا سألتني شو اكل وشو ما اكل .. بالعكس كانت تييب لي اكل انا ما احبه
وقلت لها مرة اني ما احب الاكل هذا ولا اني اكله وهي تقول لي ما عليه جربي وما في افيد منه .. قلت بغصب عمري واكل ( بس صدقيني دامج مب مقتنعة بالاكل وتاكلينه غصب ما بتستفيدين) وانا ما استفدت .. واضطريت اوقف وياها

اختي ورديه اسمحيلي اقولج قبل لاتسوين اي شي سيري المستشفى وسوي تحاليل لأن الضعف الزايد مب زيد والله لايقول يكون من الغده الدرقيه وعقب سيري عند اخصائية تغذية

والسموحه