اختيه تعاني من الكلف //
وانا قريت عن علاج الكلف بالليزر بانه وايد مفيد
تخبروني عن تجربتكم ويا الليزر في علاج الكلف ونتايجها
ووين تعالجتو
والكلف عقب هالعلاج يرد والا نهائي
ارجو التعاون غامضتني اختيه وايد مأثر الكلف على ويها
شكرا لكم
ما ادري حطيت سؤالي في قسم الصحه
مفروض في البشره
يا ريت مشرفة القسم تشوف المكان الانسب للموضوع
مع شكري
الليزر اذا ما فادج ما بيظرج
انتي روحي للعيادات المعروفة مثل سعاد لطفي << وايد اوكي
وشوفي شو يطلع معاكم
الغاليه نصيحه من أخت لأختها أنا كنت أعاني من الكلف في ويهي وسرت عند عياده في الشارجه وقالت لي بسويلج ليزر وأنا الهبله فرحت وقلت حصلت حل حق مشكلتي في البدايه كانت مجرد تجربه على ثلاث أماكن في ويهي وللأسف تمت علامات الليزر في ويهي تقولين حرق فخليت العياده وجلست فترة ست شهور أتحسف على ويهي لحد ما حصلت في أحد المنتديات عن وحده تبيع الكريم الصيني إلي بالزعفران واستخدمته وياب نتيجه حلوه لكن للأسف بعد قريت البارحه في هذاك المنتدى أنهم يحذرون من هذا الكريم ويقولون أن فيه زئبق ويأثر على الجسم بأمراض خطيره وبعد فتره من إيقاف الكريم يسود الويه فقطعت الكريم والحين خايفه والله يستر
المشاركة الأصلية كتبت بواسطة كلي دلع وحلا 
الليزر اذا ما فادج ما بيظرج
انتي روحي للعيادات المعروفة مثل سعاد لطفي << وايد اوكي
وشوفي شو يطلع معاكم
هلا ورحبا
بالنسبه للدكتوره سعاد كل حد يقول وايد تستعيل وما ادري اشوه
وما تعطي المريض حقه
لكن بنستخير بعد
وشكرا لج
المشاركة الأصلية كتبت بواسطة بنت الذيد الغاليه نصيحه من أخت لأختها أنا كنت أعاني من الكلف في ويهي وسرت عند عياده في الشارجه وقالت لي بسويلج ليزر وأنا الهبله فرحت وقلت حصلت حل حق مشكلتي في البدايه كانت مجرد تجربه على ثلاث أماكن في ويهي وللأسف تمت علامات الليزر في ويهي تقولين حرق فخليت العياده وجلست فترة ست شهور أتحسف على ويهي لحد ما حصلت في أحد المنتديات عن وحده تبيع الكريم الصيني إلي بالزعفران واستخدمته وياب نتيجه حلوه لكن للأسف بعد قريت البارحه في هذاك المنتدى أنهم يحذرون من هذا الكريم ويقولون أن فيه زئبق ويأثر على الجسم بأمراض خطيره وبعد فتره من إيقاف الكريم يسود الويه فقطعت الكريم والحين خايفه والله يستر
امييييه
خفت بصراحه
ما فينا بعد
لكن اظني انتي جربت اكثر من شي وهالشي سبب لج هالبقع
بس ممكن تعطيني اسم الدكتوره اللي في الشارجه لو في الخاص
اكون ممتنه لج
وشكرا لج