أما بربي ان شاء الله الشهر الياي عطوني موعد في 23-6 وهذا أول حمل لي
أبغي تفاعلكم منو بتربي الشهر الياي؟
وفي أي مستشفى؟
وشو التحضيرات للولادة؟
وشو جهزتي بشنطة المستشفى حق البيبي وحقج ؟
أهم شي كيف نفسيتج وشو حاسة خصوصا اذا كان أول حمل
أنا من سكان عيمان وكنت أراجع عند دكتورة خاصة والحين فتحت ملف بمستشفى خليفة شكلي بربي فيه مع اني وايد مترددة . الله بيسر لي وللجميع
^^ وانا هذا اول حمل اللي .. بربي في 20 من شهر 6
ومن عيمان
ان شالله بربي في مستشفى الحمرية دبي
نفسيا بعدني للحين ما فكرت في الربا .. منشغلة بالتحضيرات
و الشنطة خلال هالاسبوع براتبها .. وشنطة الاربعين بعد
ولحد الحين ما سويت الشنطة مع ان الأغراض جاهزة بس اتعايز أحطها في الشنطة وكل يوم أقول باجر خخخخخ
أنا هذا 3 حمل لي بس بعد خايفة من الولادة (خايفة ليش حملتي هههههه)
أنا من بوظبي وناوية أربي في الرحبة انشاءالله , عيالي كلهم يبتهم في الرحبة وكنت مرتاحة وياهم
الله يقومني ويقومج بالسلامة يارب
