طبعا الكل يعرف أنه مع الحمل يزيد الحرقان بعد الأكل …..اللي تعرف حل لها المشكله ترد علي الله يجزاها خيييير
لاتقولون ماي وإلا حليب بارد كلها جربتها ومانفعت تبرد شوي وترجع مرثانيه ..
مالج الا المالوكس … انا الغرشه الكبيره اتم عندي 4 ايام بس من كثر ما اعاني من الحروره
بس شو اسوي .. ها احس شي جربته ما خليت شي
اهم شي لا تاكلين متأخر .. يعني من عقب العشا لا تاكلين شي
بس اشربي حليب بارد و قبل النوم ب نص ساعه اشرب المالوكس .. تراه ما يضر .. انا انش من النوم اكون تعبانه من الحرقان و اشربلي شوي و ارد ارقد
انا صراحه هالاحساس مايفارجني بس اكثر من النواشف يعني الكورن فلكس الناشف وعندج التوست الاسمر اللي كله الياف وبتضحكين علي اليح
هيه اليح ريحني بعدو جربت الحليب
و الخيار
و الماي
و الموز
و لا شئ نفعني
….. طول الليل ما يني رقاد من الصاهر …. اللي عندها الحل الله يجزيها خير و الله
الله يعينج ياربي
عن تجربة ::
اخلطي روب مع ماي وبتجوفين النتيجة
هاذي حماتي ماقصرت قالت لي عن هالخلطة
والحمدلله كنت من اشربها ارتاح لها
وعندج شيء ثاني تشربين شاي النعناع
سبحان الله يخفف من الغازات والالم