منو تعرف معلومات عن سيارة بيجو؟ أو عندها هالسيارة أو حد من أهلها 2024.

خواتي حبيت أعرف معلومات عن هالسيارة
بيجو أو بيجوت
أو يمكن حد من أهلها عنده هالسيارة
من حيث السرعة
الشكل
وباقي الأمور
ياليت ألقى المساعدة

ويزاكن الله خييييييييييييييييييير

سيارة peugeot
سيارة بناتية حلوة اوبشينز حلو ما بتستهلك بتروول انا عندى بس بالمغرب 307
وقطع غيارها مب غالي ومتوفر

اهلين حبيبتي ،،، انا عندي هالسيارة بس مخلتنها احتياط لانه عندي سيارة غيرها ،،، بس اقولج اولا

رخيصة _ اقتصادية _ صغيرة _ تحصلين لها باركن بالهبل هههه _ تنفع للبنات بس انا يوم اسوق هالسيارة

الكل يضحك و انا مستغربة ! و يوم سألت قالو لي انها حق رياييل مو بناتية

الشي مو حلو فيها : تطلع فيها اعطال على جدام مثل البطارية و المكينة تدق

لانه اللي عندها مرت عليها سنة و اقولج وقفت علي فنص الدرب لانه المكينة دقت ،، يعني ما تستمر وياج وايد

اخووي عنده

صغنونه مب حق عوايل

و تصدقين وااايد حشرة هههه

اذا ما حطيتي الحزام بتيلس تصاويلج لين ما تحطينه هههه

ربي يوووفقج ..

مشكورات على المعلومة خواتي ما قصرتن
يعني تنصحوني اخذها؟
شفتها في الشارع وعيبتني وايد وموديلها 308 يمكن بس اتكون صغيرة وباب واحد ومالها دبه عوده ورا
بس اشوف انها تناسب الجنسين

كم سعرها بنات؟
قريت انها بشي و60 الف درهم

وين الباقيات