منو سارت المعرض اللي في بوظبي …..خبرونا شو فيه اذا حلو بنسير
ان شاء الله البنات يفيدونج حبيبتي
أنا سرت الصراحة في شغلات حلوة مثل المغربي الخفيف اللي بالشيفون عندج الجلابيات المصرية وجلابيات الدانتيل حلوة بس مغلين عندهم الشيل الملونة الصراحة حلوات واسعارهن حلوة بعد في سكر الماركات ومغلف باشكال حلوة للضيوف و القطنيات والفرش الصيني اللي بدون حشو الصراحة حلوات وملابس كويتية وفي مكياج ماركة أمريكية ما أعرف شو اسمها يعني باختصار وايد شغلات فيه الحلو وفيه الشين عني أنا اشتريت من المعرض اشيا وايد بس الصينين صايرين وقحين زايدة ولسانهم طويل
انا ما سرته خاطري اسيره وعمتي ام ريلي متحرقصه عليه تتريا المعرض من شهر من قرة عنه في الوسيط ويوم بطلوه ما لقت حد يوديها…..بس ان شاء الله بنسيره يوم ريلي يرد من الدوام يعني على الايام الاخير اظنتي
بس اذا في اشياء مميزه خبرونا عنها لاني انا من النوع اسير المعارض وما انتبه على الشغلات لان مب وايد مع المعارض اتكون كبيره وايد وانا من النوع اللي ما انبش على المحلات كلهاااا
بس اذا في اشياء مميزه خبرونا عنها لاني انا من النوع اسير المعارض وما انتبه على الشغلات لان مب وايد مع المعارض اتكون كبيره وايد وانا من النوع اللي ما انبش على المحلات كلهاااا
البارحه كنت في الجمعيه ويتني حرمه ما اعرفها وقالت لي سرتي المعرض قلت لها لا قالت لي تونا يايين واسعارهم نار جنها حست اني حاطه الموضوع في المنتدى ههههههه
وين المعرض في أبوظبي
الين متى مفتوح
انا سرت المعرض وعندهم اشياء حلوه مثل دراعات كويتيه عند جوري الكويت للأزياء وحتى الثريات عندهم حلوه ووايد أشياء بس بسير عندهم مره ثانيه