الله يسهل على الحوامل كلهن يارب ويرزق كل وحدة تتريا الحمل 
خواتي انا في نهاية الأسبوع 36 .. تقريباً صار لي 10 ايام في التاسع ..
من بداية التاسع قاموا يلاحظون انه الضغط عندي يرتفع على قولتهم بدايات الارتفاع يعني 140 /90 .. وعندي زلال عزكم الله في البول وهم يخافون من تسمم الحمل بس انه الزلال ما يزيد عن +2 وينزل اوقات ويختفي..
الحين متبهدله يومياً اقعد اجيك الضغط في العيادة … ومرات مرتفع ومرات عادي .. بس ماحسهم يخوفوني على حسب الدكتورة حد يقول عادي مب مشكله حد يقول لازم تروحين وعلى هالحاله …
رقدوني قبل يومين بهدلوني فيهم ولقوا الضغط زين وطلعت ..
مرات يفحصون الرحم يلقوني 1 ونص والراس قرييييييييب .. ويوم بغييت اسوي توسعه قالت الي الدكتورة ( وحدة ثانية) الراس مرتفع والرحم بعييييد بعدج مطولة ..
حيروني واتبهدلت وياهم.. منو عانت نفسي جي .. والله استويت احاتي واخاف ولازم اراقب حركه الجنين
غير الويع يروح ويرد من اكثر من شهر ولا يزيد غير شوي ..
ترا التوسيع مب دوم ينفع ( على حسب تهيأ الرحم )
ولو شربت شو ما اشرب نفس الشي
بس ابا اعرف منو كان ضغطها جي نفسي وولدوها بروحهم لأني ماعتبر حاله خطيرة وايد بالنسبة لهم بس احتاي متابعه
أختي أنا اعرف وحده قالولها نفس الكلام ولازم طلق صناعي وولاده عشان الزلال والضغط وخلتهم وطلعت وبعد اسبوع ربت طبيعي الحمد لله بدون اي مشاكل. عليج بالاستغفار والصدقة والدعاء والمشي.
والله حتى عند ولادتها الضغط مرتفع فووووق
وربت بعملية قيصرية . الله يسهل عليج اختي انشالله .. لا تخافين بس لازم تحاولين الضغط ينزل قد ما تقدرين والله يكون بعونج وتربين طبيعي انشالله .. الله يحفظج
ماعليج من رمستهم
خلي كل شي على الله
متى مابتربين الله بيهونها عليج
الله يسهل عليج ويقومج بالسلامه
ان شاء الله الثلاثاء عندي موعد بس شي دكتورة قالت لي احتمال ما يظهرونج لو سرتي وشافوا الضغط جي
والله يسهل لي الي فيه الخير