منو علمت عيالها ع الحمام وهي حامل ؟؟؟؟ لاصحاب الخبرة لو سمحتو . . 2024.

السلام عليكم !

خواتي انا حامل ف الشهر الخامس
وعندي ولد عمره سنتين
كارهة الحفاظ عليه
اريد اعلمه باي طريقة
الله يحفظه هو يفهمني ويستوعب كلامي
بس من ندش الحمام تستوي حروب ومعارك

ماخذ السالفة سبوح ولعب وغسل اليد بالصابون
وانا ماخذتله اغراض الحمام من شهرين من اندر وير وقيصرية
اهم شي عندي اعلمه ف النهار الليل مع الايام بيتعلم

والي يخوفني وينرفزني اكثر يوم اقرا مقالات طبية عن اضرار تاخير تعليم الاطفال ع الحمام ، انه عقب بتستويله حالة البول اللارادي ..

انا بصراحه حاولت ويا بنتي وعمرها سنتين و 4 شهور وانا حامل بس مااااااااقدرت .. اول شي تعب وايد وايد علي وانا ف شهوري الاخيره وثاني شي هي ماكانت تفهم علي

ف الحين الحمدلله الحضانه بدوا يعلمونها واحس بدت تفهم .. ان شاءالله بربي وبخلي امي اتكمل وياها يوم بكون عندها فالاربعين خخخخخخخخخخخخخخ

موفقة

مشكورة عنود الحب
والله مرات تكون عندي عزيمة قوية ومرات ايني كسل فظيع

أنا ولدي عمره الحين ٢ و٩ شهور وعلمته ع الحمام لما كان عمره سنتين وشهرين
وكنت حامل وتميت وياه لين ما ربيت
بس بعد الولادة خبل بي ولا كأني معودتنه ع الحمام
قام يسويها ف ثيابه والحين صار لي شهرين مربيه
بس مب قادره أني اعلمه ع الحمام لانه عنييييييد واااايد وسويت له كل الطرق وماشي فايده
وقالت لي أمي يمكن يغار من اخوه الصغير و يلاحظ عليج لما اتبدلي الحفاظ عن اخوه
والحين البسه الحفاظ شرات قبل لأني تعبت معااااه
اذا حد عنده طريقه لحاله ولدي يخبرني

الله يعينج ..
انا فكرت في هالشي بعد
بتعب وبعلمه وبتابعه
بس اخاف فترة رباية والاربعين ماقدر اتابعه عدل
ويروح تعبي ع الفاضي

الله يعين

شوفي أختي ،،
وديه الحمام كل ساعة أول فترة،، حتى لو يقول ما يبا يسير،، خليه ييلس،،
بعدين كل ساعتين بعدين شوي شوي هو بيقولج يبا يسير،،
المهم يباله طولة بال،، وصبر،، وبالعكس مب متأخر، عندج الين يكمل البيبي 3 سنوات،،