منو عندها بيت في الظفرة تعالي بسالج شي 2024.

هلا خواتي الغاليات ابي اعرف منو فيكن ساكنة في بيت في الظفرة بوظبي

لانه ريلي كان مقدم وعقب ربعه شرشوا عليه اونه مب شي وراح كنسل اوراقه وامس اربيع اخوي طلع حقه بيت في الظفرة بيت طابقين ومرتاح ومب ببيزات ببلاش ومفروش جاهز على كلامهم بهالشي الله اعلم

بس اونه ريلي يقول مب شي لانه محوطه وعسكرية والدخول ببطاقات فهل هالشي صح

واذا قدم ريلي يباله ينطر سنين صح والا لا

ارجوكم حد يرد عالموضوع لاني في الفجيرة ومتشتته ومب مستقرة وزوجي يداوم في الجيش في الظفرة

وانا عندي شقة والشقة مامنها فايدة بي يوم ويطردونا تعبت نفسيا من مشاكل الشقق وعيالي مساكين متشتتين

خالتي ساكنه في المنطقه .. بصراحه تبين الصدق البيوت ماعليها كلام .. وكبيره وحلوة وفيها احواش كبيره وببلاش مثل ماقلتي .. وهي خاصه باللي يشتغلون فالقاعده الجويه بالظفره …

بس فيها مشكله هي الي تخلي الناس يكرهون هالمنطقه ..
ان عندهم الدخول بتصريح ..
يعني مثلا اختج بتزورج لازم تدخل القاعده العسكريه داخل وتظهر تصريح دخول ولازم قبل الساعه 12 بالليل تطلع ..

اما انتو لا .. يعني اصحاب البيوت مايحتاجون تصريح ..

من غير المنطقه وااااااااايد هاديه .. وطبعا ممنوع دخول التكاسي ..
وفيها جمعيه صغيرونه و كافتيريا وبقاله وحده .. وفيها روضه واظني مدرسه ابتدائيه ..
وعادي طبعا عيال هالمنطقه يدرسون في مدارس اظني في مصفح او خليفه وتدخل الباصات عادي

.

تبين نصيحتي دامج انتي من الفجيره اسكني فيها احسن لج من الايجارات والشقق .. وبتكون قريب دوام ريلج .. انا ريل خالتي يروح فأيام الشتا لدوامه مشي .. لني قريب وايد ..
وبصراحه صارلهم فيها اكثر من 20 سنه .. طبعا لا طلع لهم بيت و لاشي .. فقالو نتم هني ابرك من الايجارات ..

وعلى فكره هالمنطقه متروسه ناس من اهل راس الخيمه والفجيره والامارات الشماليه ..

.
.

واهم من كل شي انج بتكونين ويا ريلج ..وقريبه منه .. وبتحسون بالاستقرار لين يطلع لكم بيت ان شاء الله
واظني الاجراءات ماتاخذ وقت .. اذا ريلج قدّم لنه له الحق دام ماعندكم بيت

هلا لغالية المشكلة ريلي مقدم من 3 سنين وحضرته كنسله عقب والا حرام جان عدنا بيت من زمان بس هو مخه مااعرف كيف تفكيره

عموما ابي اعرف البيت يكون مفروش من قبل والا كيف…….؟؟؟؟؟؟

وعادي يكون عدنا بيت في الظفرة وبيت في البلاد دام انه قاعدين ونشتغل في بوظبي والا لا

لاني ابي اشتغل بس مشكلة الاستقرار هي اللي مخربه حياتي

واشكر ردج الاكثر من رائع صج ماقصرتي حياتي

مشكورة ياقلبي على ردج