عندي مشكلة و يا بناتي الله يحفظهن انهم وايد يعتمدون عليي في الدراسة و حل الواجبات صح ان بعدن صغار ( وحده في الصف الاول و الثانية في الصف الثاني ) بس من شاب على شيء شاب عليه . أبى أعودن الاعتماد على نفسن في كل شي من مراجعة الدروس الى حل الواجبات و حفظ الاملاء ….الخ . في حد مر في هالموقف يفيدني و الله يجزيكن الخير .
ولما اشتكيت لأمي قالتلي انها كانت تساعدنا انا واخواني في الدراسة لين الصف الرابع ( يعني انا ياسله في نظر الوالدة اتدلع ههههههههههههههههههههه)
قبل امهاتنا ما يشتغلن بس الحين نحن موظفات ، نرد هلكانات من الشغل ونهلهك مع العيال في الدراسة والواجبات من الصف الأول( والله مرات من الروضة بعد)
الحين انا قررت الآتي:
1- لما ترجع شماني من المدرسة تحاول تحل واجباتها بروحها وانااشيك عليها بعد ما ارتاح( يعني الضغط مرات يخف عني بنسبة 30%)
2- إذا ما سوت واجبها ، تراها ما بتطلع وتلعب العصر لأن بعد المغرب ماشي ظهره
3- إذا عندكم أي اقتراحات ثانية ياليت تفيدونا !!!!
اذكر امي بعد كانت اتساعدني في حل الواجبات الين الصف الثاني او الثالث
وعقب اذكر خلتني ابروحي واذكر صح اني تعبت اشوي في البداية قصدي في الصف الرابد
بس سبحان الله اتعلمت اعتمد على نفسي واراجعها احيانا بس كانت اتقولي اسالي المدرسه
جي هي ما اشرحت واذا ما فهمتي شيء اساليها هاي شغلت المدرسه عيل ليش انوديكم المدارس علشان انحط الكم مدرسين خصوصيين ولا اندرسكم الدرس من اوله
والحمدلله كنت من العشره الاوائل في كل المراحل
سبحان الله
علميهم كيف طريقته ويلسيهم عدالج يحلوونه من دون لا تشوفين خطوه بخطوه وعقب يراونج كيف كتبووه واذا فيه شي تخبرينهم يصلحونهم واتابعينهم في هالحاله عشان يبدون يعتمدون على نفسهم بس بوجودج لكن تمي وياهم لانه في هالفتره لانهم صغار وعادي اي شي يلهيهم
وكل ما يكبرون في مرحله قوليلهم بسير اسوي شغله وبرد اباكم مخلصينها وكل مره خفي تواجدج وياهم لين ما يكبرن وتشوفينهم عرايس انشالله