اخواتي انا مالكه من شهرين على خطيبي و هو ابن عمي بعد .. المهم قبل يومين كنا معزومين عندهم ..
فجاء يبا يسلم علي فحصل الباب مسكر عاد انتم تعرفون عاداتنا احنا قوم بوظبي مشددين فسار ..
المهم و احنا سايرين كان يالس مع عمي ( ابوه ) فانا ييت ويا اختي و طبعا منقبه فسلمت على عمي
و هو كان متوقع اني اسلم عليه فعطيته ظهري و سرت برع ما ادري ترى ابوي كان واقف و امي
و كنا طالعين المهم يوم رديت البيت احصل رساله من خطيبي ..
يقول هلا ( اسمي ) توقعت منج اتسلمين علي لكن الله كريم .. تصبحين على الف خير الغاليه ..
تضايقت حييل منه و طبعا لنا شهرين مالكين و قبل اسبوع مكلمني انه خاطره بكم كلمه حلوه مني
تعرفون عاد انا استحي و خبرته استحي والله ما اقدر مب بايدي لازم ينطر فهو قال انا ناطر لي
سنه خطبه و شهرين ملكه فعاد الواحد خاطره بكلمه حلوه و بصراحه الحق يقال اهو ما يقصر وياي
من هدايا و قصايد بس انا مستحيه فهو لمح في كلامه قبل فتره قال بعض الاحيان الاستحياء ما يكون عذر
المهم له يومين عقب سالفة العشاء ما يطرش ولا يتصل و هذي مب عادته وانا بعد مطوفه حقه و ما ادري منو الغلطان
فشو رايكم اخواتي هو يباني اسلم عليه و ترى هذي ثانيه مره ايي بيتهم و اسلم على عمي و ما اسلم عليه والله استحي و ترى احسه عييب قدام امي و ابوي والله استحي
فشو رايكم اخواتي ..
وع الكلام الحلو ابدي بمسج شوي شوي وعقب فالفون وياي الوقت عادي قوليها
وفي مسجات حلوه الي تعبر عن الحب وجي
موفقه الغاليه
حبيبتي الحيات شي وارد في فترة الملجة خصوصا في مجتمعنا لانه منغلق شوي كيف لو الأهل شوي مشددين .. احس انج تستحين من امج و ابوج كيف تسلمين عليه او كيف تتعاملين معاه جدامهم بس هذا في البدية … و هو أكيد بيحز فخاطره لانه ماياخذ كثر مايعطي يعني اقصد من كلام و هالاشيا فانا اقول لو تطرشيله مسج انج تولهتي على مسجاته او حتى تقوليله شو أخبارك حبيبتي هو يعتبر زوجك على سنة الله و رسوله انتي حاولي تفهمينه انج وايد تستحين و انشالله مع الوقت تتعودين على الوضع
مع حبي و أمنياتي
غاليتي 
انتي مالكـة على الريـــال
فما فيهـا شي لو قلتي له شوية كلام حلو ,, بس بالمسجات على الأقل
مب كلام أوفر لا شي بسيط وفي نفس الوقــــت بريئ وحلو ^^
يعني لا تحسسيـــن الريـــال بالنقـص من الحيـــن
بس في نفــس الوقـــت لا تشبعينـه كليا
يعني الإعتدال حلو ^^
ومافيها شي لو تنازلتي شوي وطرشتي له مسج اعتذار وشوق ^_*
اشرحي له تقاليدكم وأعرافكم يمكن هو أهله غير عنكم
فما توقع الي استوى
يعني حتى أنا مستغربـة في اشياء سويتيهـــا غير عنـا بس اكيد هذي تقاليدكـم وما أبغى أتدخـل فيها
لكن من نظري انتي غلطانـة شوية ,, وهو بعد غلطـان شوية ^^
ومن الاشيـاء الي لازم تتعلمينهـا عن الحياة الزوجيــة
ان فيها خصومـات واختلافات ,, وإذا ما كنتي لينـة في التعامـل بتعانين ..
فإبدئي التدريبات من الحين ^^
وربي يسخركم لبعض
كيف ما تسلمين عليه!
ما تكلمينه بكلام حلو!!!
هو له حق و لج حق تكونون بخلوة ما اقول يصير شئ كبير لا لان محد يعرف شو بيصير لا سمح الله قبل الزواج
بس انتوا حلال لبعض لكم تسلمون تتكلمون تلامسون و كل شئ ما عدى شئ المعاشرة الزوجيه لانها مب بصالحج و لكن مب حرام