الصف الثاني والصف الثالث
ابى اسأل عن دراستهم كيف مستواها
فديتج انا ولدي في صف ثالث عندهم ,, دراستهم نظام امريكي … مستوى المعلمين والمعلمات اوكي بس لازم يكون في تواصل دائم بين الاسرة والمدرسة ,, اهم شي ان الولد يكون انجليزيته اوكي ماشي حالها علشان يقدر يتابع معاهم ,, والابلات حرام يحاولون على قد ما يقدرون ,,
المدرسة بشكل عام اوكي بس المشكلة في المنهج وايد مكثف يعني احس انه مب على سنهم الا للناطقين بالانجليزية ,, بس لو دخلتي ولدج عندهم من الكيجي ون عندهم ابصم لج بالمليون انه بيفلح ان شاء لاني اشوف بنتي الصغيرة عندهم من البداية ما شاء الله عليها فهيمة وبروحها حتى اني ما اراجع لها وايد بس هي ما شاء الله عليها والابلات بعد ما شاء الله عليهم ,,
والله يوفقج وييسر لج الخير ان شاء الله دنيا واخره
@ اختكم في الله @
ام ناصر 
لأني ناويه ادخل عيالي بس خائفه من الامتحان
فديتج انا اقترح عليج انج تتصلين فيهم من هالناحية احسن ,, وممكن تدخلين على موقع المدرسة كتبي في جوجول مدرسة بني ياس الوطنية الخاصة بيظهر لج الموقع عسب تتعرفين اكثر عن المدرسة بس بعد الاحسن تتصلين والله يوفقج وييسر لج الخير ان شاء الله دنيا واخره
@ اختكم في الله @
ام ناصر
وفعلاً أنا اتصلت عليهم بس خبروني ان عيالي لازم يكونون اوكيه بالانجليزي حتى ينجحون في الاختبار
الي ولدها في مدرسة بني ياس الوطنية
الصف الثاني والصف الثالث
ابى اسأل عن دراستهم كيف مستواها
تقدرين تعطيني نبذه عن الامتحان لأني ناويه اجيبلهم مدرس يدرسهم بس ما أعرف اركز على شو بالضبط