من الصدمة ما اعرف كيف ابدا بالموضوع,,, 2024.

ابصراحه كنت مستانسة حدي لان اخيييييييييرا التربية وظفوني ,,,هو صج بدرس فمنطقة بعيده عني بس مب مشكله …المشكلة انهم اليوم بلغوني اني بدرس اولاد يعني بدرس الصف الرابع والخامس بس …. ابصراحه مب مرتاحه كيف بقدر اتعامل وياهم واشجعهم والله أني درست احتياط فكذا مكان وكنت ابدع من الخاااااطر فشغلي بس اللي ادرسهن كانن بنات ….ابليييييز ساعدوني اللي تعرف تتعامل ويى الاولاد …كمعلمة …. كيف تقدر تضبط الصف وكيف احساسهم لما اتسويلهم لوحات تعزيز ومسابقات وسوالف عشان اتشجعيهم عالتحضير …….؟؟؟ نحن بنات بالقو انخليهم ايحضرون للدرس كيف الاولاد؟؟؟؟

ساعدوني أو عالاقل ادعولي …لاني ما احب انعطى شغله وما اتقنها ….

الله يوفقج ان شاء الله

وتكونين قد الشغله ال عطوج اياها

الف الف مبروك وتستاهلين كل خير والله يوفقج ولا تحاتين سالفة الاولاد موليه ترى الاولاد يفهمون اسرع عن البنات وانا طول حياتي وانا ادرس اولاد فديتهم والله مستوين مثل ربعي ما احب البنات دلع وصياح وليش المعلمه ما تسويلي سالفة اما الاولاد فديتهم ما عندهم هالسوالف صح شطانه بس تقدرين تظبطينهم بالتعزيز وانج اتحسسين الولد ان انت المسؤول عن هالمجموعه او عن شي معين يالله شوفيه شو بيسوي … والله مع الايام بتتعوديين انا ما احب انتقل مدارس البنات…. الاولاد اخير

والله الغاليه الأولاد لازم يعني تعاملينهم اشويه بشده عسب يتحذرون مننج و لكن في وقت الإمتحانات يعني الي ييب درجات كالمه اتعضوينهم في هداياا اقلام – مصااص – مذكره و الخـ .. و حلويات وجيه و نبهي واايد و الله يوفقج ياربي

عليج بالدعااااااااااااااااء والله بيوفقج الغاليه ..

اول شي خلج حازمه معاهم لان لو رخيتي بيطعون لج اقرون

الله يعينج انا كانوا يرفعون لي الضغط

مبروووووووووووووك التعيين !! لا تحاتي ولا تفكري !! أن شاء بترتاحي بس أهم شيئ الشدة مع الحنان والإبتسامة !! لأن الأولاد إذا شافوا حنان مثل أمهم وتقدير أحبوا المعلمة وإذا أحبوها ما شاء الله يصيروا حلوين وهادين ومنقادين!!!

وأنا أشوف أحسن مدارس الأولاد لأن الدوام يخلص بسرعة وبتردين البيت من وقت!!

هونيها وبتوهن!!! وبالتوفيييييييييييييييييييييق