[IMG]https://i123.photobucket.com/albums/o303/ad_girl2/sofyletteryd2.jpg?t=1209808120
[/IMG]
السلام عليكم ورحمة الله وبركاته….
أحبتــــي…
هذه المره المشكله عاطفيه بحته… صاحبتها تبحث عن حل لتخرج به الى النور
وكل مانرجوه منكن احبتي … ان يكون الرد لبقا بقدر الامكان
واضعين باعتبارنا ان لولا حاجة صاحبة المشكله الى حل لما لجأت اليكن بعد الله
وفقكن الله
بسم الله الرحمن الرحيم
بنات ودي اطرح مشكلتي اللي ماعرف كيف اسيطر على نفسي او كيف اطلع منها او كيف امسك نفسي
ادري بتقولولي حرام بتقولولي منقوود بتقولولي عيب وانا ادري انه ذا شي غلط واكبر غلط كله ولاسمعتا
انا مش صغيره وووعارفه نفسي لكني ماقدر اسيطر على نفسيييي
بقولكم مشكلتيييييييييييييييييي
فيه شخص غلط علي بتلفون قالي سمحيلي قلتله مسموحه
اهو لهجته مثل لهجت صديقتي القريبه مني فشكيت انه اخوهااااااا المهم اتصل مره ثانيه قلتله لا تتصل وانا اعرف منو انت وووو المهم اتصلت لصديقتي هذا اخوج وتحلف انه مو اخوها مع انه لهجتا وحده وانا شكيت فيها
عقبها بفتره بسبوعين يعني اتصل مره ثانيه كلمني وكلمته
وقعت اكلمه وعقب قلتله انت شتبا مني وانا ماريد اكلمك
قالي انا اعيبش وومدري كيف قالي انه اهو مطلق ووو
المهم قلتله خلاص انا مابكلمك وغيرت رقمي يوم غيرت رقمي قعت افتح البطاقه القديمه اشوفه اتصل ولالا اشوفه ارسل ولالا وهو قالي انه مابتصل عقبببب عرف رقمي الثانيييييييي اناااااا احس اني احبه ومش قادره املك نفسي ومش قادره اسيطر على نفسي شخصيته حلو شخصيته رجوليه فكاهي طيب يعني شخصيييييييييييه تنحب وتتمناها كل بنت انا مابقادره اسيطر على نفسي صرت كني بدوامه
غيرت رقمي ولافاد سويت اللي سويته ولافاد مش قادره املك نفسي واول مره احس اني احب بهالطريقه ادري غلط ادري عيب لكن انا مالام شسوي احس كله افكر فيه احس ودي اكلمه بكل وقت لكن امنع نفسي كسرت تلفونييييييييييييييي ورجعت اشتريت ثاني وكله اصيح احس كني بدوامه نفسيتي تعبااانه مش عارفه كيف اطلع
بس اول مره احس احب بهالطريقه لكن اهو اكيد يلعب وانا ادري والحين احاول اسيطر على نفسي بس مش قادره
احس يوم يكلمني اسكتتتتتتتتتتتت بس ابا اسمع صوته
شسسسسسسسسسسسسوي شسوي شسوي شسوي
يا حبيبتي حلو انج تعرفين غلطج لكن ابد مب حلو انج تسكتين عنه وتحسسين نفسج بكل هالضعف اللي فيج عشان لذة ساعات
انا ما بقولج شوفي فلانه والا علانه غيرج اللي مشوا في هالدرب شو صار بهن لاني عارفه انج تعرفين
وعارفه ان الشيطان سيطر عليج ولازال يحاول فيج عشان يشيل هاللوم اللي تحسين به من قلبج
حبيبتي انتي تحاولين تجاهدين شيطانج لكنه يردج في كل مره
اول شي اتخذي قرارج انج مب ناوية تكملين هالدرب
ثاني شي حاولي تقومين الليل وادعي في كل ركعه ان الله يحفظج ويبعدج عن هالدرب وكوني على ثقه بنفسج وانج بتقدرين تودرين هالشي
ولا تنسين صلاة الضحى لانها تحفظ النفس من ارتكاب المعاصي
صدقيني لو ضغطي على نفسج بس شوي بتطلعين منها لكن لو اصريتي على هالضعف بتغرقيييييين والله يستر عليج بعدين
قوي شخصيتج واشغلي وقت فراغج
احفظي لج قرآن وكلما ايي في بالج هالشي روحي توضي واستغفري وصلي وكثري الحاح في دعائج ان الله ينجيج من اللي طحتي فيه
وقولي هذا الدعاء (( اللهم اكفنيهم بما شئت ))
الله يحفظج ويستر عليج يا رب
حكمي عقلج و خلي عقلج لي يتحكم فيج مب قلبج .. العقل اولا ً و القلب ثانيا ً
فكري ..
اطاعي الطريقه لي اتعرفتو فيها على بعض !! احس وايد غريبه
انه هو اتصل بس جيه وانتي سيده تعلقتي فيه !!
اختي راجعي نفسج انتي تعلقتي جيه بسرعه لان عندج ( فراااااااااغ عاطفي )
شوفي شو لازم تسوين ..
قولي له : انا ماقدر اكلمك .. و اذا هو صد كان يحبج بعد و متعلق فيج و مب رايم يودرج
خليه يي يخطبج على طول .. بلا هالتعليق و تعذيب القلوب و غيره ..
و اذا كان لا .. ف اعتقد انه مافيه داعي تعقين عمرج عليه ..
تحملي اختي ترى من هالنوعيه كل مكان تلقينهم في التلفون على النت في الشارع كل مكان "كل مكااااااااان"
و اذا بغيتي تودرينه و مب عارفه كيف .. انا بقولج كيف ..
ردي غيري رقمج .. و كل ماتحسين انج تبين تكلمينه سيري سوي اي شي ثاني .. صلي ركعتين .. اقري قرآن .. يلسي استغفري .. كلمي اهلج .. كلمي ربعج .. يلسي على النت سوي سيرج لمواضيع مهمه في الحياه .. دشي المنتدى |.. المهم تشغلين عمرج بأي شي ..
حاولي 24 ساعه تكونين مشغوله 24 ساعه …
والله بيساعدج ان شاءالله
تمي استغفري كل دقيقه ..
اتمنى اكون وصلت لج رايي بطريقه صحيحه .. يعني فهمتي عليه ..
ادعيلي
صدقيني اختي هذا شغل شيطان وهو الي يوسوس في راسك ويقولك انك انت حبيتيه بس الحقيقة لاااااا لان كيف يصير هذا الحب وانتي تعرفين اساس العلاقة كيف بدت ((بدت غلط)) يعني كلام شيطاني ويحاول يضعفك علشان تطيحين في الغلط.. وبعدين اختي انتي تقولين انه عرف رقمك الثاني !! كيف عرف ؟؟ هذا معناته انه شخص يمكن يعرفكم او عرف احد من ربيعاتك وانتي ما تدرين يعني لو رجعتي وكلمتيه يمكن يخرب سمعتك وينشرها بين اقرب الناس وهذا احتمال كبير للاشخاص الي يسووون الحركات هذي مع بنات مثلك
فنصيحه اختي كرر هذا الكلام في راسك مليون مره وفي كل وقت وكل مره يجي على بالك (( ان هذا الشخص لعااااب و شخص حقير يبى يخرب سمعتي وما يستاهل افكر فيه ولو لحظه ))
اختي اشغلي نفسك باي شي ولا تعطين نفسك مجال للراحة في اي شي تسوينه على الاقل في الفترة
وغيري رفمك مره ثاية وثالثة لا تعطين للشيطان مجال
واهم شي اختي الجوء لربك تقربي لربك اكثر صدقيني بتحسين انك انسانه تتغيرين كل يوم تجاه هذا الشخص وبتكرهينه لان القرب الى الله يهدي الى الطريق السوي واغلب سبب هذي المشاكل قلة الوازع الديني
اختى الي تسوين اكبر غلط وهذا بيتم في حياتيج اذا ما تخلصتي منه …
وارجعي الى ربج هو الي يحل الامور اشغلي وقتج في قراءه القران وصلي صلاه الليل والله بتحسين براحه كبيييييييييره
ما تخطر على البال عيشي بدنياج ترضين ربج مش عوواطفج الي ما تعرفين وين توديج …
اسمحيلي غاليتي …
ماعليج الا بالابتعاد عن الشبهات
مثل انج تخلين تليفونج بعيد عنج كل اغلب الوقت
اهلي نفسج باي شي
ايلس ويه اهلج
كلمي صديقاتج
المهم اعرفي انه مابيتزوجج