![خليجية](https://i123.photobucket.com/albums/o303/ad_girl2/sofyletteryd2.jpg?t=1209808120)
السلام عليكم ورحمة الله وبركاته….
أحبتــــي…
اضع بين ايديكن مشكلة اخت لنا في الله.. تعاني الامرين…
قسوة الاب وقسوة الظروف والحرمان
تحاصرها الاحزان من جميع الاتجاهات وعندما اقفلت الابواب لم تجد الا باب الدعاء
وباب مشورة اخواتها في الله
اختكن تنتظر ارائكن… ومساعدتكن.. فلا تبخلن عليها بالرأي السديد
آملين ان تكون الردود بعيد عن التجريح والتعصب
المشكله على لسان صاحبتها
بدخل فالموضوع عطول ويارب تحطين مشكلتنا وان شاء الله القى الحل المناسب او حد يساعدنا او عالاقل دعوه طيبه والله بستانس ..
بس ممكن اليوم لاني والله ماضمن باجر بقدر ادخل المنتدى ولا..؟
مشكلتنا ابوي
من تزوج امي وهو يسبها ويضربها ويذلها ويجرحها وهي تتحمل عشان عيالها والحين من كبرنا زادت المشاكل حنا ثلاث نشتغل وانا الوحيده كملت دراستي فالكليه طبعا من غير كمبيوتر ولا نت ولا مصروف بس بيزات الباص ربي يجزيها الخير وحده ساعدتني..
حالتنا فالييت غرفتين وصاله ومطبخ من غير باب وحمام يعزج الله وحنا عايله ماشاء الله البنات والاولاد فغرفه وحده يرقدون ..!! 6 اشخاص بين البنات والاولاد واعمارنا من 23 لين 11.. والله غصب عنا نرقد فغرفه وحده لانه ماشي مكان والغرفه الثانيه طبعا الوالدين و2 من الصغاريه.. يستلم من الشؤون وماشاء الله مب شوي لانه عن 7 اشخاص بس بعد مايصرف عليهم امي وخواتي ..
انا اشتغل براتب قليل وهو ياخذ مني 1000 والحين من قل راتبي اكثر بسبت التقاعد ماقدر اعطيه قالي استقيلي من اليوم واقعدي فالبيت .. واحد من اخواني لعب بمخه واخر شي خذ قرض ب20000 بس اشتراله سياره وباقي المبلغ هو خذاه والثاني مب راضي يعطيه طرده من البيت!!! في ابو فالعالم يقول لعياله عطوني ايجار البيت 2000 واذا مارضينا طرده من البيت والبنت تقعد فالبيت!! ويقول دنيا نفسي نفسي وانا ماافكر في حد الا نفسي نفسي !!! ذقنا المر بسبته وانحرمنا من كل شي بسبته والله مايحس فينا وهو يزرع الكراهيه في قلبنا له بمعاملته وبكلامه ووالله وايد حاول نرمسه او نكون جريبن منه بس بدون فايده مايهتم ولا يحس فينا همه الاول والاخير البيزات فقط!! لو بتقولون نشتكي ماشي فايده لان لسانه عسل جدام الشرطه والقاضي رحنا جربنا وشفنا بس قبل 8 سنوات ووقتها كنا صغار واخر شي ردينا لنفس البيت ومعاناتنا زادت اكثر والحمدلله ومايخاف من حد ولا يسمع كلام حد ورغم انه موقع تعهد انه بيصير زين ولا بيمد ايده بس اااااه ومابجذب الحين مايضرب شرات قبل بس احيانا يضرب ومايرحم اختي الصغيره ولا اخوي الصغير والله حرام مانبا اخوي الصغير واختي يذوق الي ذقنها فحيانتا وانرحمنا من كل شي.. ودوم يقول انا الحكومه وانا القاضي وانا الكل فالكل ومحد يقدر يسويلي شي لا القاضي ولا الشرطه ولا الحكومه وحتى لو جتلتكم ودفنتكم فالبيت محد بيسالني لاني انا ولي امركم..
حنا مانبا منه شي خليه يعيش فعالمه وامي تقول لو يعرس مايخصنه فيه بس نبا نعيش في بيت بروحنا ويا امي واخواني وخواتي معززين مكرمين من غير اهانات ولا سب ولا ذل ولا ضرب ولا كلام يجرح..
شو نسوي وين نروح ونطلب المساعده ومنو بيمد ايده ويساعدنا وتنحل مشكلتنا؟؟ ابا نصايحكم وين اروح ارمس منو ؟؟
ياريت لو حد يساعدنا ويبعدنا من هالابو..
………………………………………….. ………………………………………….
والله ماعرف شو اقول او اكتب او من وين ابدا لاني اذا بديت من البدايه والله مابخلص وااايد اشياء بتطلع واخاف حد يقراه ويعرف ويوصله الخبر وبيجتلني
اسفه الغاليه بس والله مجبوره اكتب مشكلتنا عسى الله يفرج همنا ونعيش بسلام واسمحيلي طولت عليج.. وانا بعد ساعه 5 ماعرف شو بيكون مصيري لاني الحين فالدوام فكتبت مشكلتنا ويارب حد يساعدنا ونحصل الحل.. اختي ساعديني والله ماعندنا حد اهل امي خلاص مايقدرون يسون لنا بسبت اخر مشكله واهله بس يقولون لنا اصبروا وهم مايرضون يعيشون ويا ريايلهم شراتنا او بناتهم جي يعيشون><
بصراحه ما اعرف شو اقول
بس في الشرطة المجتمعية سيروا اشتكوا هناك
والله يهديه
بس الاخت تقدر تاخذ احد اخوتها المتفاهمين واللي تحس فيه رجوله وتتعاون معاه
وتتفق مع احد من عائلتهم اذا في احد مهتم بامورهم يشوفون لهم حل.. يعني ماعندهم اعمال او اخوال؟؟
والله يعينهم على هالبلوة
كل اللي اقدر اقووله الله يعينكم ويصبركم
والله يهديه ان شاء الله …
بس انتو اللي تسشتغلون كم واحد؟
وعندكم اهل يقدرن يسعدونكم؟
ماداوم خوانج يشتغلون فديتج خلي كل واحد يتسلف ويمعوا فلوووس ويعد خذو من قرايبكم دين صح انكم صغار وبتشلون الديون فوق راسكم من الحين بس الله بيفرجها عليكم واخذو لكم بيت وطلعو عنه ليش تتحملون هالمذله كلها انا اول مره اسمع 6 فغرفه وحده وانتو كبار مب صغار واولاد وبنات وين اتيي هاي؟
وحقوقكم لاتسكتون الراتب اللي يستلمه العيال اللي يمشي عشانهم لازم تاخونه من عنده وانتي لاتعطينه انا ماااحاول اخربج واخليج ضد ابوج بس علاقل تاخونهن وتلقولكم مسكن يسدكم وكل شهر انتي واخوانج تدفعون له وغير جيه اشتركي انتي وخوانج فجمعيه ترى الحمعيات بتربحكم وعقب كمن شهر ايي دورج وان شاء الله تنحل اموووركم لاتيلسين جييه ابوكم ظالم بمعني الكلمه ويوم بيشوفكم انكم عادي تقدرون تتخلون عنه صدقيني بيضعف وبيحس انه ولاشي اذ اهله بيستغنون عنه