هلا بنات .. شحالكم ؟ ان شاء الله مرتاااحين
خلوني ادش في الموضوع على طول..هي المشكله في ربيعتي اداوم وياي في نفس المكان..اباااكم تعطوني حل عسب اقدر اساعدها واقنعها..
ربيعتي طبعا خطبها واحد في الدوام بس خطوبه يعني بس رمسه دارت من بين الاهل..وللحين الرياييل ما تكلموا لانه شوية صارت ظروف صحيه لأهل ربيعتي..وأهلها طبعا سافروا يعني امها وابوها محد في البلاد ان شاء الله بعد اسبوعين بيرجعون بالسلامه
المهم الريال اللي خطبها ماشاءالله عليه ماعليه كلام..ماشفنا فيه شي غلط ومحترم وأخلاق..طبعا ربيعتي يديده في الدوام يعني من 5 شهور داومت..المهم هو شاف ربيعتي وعيبته والحمدلله البنت اخلاق ودين..البنت استخاارت عن الريال والحمدلله كانت مرتاااحه..الريال والنعم فيه محترم والحمدلله يحترم ربيعتي ويعزها..يعني ولا مره تجرأ كلمها او سولف وياها او حتى يانا المكتب..المهم ربيعتي مره كانت قاعده في المكتب بروحها..وهو مره كان داش عسب يسألها عن معامله..وردت عليه وطلع برع
تقولي بعد ربع ساعه رد يا المكتب..وسألها الأهل متى بيرجعون ردت عليه بعد اسبوعين ان شاء الله..المهم شوي والا جان يسألها ليش ما داومتي أمس ردت عليه: والله كنت تعبانه شوي..جان يقوللها جان ريحتي اليوم بعد ..جيه ييتي؟
ردت عليه لا عادي انا اليوم الحمدلله زينه..شويه وجان يقولها الصراحه انا اخاف عليج..اباج تهتمين فعمرج وماتعبين روحج ف الدوام..البنت استحت ونزلت راسها وعقب قاللها بعطيج رقمي اذا احتجتي لشي او تبيني أساعدج لا تتردين..
هي اهني عصبت بس مسكت أعصابها ..وقالت له مشكوور والله ادري انك ما بتقصر بس اسمحلي ماروم اخذ الرقم منك..هو سكت شويه ورد عليها على راحتج بس حبيت أعرفج قبل لا أخذج..أبا اعرف اسلوبج وطبعج وابا اعرف كل شي عنج..وين تروحين وين تطلعين .. بس بالمسجات حتى ماباج تكلميني
هي اضااايقت يحليها وردت عليه..اسمحلي ماروم أخذ رقمك واذا صار نصيب من بينا ان شاء الله بتعرف كل شي عني..المهم سكت الريال وقاللها عادي والله ماقدر اغضبج على شي..وطلع من المكتب
وهي حست انه اضايق ..وقعدت تفكر.تقول هو شو حاط فباله؟؟
المهم
اليوم الثاني سارت عنده المكتب عسب تكلمه عن المعامله..الريال كان مضايق وحتى ما صد صوبها..وشوي عصب عليها بدون سبب..واعتذرت منه وعقب قاللها يا فلانه انا بصارحج ومابي اجاملج..
تخيلووو شو قاللها ؟؟؟؟
قاللها انا مب مرتاااااح لج
صدمه قوووويه الصراحه..البنت انصدمت وماعرفت شو تسوي..شلت بعمرها وروحت البيت..اتصلت فيها عسب أسألها وخبرتي في الموقف اللي صار لها..يحليلها البنت مضاااايقه وتصيح ..تقول ليش من قبل ما قال انه مب مرتاااح لي..ليش الحين ؟ عقب ما بنيت احلام
انا انقهرت منه الصراحه وقلت بروح أسأله ليش جيه يسوي في ربيعتي..يوم سألته انت صج مب مرتااح لفلانه؟ قالي هيه مب مرتاح لها..قلتله غريبه عيل قبل كنت مرتاحلها وايد؟ جان يقول قبل كنت وايد مرتااحلها لدرجة ما تتخيلينها بس الحين لا
جان اقوله هي مضايقتك بشي؟ او سامع عنها شي؟ جان يقولي لاا البنت والنعم فيها بس انا مب مرتااح لها..قلتلها انزين انت الحين شو تبغي بالضبط؟ تبا البنت تطلع من حياتك ؟ جان يقول لا
تخيلوو والله عصبت وانقهرت ..قلت شو ها اللي ما يحس؟
والله كسرت خاطري ربيعتي والله نفسيتها تعبت..يا ما كلمتها وقلتلها يا فلانه انتي بنت ماشاءالله عليج الف واحد يتمنااااج اذا هذا مب نصيبح غيره بيكون من نصيبج..بس لاتقعدين تفكرين وتضايقين بعمرج ..
بس هي بعدها على نفس الحال يحليلها ماتدري شو بتكون ردة فعل أهلها .. وايد كانو مستانسين عليها..الصراحه انا تعبت وياها.. عطوني حل خاطري اساعدها..ماحب اشوفها وهي على هالحال..والله ما تستاهل اللي صار لها
وزين استوى هالموقف في وقت خطوبتهااااا …. مب في ملجتهااااا ولا عقب عرسهااااا…..
مب نصيبهـا 
لين يوصلوا الاهل ويصير اللي فيه الخير
يعني لاتضعف وتعطيه رقمها
وأرد اقول لها خل تستخير احسن شئ <<للتأكيييد
وحدة اعرفها في الدوام ويانا.. شي ريال في الدوام قالها يا فلانة انا اباج و كذا و كذا
و انا من زمااان معجب فيح و اشوفج من بعيد بس ماروم ارمس و كل هالكلام
و يعني يوم يشوفها يبتسم و غيره و غيره
و البنت حبته و دش خاطرها بالقو و هي كانت توها مداومة.. يعني ما صارلها شهرين
و قالت يمكن هذا نصيبها دام انه جيه متخبل عليها
و زادت علاقتهم.. صارت اقوى و اقوى و يتصل فيها على تلفون المكتب
و يرمسها و يقولها اباج و ما اروم اتريا
و للعلم هو خبرها انه هو مطلق و ما عنده عيال
عقب فترة.. يمكن عقب خمس شهور تقريبا
واحد من الدوام.. كان يرمس هالبنت و يقولها ترا فلان عنده كانه ولد و بنت او شي جيه
البنت انصدمت في حياتها
كيف هو ما خبرها.. مع انها في البدايات سالته.. و قالتله انا مابا آخذ واحد معرس و لا واحد عنده عيال و حلفلها انه ما عنده عيال
قالت اكيد جذب و الريال ما يبا الخير
عقب وصلها خبر اكيد من طرف ثاني إنه الريال عنده ولدين و معرس
و هي يوم واجهته.. قالها ما بغيت اخبرج لانه اعرف انج رافضة الموضوع من البداية
و ما تبين تتحملين مسؤولية عيال لانج صغيرة *هو اكبر عنها ب 8 سنين يمكن*
و قالها و الله تراني هاييج الايام كنت امر بظروف و شفتج يدامي و عيبتيني
و هو موهمها إنه يباها حرمته و غيره و غيره
و البنت تبني احلام و تفكر بعرس و تجهيزات و غيره
ليش يعني كل ها؟
إذا ما بغيت البنت من البداية ليش تعيشها في قصة انت مش قدها؟
لو حد سوه في خواته هالموضوع.. هو بيوافق؟
البنت نفسيتها جدا تعبانه.. و تيلس تصيح من القهر اللي فيها
صح الخيرة فيما اختاره الله.. لكنها منصدمه منه و من تصرفاته و من جذبه
و المشكلة في الدوام.. كل يوم تشوف هالانسان و دوم تتعامل وياه بحكم العمل
و الله هالشباب ما يخافون ربهم في البنات
ايون حق البنت من مبدأ الحلال عقب يوم يزخونها يبدون يجرجرونها عسب ترمسهم و لا تطلع وياهم
نصيحتي لها.. اللي يابه بييب غيره خاصه انها صغيرة = )
و اكيد بتكون النفسية الزفتة.. بس قوليلها انتي مش اول و لا آخر وحدة يستويلها هالشي
و لو تبين خبريها قصة هالبنت اللي خبرتج عنها
و قوليلها حالها اخس لانها حبته و قالها انه يحبها
و كل يوم تلفونات على المكتب
بس الخيييرة فيما اختاره الله.. اعرف انه كل هذا صعب جدا عليها خاصه انها تشوفه في الدوام
فبس تشوفه اتيها الصيحة
بس ازمة و بتعدي ان شا الله = )
بس خلها تستغفر وااايد و تصلي قيام الليل.. بتحس برااحة نفسية ^____^
و خل تقرا سورة البقرة كل يوم الصبح لو عندها وقت *انا جيه اسوي عسب ما يضيع وقتي في اشيا مالها فايدة*
و يوم تشوفه.. خل تسوي عمرها كانها تشوف الهوا..
و قوليله لو نصيبج.. كان بييج لييين عندج و لو شارنج.. كان برقم و لا بدون رقم بيي عندج و بيقول اباج تكونين حرمتي = )
الحمد الله انها ما غلطت في حق عمرها و لا في حق اهلها
و خل تقول حق اهلها انه ماشي نصيب وبس ^___^
الله ايسر امورها يا رب و يفرحها عاااجلا غير آجل و تلقى ريال احسن يحبها و يحترمها و يخليها ع راسه = )
وتخاف الله وماتبا يصيربينكم شي قبل لاتصير الامور رسميه ..بس بيني
له ان البنت راضيه فيه ومرتاحه له وان كلامه صدمها واايد
..قوليله شو رايك تستخير وعقب ترد علي عشان اخبر ربيعتي قرارك الاخير
يعني شاوريه في سالفه الاستخاره لان قوليله الراحه او عدم الراحه
تجي بعد الاستخاره وانت مااستخرت الله في هالامر ..
لان حراام جيه بعد تعلق البنت واهلها وفي النهايه ولاشي ..وكل واحد له نصيب ..
.. قوليله هالكلام صريح .. وخليه يرد عليج برده الاخيييير بس بعد مايستخييير