من بريد المشكلات المشكله الـ ~ 39~ 2024.

مشكلتي..من سنه تعرفت على واحد وحبيته حب مايعلمه الا رب العالمين ..كل يوم أحبه اكثر من قبل ..وهو نفس الشي بادلني في هالشي ..ووقف معاي في كل شي..في مرضي وفي دراستي ووظيفتي ..
كنت دايما معاه على الخط عرفت عنه كل شي ..بس شي واحد ماعرفته
واكتشفته من احساسي بمرور الزمن ..المهم في الفتره الاولى الي عرفته فيه كان عايش بروحه..ماكان عنده أحد ..ولكن قبل ماايي رمضان بأيام ..كنت اسمع اصوات عنده اقووله حد عندك يقولي هيه عندي اخوي واعياله توهم رادين من السفر وعقبها مع الايام اسمع عنده بنات وينادونه بابا بابا انا تميت ساكته استحيت اقوله ليش ينادونك بابا وكان احساسي يقول انه معرس وحبيتهن حب ماتتصورونه صرت أداريهن واهتم فيهن وايد لاني حسيت انه بناته ملابس العيد اشتريه لهن وكل الي يبنه حسيت انه بناتي ..المهم ياه اليوم يوم كان معاي على الخط قالي لحظه شوي فيه ناس يبون يسلمون علي وهو ناسي الخط شغال كانت حرمه عوده من اهله اتسلم عليه قالتله هلا أبو …… اشحالك واشحال العيال انا تميت متجمده شرات الصنم ماقدرت اسكت لين ماطرشتله مسج وقلتله اباك ضروري يوم عقب اتصل فيني قالي شو فيج قلتله البنات الي ينادونك بابا شو يصيرولك قالي انتي شو رايج قلتله ماادري هم بناتك قالي هيه بناتي قلتله وليش ماخبرتني من البدايه انك امعرس قالي ماحبيت اقولك من البدايه خفت اخسرج قلتله وكيف ترمسني طول هالوقت وين حرمتك قالي من بعد ماحملت في الاشهر الاولى هجرتها كرهتها ابا اطلقها طبعا ماحبيت ادخل في التفاصيل وايد صبرت وايد وتحملت كل شي ..
المهم مع الايام تميت اساعده في كل في المسكن وفي كل الامور اعتبرته زوجي وكل حياتي هو وبناته بالعكس مازعلت انه متزوج لكن الي زعلني انه ماقالي من البدايه وتمت علاقتنا وايد حلوه لين ماايا اليوم الاسود والي هدم كل شي ..
كان هو محد وكان فونه ناسنه في البيت اتصلت واتصلت الا ومرته ردت علي قلتلها انتي مين قالت انا زوجة فلان انتي حبيبته او زوجته الثاني صح قلتلها كيف عرفتي قالت هو مايحبني هو يباج انتي يحبج انتي تميت انا وياها سوالف عاديه هي تعرف كل شي عني استغربت كيف هالانسانه كل شي تعرفه عني المهم تمت تترجاني اني مااقوله اني كلمتها لانه بيعصب وبيضربها قلتلها اوعدج اني مابقوله
يوم رجع من السفر اول يوم اوكيه معاي ثاني يوم تغير اتصل فيه مايرد علي خير شر اطرشله مسجات ولا منه لين ماطرشلي مسج وسبني وقالي مااتتصلين لين ماانا اتصل وتميت صابره لين مااتصل هو قالي ابا اشوفج قلتله ليش قالي بخبرج ليش قلتله اوكيه المهم ياني وشافني اول شي عطاني طراق على ويهي ضربني وانا اقوووله شو فيك قالي قوليلي شو مستوي وانا محد قلتله ماصار شي تمت يزاعق علي ولين خبرته قلتله انا رمست الحرمه قالي على علمج هي ماخبرتني ومصيرها في البيت على ايدي بس انا شفت المكالمات مابينكن وعقبها قلتله سامحني ماصار الا كل خير ..
رجع مثل ماهو على حالة مثل قبل ..وبعد اسبوع قالي انتي قلتي حق فلانه كذا وكذا والله ياخواتي فيه اشياء هي بروحها قالتلي عنها وتقوله اني انا خبرته كييييييييف قامت اطلع علي كلام ..كرهتني حياتي صار يكرهني ويعصب علي وعقب يرجع مثل ماهو ويوم تحس انه بعده معاي ترجع تقوله كلام انا ماقلتلها ..
المهم هو الحينه صار زوجي ..على سنة الله ورسوله بس ياخواتي انا تعبت منه من عصبيته انا اعرف انه يحبني ومايقدر يعيش من غيري لكن والله عصبيته تدمرت نفسيتي انا تعبت ..
من اسبوع تقريبا كنت فاتحه بلاغ على حرمه وداقلي مال المطلوبين يبوني اتعاون معاهم عشان يمسكون الحرمه سكرت عنه وعلى طول دقيت حق ريلي وخبرته سبني سب وتم معصب وقالي انا ادري اترمسين شباب وانتي وانتي وانا خلاص فقدت الثقه فيج يعني تم يقولي رمسات اعوذ بالله منها انا ماتحملت ياني أكتئاب حاااد تميت ماشي الا على الحبوب حتى شربت منوم بس من التعب والتفكير ماقدرت انام اشوف وين الغلط الي سويته المهم طرشتله مسجات وماشي فايده اخر شي طرشتله مسج قلتله انا بيك لين الاماره الي هو فيها بضرب خط بتاكسي ماعلي من حد بس ابا ايلس معاك واعرف الموضوع طبعا مارد المهم من ظهرت الشمس لبست عباتي وركبت تاكسي وظهرت وانا اقرا القران والاذكار لين ماوصلت نص الخط واتصل فيني وين انتي قلتله انا يايه عندك نتفاهم في الموضوع انا تعبانه نفسيا الكلام الي قلتله لي ترا لين الحينه يرن براسي ومب قادره استوعب قالي ارجعي قلتله ماريد ابا اليوم اشوفك قالي ارجعي ورجعت وتم معاي على الخط لين مارجعت البيت وعقبها طرشلي مسج حلوو وقالي نامي وارتاحي نمت بس ساعه وبعدين اتصل فيني وقالي لا تزعلين مني انا عاملتج جي امس لاني صج وايد اغتضت عليهم يعني ماشي حرمه تتصل فيج عشان تتعاونين معاهم ليش يتصل فيج الريال انا مارضى لانج والله غاليه قلتله انت الكلام الي قلتلي عنه تراه مب شوي وتعبني مااهتميت في اهلي اهتميت فيك انت وضربت خط عشانك بس انت قالي كبرتي في عيني والله في نفس اليوم ياني وطلعنا ورضيت لكن لين الحينه احس قلبي مكسووور لاني احبه والله احبه بس خواتي هو وايد عصبي ونفسيا مضغوط مااعرف شو الحل اباه اريحه من العصبيه بس مب عارفه شو حرمته ربي يهديها من صوب ومشاكله من صوب ..
ربي يخليكن خواتي مااريد تجريح وعتاب على ردودكم ابا حل وابا دعوه طيبه منكن اعتبرن هالشي فضفضه من خاطري لاني والله العظيم اني وايد صبرت عليه ولازلت صابره على كل شي يسويه لي سوا كان خير او شر لانه هو الي وقف معاي في كل الحالات..