السلام عليكم ورحمة الله وبركـاته..
احبتـــي… وضع بريد المشكلات من اجلكم…
منكـم ولـكم…
والهدف الحقيقي من فتحه هو مد يد العون لبعضنا البعض
والمساهمه في الاقتراحات الفعاله والاراء البناءة…
ولكي نحقق معـاً اروع النتائج.. لابد من الوقوف على اهم النقاط
اولها : نحاول ان يكون الرد ايجابي يبني لا يهدم
ثانيها : تتفاوت درجات المشكلات ولكن يجب ان نعلم ان لم تكن المشكله مهمة لدى البعض
فهي مهمة لصاحبتهـا…
لن اطيل عليكم…
ونبدأ
تقول صاحبة الرساله
اليوم كسرني من الظرب وانا اترجاه وهو بلا رحمه والسبب اني البارحه قلت له بطلع السوق قالي اوكي واليوم يا الظهر وانا كنت معصبه قلت له انا قايلتلك بروح السوق قالي انا من الصبح فالبيت بس ماييت اوعيج وانتي مادقيتي وعصبت وقلت له بصوت عالي خوز عني هو عصب ليش تقولين جيه وانا ماغلط عليييج وظربني ظرب
انا غلطانه بس مب معناته انه يجتلني من الظرب رحت وشليت اغراضي كنت باتصل لاخويه وقالي بوديج بشرط ماتخبرين لا اهليه ولا اهلج بالسالفه وقلت له ماعليه المهم اطلع وطلعت برا عند عموه وانا ريولي ماتشلني وهي عرفت انه فيه شي للعلم اتعرف انه يظربني بس هيه ظعيفه وايد وهي اللي عودت عيالها يتسلطووون ولدها الصغير من الحين يظرب خواته ولاتقوله شي ومب طايعه تخبر عمي عن اللي يسويه فيييه لانه فيه السكر وتخاف عليييه بس مب على حسابي انا كل مره يظربني اقوى عن اللي قبل والله اليوم من قو الظرب اغمى عليه شل يديه يشوف اذ حيه وبعدين ظربني على ظهريه بريله وحسيت ورد وظربني حرام تعبت مب عارفه شسوي اذ خبرت اهليه بيكبرون السالفه واذ خبرت اخووويه والله بروح من ريلي شسوي شورو عليييه
وعقب مايظربني يرد يستسمح ويحلف مايعيدها
هو مستقوي عليج لأنج ساكته
إلا الضرب…
سكتي اول مرة وجفتي وين وصلت حالتج
لين متى بتمون جي ظعاف
من اول مرة المفروظ تراوينه ان لج ظهر
حتى يحترمج
كيف تبيننه يحترمج وانت ساكتة على المذلة
دخلي ابوج اخوج خالج
اي شخص هو يحترمه ويخاف منه
بسكم بسكم ضعف
كله ولا عيشه المذله انتي حرمه مب هايشه
حتي الهايشه تنرحم
وهو خليه يزول ولا ترديله الين ما ينصلح حاله
ويعرف انج بنت عرب وناس
واذا شيف عليج غلط اهلج موجودين مب هو يربيج
القرار بيدج… هو حلف من قبل بس ما تاب واذا هو ما كان يخاف من اهلج جان ما قال لاتخبرينهم
المشاركة الأصلية كتبت بواسطة امـ فطومـ 
القرار بيدج… هو حلف من قبل بس ما تاب واذا هو ما كان يخاف من اهلج جان ما قال لاتخبرينهم
خبري اهلج و توكلي على الله لان لازم يوقف عند حده .. و لازم حد يوقفه ..
و ها الغلط من امه انها معلمه عيالها التسلط يعني البيت كله بيمشي على هالنهج
لان كلهم جدامهم قدوتهم ( في الضرب ) !
ف كل واحد منهم يشجع الثاني بهالطريقه بعدين ان تم يضربج جيه عيالج بيتعودون
على هالمنظر و بيكبرون عيالج ( الاولاد ) وهم متعودين على ضرب البنت و عادي اتوقعي
يضربونج انتي بعد .. لان طول حياتهم يشوفون ابوهم يضرب امهم ..
استغفر الله ..
صلي القيام حبوبه و ادعي ان الله يهديه |…
لا تستغنين عن الدعااااااااااااااااااااااااااء ..
و اقري سورة البقره و الزمي الاستغفار ولا تطولين لسانج عليه يعني لاتصرخين عليه لان الرياييل
مايحبون حد يصرخ عليهم بالذات الحريم حتى لو هم الغلطانين ,,
لا تصرخين عليه ..
و كل ماحسيتي انه ياي يمد ايده او شي .. " تمي في خاطرج استغفري .. كله قولي
استغفر الله استغفر الله استغفر الله"
و الله يهديه يارب و يصلح باله .. ادعيله
و الله يعينج و ايسر امورج حبوبه ..
يمد ايده عليج وانتي ساكتة؟؟
ياقلبي ليش السكوت؟؟؟
شو اللي مايخليج تخبرين اهلج وسندج؟؟
هذا مب انسان … مافيه علاقة بين زوجين بالضرب
هذا مريض
وخص انه يضربج باقوى ماعنده
ويشوفج كل مرة تسكتيييييييييييين تساااااااااامحين
وهالشي اللي كبر راسه وخلاه يتمادى بالغلط
سيري عند اهلج وحسسيه انه وراج ظهر
قوليله بعده ماولدنه امه اللي يذلني ويعاملني شرات الحيوانات