من بريد المشكلات المشكله ~ ~ 34 ~ ~ 2024.

انا عضووه في المنتدى من فتره وحابه اطرح مشكلتي اللي مب امخلتني ارقد من التفكير.. ما كتبت مشكلتي الا اني متأكده ان في ناس طيبين بيساعدوني بردودهم الطيبة ..

بنات.. انا عمري 21 سنه الحمدلله اني ادرس وهذا كان طموحي ..
مريت فتجربة حب والريال كان مايداوم يوم كنت معاه (بليز محد يقول انتي غلطانه خلاص اللي صار صار).. المهم
كنت عايشه قصه حب ولا احلى ماكان يجذب عليه فولا كلمة كناا ع قلب واحد وكنت اشوف هالشي فيه ولدرجه ان اهله بعدهم ماشافوني ولا عرفوني قالوله خذها مابتحصل شراتها المهم مرت الايام وحصل له على وظيفه والحمدلله ..

وكان عند كلمته .. قال لي بييب اهلي بس ماكان الوقت مناسب لان ابويه كان ف المستشفى وعقبها اتوفى واجلوا الييه

عقب ماطلعت امي من العده يوا اهله بيتنا..ويلسوا مع اهلي
حتى يوم كانوا ف الميلس كنت احس ان هاييل من اهلنا لان كانوا يرمسون ويضحكون ولا جنه يايين يخطبون.. فأنا ارتحت من هاي الناحيه..

دخلت عليهم وانا قلبي يقرقع وكلهم ماتوقعوني جيه يعني الحمدلله دخلت خواطرهم وحبوني وامه وااااااااايد ارتاحت لي ..

واهلي استانسوا وايد وصليت استخاره رغم اني اعرفه واباه بس قلت لازم استخيير.. ويوم يا الوقت اللي ارد عليهم فيه ولد عمهم اتوفى
وماقدرت ارد عليهم

اهنيييييييي المشكله اخوي كان حاس ان في شي مستوي وقال لي لازم ايلس ويا الرياااال.. ويلس ويا الريااال .. وهو من الخوف قال لاخويه انا ما اعرف اختك اهني اخوي عرف انه هو يعرفني لان نحن ما عدنا اهل من الااماره اللي هو منها..

رد اخويه البيت وزقرني وقالي انا اعرف انج اتعرفين الريااال وانا ما ابضربج ولا بذبحج انا اقدر بس مابا امد ايدي عليج عشان واحد غريب
المهم مابغيت اجذب على اويه قتله هي انا اعرفه بس ما اكلمه لين الحين. وقتله الريااال ما جذب ياب اهله ويباني على سنه الله ورسوله

اخوي خذله كمن يوم وعقب قال لاميه ردوا عليهم وقولولهم ماشي نصيب انا تميت اصيح وقلتلهم ليش شو فيه الريال اهله من احسن العوايل ومافيهم عيب..

اميه تمت اترمس اخويه قال هو توه مداوم وين يقدر يعيش بنتج اللي مصاريفها وايده وهو من كمن سنه يالس بطالي شو يمع له عشان يعرس ووووو ومن هاي الرمسه
انا انقهرت وقلت مايستوي يرفضون بدون سبب.. اخوي مصر على رايه وقال رمسوها وفهموها لانه مايحب ينازعني لاني اصغر وحده ف البيت.. انا انقهرت وهو يرمسني يقول ليش جيه حرام اهلج يسولنا جيه انا ابااااااااااج وان شاالله لو اخذج ونتزوج ف المحكمه انا ما طعت طبعا قتله لاااا..

المهم اميه ردت عليهم وقالت ماشي نصيب وربي ان امهم صااااحت قالت محد يستاهل ولدي كثر بنتج…. انا والله اني ضايجه ماعرف شو اسوي وقال لي مستعد اتقدم لج مره ثانية وثالثه انا ماقتله ليش اخوي رفضه وهو يبا يعرف قتله اتصل فيه ورمسه روحك ..

المهم بنت بنت عمو يوم سمعت ان رفضناهم على طول خلت بنتها تتصل فيه وتقول ان اخوها يباني من زمااااااااان بس لان عزا ابويه ماطاعوا يفتحون الموضوع هم بغوا ايون رسمي بس اخوهم قال لا اسألوها هي عشان اذا رفضت ماتصير حساسيه بين العايلتين

وهو تبون الصراحه ماينعاااااااااااب وعايلتهم معروووفه وناس راهيييين وايد يعني لو يبا يعرس بيعرس الحين هي اتصل فيه ورمستني وقالت لاتخبرين حد وانا ماخبرت حد صليت كمن مره استخاره واحس اني مرتاحه انا ماخبرت الريال اللي اعرفه بس لمحيت له قال لي محد بياخذج غيري وهالريال اللي يقربلنا يباني وشارني واخته قالت حتى لو رفضتيه هو يبى يعرف السبب وانا لين الحين مارديت عليهم
محتاااااااره ياناس صليت استخاره كمن مره بس مابين شي

ولد عمتي شافني صدفه فبيتهم وانا كنت مروحه بس اميه وقفت وياه وتمت اتسولف هو شافني وعلى طول رمس خواته على فكره هو كبير عمره 34 وانا 21 واخته قالت ان اخوي مافيه شي بس اكبر عنج
وفعلا لو تقدمولي رسمي اخويه على طول بيوافق

بنات قولولي منو اختاااار حب حياتي والا ريال ما اعرفه

وربي يموووتمن التفكيييير