السلام عليكم ورحمة الله وبركـاته..
احبتـــي… وضع بريد المشكلات من اجلكم…
منكـم ولـكم…
والهدف الحقيقي من فتحه هو مد يد العون لبعضنا البعض
والمساهمه في الاقتراحات الفعاله والاراء البناءة…
ولكي نحقق معـاً اروع النتائج.. لابد من الوقوف على اهم النقاط
اولها : نحاول ان يكون الرد ايجابي يبني لا يهدم
ثانيها : تتفاوت درجات المشكلات ولكن يجب ان نعلم ان لم تكن المشكله مهمة لدى البعض
فهي مهمة لصاحبتهـا
السلام عليكم ررحمة الله
خواتي انا محكووره من ريلي كل شي ممنوع ،،، مايخليني اشارك بالمنتديات بس انا اشارك من وراه ،،، قالي لو بتشاركين خليج رسميه مراات يقرا ردودي ويجبرني اني امسح ردي مع ان والله مشاركتي ابد مافيها شي تدرون ليش قالي اخذف بس عشان كتبت في البدايه مرحبا ،،،،
وشي الثاني مايخليني اطلع مع خواتي او امي اذا بيسيرون السوق او اي مكان ،، مرات اتم اذل عمري اقوله ابا اطلع السوق عشان اختي اتساعدني بشي معين وامووووت ولا يخليني
وشي الثالث عباتي آه من عباتي هو على كيفه يختارلي ريفصلي العباه االي يباها ،،، بس عباة الطلعات اماكن العامه اما الزيارات والمناسبات لا عادي انا اختار ،،، المشكله اذا فصل لازم الكم يكون سيده مافيه قصات ،، احاول وياه يخليني افصل الكم قصه معينه بس موووول مايقتنع ،، انا الحمدالله اذا طلعت اكون متغشيه ولا فص اتكون في عباتي بس احب يكون شكلي مرتب بس تعبت وانا اقنعه يغيرلي قصة الكم ،،، والله يابنات واااايد اشياء يمنعني اسوييها وحاكرني ،،،، من كم يوم حاولت وياه اني بروح مكان معين يوم اخيرا اقتنع وشافني مستانسه قالي مابيج اتحطين مكياج قلتله مابحط مكياج مع ان المكان االي بروحه كل حريم مافيه ولا ريال ،،، عقب قالي ماتلبسين الا العباه الساده االي فصلتلج اياها ،،، عاد انا اهني انهرت ويلست اصييح وقلت مابغي اروح كرهتني بطلعه ولا يا راضاني والله تعبت شوروا علي شو اسوييي ،،، انا متزوجه من سنتين وعندي بنوته الله يحفظها لا تقولون يغار عليج لاني بنبط من الحكره واايد اشياأء مانعني فيها غير هالاشياأء
عزيزتي…
من المفترض ان تسعدي ان زوجكِ يحافظ عليكِ ويحمل في قلبه غيرة عليكِ تجعله يتصرف هكذا
نعم هناك مبالغات .. ولكن لا تستحق ان تكون مشكلة
اضافة الى ان فترة زواجكما بسبطة نسبياً وبالنسبة له مازلتي تحت الملاحظة
اثبتي انكِ أهل للثقه ومع الايام تتغير طريقته ومعاملته ان شاء الله
المهم ان لاتعصي اوامره وناقشيه بهدوء
موفقه
تزوجت وعمري 18 سنة
تخيلي صغيرة وتحبين تكشخين وتتعدلين
كنت مثلج ويمكن اخس بعد
لان قائمة الممنوعات عنده اكثر واكبر
لكن مع الايام خلاص ما قام يقول شي
يعني المسالة كلها مسالة وقت وحسن تصرف
السالفة وما فيها يحسون ان الحرمة لهم هم و بس ويغارون عليها
واحس هالشي طبيعي في اي ريال عنده غيرة
تحسينه يبغيج تكونين له وكشختج له
مب مثل بعض الرياييل اللي حريمهم وبناتهم وخواتهم كاسيات
عاريات وفل ميك اب وريحة العطر والدخون تنشم ع مسيرة اسبوع
ويتمشى معاها ولسان حاله يقول شوفوا منو معاي
الحمدلله ان عندنا من يغار علينا ولا يستهين بكرامتنا ويخلينا سلعة الكل يتفرج عليها ويشوفها بلاش
والله يسخر لج ريلج
عباة السوق خليه هو يفصلج قوليله عراحتك اما عباة الزيارات فحاولي تقنعينه
بالهداوه ومع الايام بيتغير بس صبري عليه ^^
وايد رياييل من هالنوعية
غاليتي
قريت المشكلـة مرة واثنين و3 وما قدرت أحصل وين المشكلـة
السالفـة وما فيها ريلج حريص عليج أختي
وترى العباة السادة هي الي ماتجذب الأنظار
اذا فيها قصات وحركات خلاص أختي
انتي تسميها مرتبـة وأنا اسميها تجذب الأنظار ^^ !
يعني ريلج حريص عليج لإنج حرمتـه
وأكيد لو مالج معزة عنده بيخليج تسوين الي تبغين لإن مالج قيمـة بنظره .. !
أما اذا يتكلم ويحاتي بالعكس قولي الحمدلله 
لا يهينج ولا يضربج ولا ياخذ حقج ما سوى شي غلط غير انه يستر عرضه
وهذا الشي من حقه أختي
واذا تعمقتي في دينج أكثر بتعرفين ان ريلج على صواب
بس غلطتــه انه يمكن مب قاعد يحاول يقنعــج ,, أو قاعد يفرض عليج وايد اشياء في وقت قصير .
بس جي الريال يحكم على حرمتــه في بداية الزواج
هو يبغى يعرف إذا بتثبتين تحت الضغط ^^!
وانتي لج الخيار أختي تسمعين كلامه أو تزعلين من كل شي يقولـه
لج القرار
وأنا أنصحج تشوفين حرصـه من زاوية ايجابية عسب ترتاحين
والله يوفقج لكل خير