السلام عليكم ورحمة اللـــــــــــــــــه وبركـاتهـ
هلا ورحب يميع ..
خواتي اول شي بخبركم عن معاناتي وزني كان 50 فجأه بدون سابق انذار ضعفت انا مالاحظت ععمري بس اللي حولي لاحظوا هالشي ودوم يقولون لي ليش مضعفه جسمج كان وايد حلو ومن هالكلام :1 (25):
بس انا كنت مقتنعه فجسمي وايد يوم عقب يوم اضعف زياده بابا وداني المستشفى يبون يعرفون السبب خذت ادويه فتح شهيه والــــــــــخ لمهم ماداني ابلع الدوا يعني ايام اخذ وايام لا وتركته لنه ماياب نتيجة ابد بلعكس احس ضعفت زياده انزين والحل شو اسوي تزوجت وحملت وولدت واللحين عقب 4 سنين معاناه ويا الضعف وبعد تجارب الخلطات والادويه وكل شي في سبيل اني امتن يمكن متنت كيلو بس والله هلكيلو والكيلوين اللي زدتهم فيوم واحد صمت وراحن :1 (37):
والله صدقوني يابنات حريم انه من اسبوع بس لقيت الحل قلت بجرب هالحل وهو اخر حل الحين كل وحده تشوفني تقول كيف كيييييييييف قبل ويهج من الضعف ملامج ضايعه وعيونج ظاهرات خخخ
شو اللي صار شو سويتي عاد انا احس عمري اطير فوق السما هع والله حتى ريلي يقولي صرت كيوت وبشرتي بيضت وصار ملمسها شرات البيبي ماشا الله
مرة من مرات كنت اتصفح النت وابا اعرف الخدود من داخل من شو تتكون وشو اللي يسبب لها الضعف والنقص حصلت اكثر عن موقع اعشاب طبي وخبيرين اعشاب طبيعيه
عرفت ان كل وحده فينا خدودها تحتوي على فيتامينات ومعادن واذا نحن نقصنا من اكل معين خلاص الفيتامينات طبعن تروح نحن نقول انزين نحن ناكل وايد وايد بس مانشوف اعمارنا زاد وزنا اقولكم لا مب المشكلة ان نحن ناكل وايد ومايزيد وزنا المشكله ان نحن في اشيا من الاكل معينه هي اللي تأثر على الجسم ماناكلها …
انزين وعرفت انه كل اكل يحتوي على فيتامين سي c يخلي وزنج يزيد ويعطي وزنج الماي اللي ينفخ 
لنه ويهي ناشف مافيه شي يمتلي وفيتامين سي يحتوي على الماء اللي يسد حاجة البشره
يوم عريت المعلومه قلت اها وانا اقول يوم كنت حامل الطبيبه تقولي اشربي عصير برتقال كل يوم على الريق عسبت يحتوي على فيتامين سي وفيتامين سي يعطي للجسم الماي اللي يفقده اهاااا >>> حلفي
لمهم انا قلت اللحين مب مهم اني امتن لني حامل اهم شي عندنا مناسبه عرس لازم على الاقل ويهي ينبان ويمتلي شوي
فشو سويت اول شي سويته دورت على الاكل اللي فيه فيتامين سي دورت مواقع طبيه وعرفت ان
(( البرتقال + الخضراوات الورقيه + الموالح + الملفوف + الفلفل الاخضر البارد + البطاطس + السبانخ + الليمون + الخيار اليوسفي + الطماطم + العسل + الموز + الزبادي ))
و
فقلت هييييييييييييييييييه مابدهاش يلا اشد الهمه :: وعلى طول جمعت الخلطات اللي تحتوي على هلفيتامينات وحطيتها على ويهي
الخلطه ::.. 1 خيار قطعته وحطيته فالخلاط وخلطته لين ما اغلظ الخليط + زبادي + ملعقة ماي ورد + ملعقة عسل + خميرة الام كلهم فطاسه ومزجتهم ويا بعض وعلى ويهي خليته لين ماجف تقريبن ساعه
اول ماغسلت ويهي على طوووووووول لاحظت صفاء ولمعه وعقب نص ساعه تقريبن يبت ماي باااااااارد وايد وايد بارد وحطيته على خدودي وفأصابعي اربت شوي شوي بالترتيب على خدودي ضربات خفيفه هالنصيحه خذتها من منتدى خبيرة تجميل اعشاب كاتبتنها وبنفس الوقت اكل خيار وبرتقال وروب زبادي يوم حطيت الماي البارد على ويهي خدودي شوي توردت
طبعن الماي فليوم مرتين او ثلاث مرات ختيه تقولي مستحيل بس انج عدلتي من الغذاء ويهج متن يمكن تسوين شي ثاني من الصدمه :1 (37): وحليلها هع هع
نتيجة الخلطه اول شي بياض ولمعه بعد ثاني مرة تستخدمين الخلطه والماي البارد بتلاحظين ويهج كبر والخدود .. ملاحظه انا ماحطيت على خشمي عسبت لا يكبر او ينتفخ ..
ويااااااااااااااسلام والله والله احس ان خدودي من عقب ماهن لاصقات بالفك احس صار من داخل فراغ بين فكي وخدودي والله بنات ما ابالغ انا مابا شي بس ابا اللي تجرب الخلطه والماي وتحرص دوم تاكل الاشيا اللي قلنا عنها فيها فيتامين c وتحصل نتيجة تدعيلي الله يسهل علي ربايه ..
ونسيت اخبركن ان اهم شي الحاله النفسيه لنها تنعكس على ويهج وجسمج حتى في بنات تظهر لها حبوب او اثار او تقول انا ماكل مول بس امتن او العكس ها اهم شي بتلاحظ ان نفسيتها تعبانه عسبت جي تنعكس عليها هالاشياء وصدقوني يعني اللي تستخدم كريمات لها الاشيا ترا كلها كيماويه صح يمكن تعطي فالبدايه نتيجة بس بتدمر شي ثاني عندها وعن تجربه ارمس ..واللي الخلطه تنفع وياها تحافظ عليها وتاكل اللي ذكرناه عسبت لا تنقص الفيتامينات ..
وان شالله بكتب موضوع مفيد شو هي الخلطات اللي اثرت تأثير ايجابي على ويهي وجسمي وحياتي…
ختكم :: غ ـموض ::
من الضعف
تسلمين يالغاليه ع الوصفة
يلا ان شالله نشوف نتايج حلوة :22 (12):
من باجر بجربها انشالله تنفع وياي
ولو مانفعت اكيد انها ماراح اتضر لأنه كلها مواد طبيعيه
الله يسهل عليج يالغاليه … وانشالله راح اخبرج عن النتيجه
يسلمووو