اكيد سمعتو عن فازلين زبده الكاكاو عشان ترطيب الشفايف ومنع التشققات
وشخصيا استعمل كاكاو بتر ما حسيت في فايده
فازلين ما جربت لاني قريت انه يسود الشفايف
بشكل شبه يومي احط على ويهي زلال بيض
هيه زلال بيض هههههههههه
وطالما انه طبيعي قلت خليني اجرب على شفايفي
اول شي تقشرون شفايفكم بسكر مع شوييييييي ليمون يعني ما تخلون حبيبات السكر تذوب عشان تستخدومنها كمقشر ، عقب تحطون زلال البيض وما تفكرون تتذوقونه لانه طعمه مررررر يعني حطوه وخليه ينشف عشرين دقيقه
انا خليته لين ما يتجمد يعني ما اعرف بالضبط كم دقيقه هههههه
وعقب اغسل ويهي بصابون بالحليب الخرطال "هذا نوع من انواع صابون المغربي ومحد يسالني شو الخرطال لانه بروحي ما اعرف ^^ "
لاحظت فرق خفيف من اول مره شكل شفايفي تغير مافي جلد مقشر ظاهر لبرع ، داومت عليه كم يوم وعقب قطعت << اختكم كسلانه
حبيت اخبركم عشان كلنا نستفيد ، ولانه شي طبيعي افضل من المواد والمركبات الصناعيه
وملاحظه بسيطه ، يمكن من بنت لبنت النتيجه تفرق او تاخذ وقت فاذا داومتو كل يوم ما يضر ولا ياثر بحكم انه ماده طبيعيه
وما تنسوني من دعواتكم الصادقه لي ^^
وكل وحده جربت تخبرنا وشو الفرق اللي لاحظته
كيف بتحمله ع شفايفي
واتريا التجارب
