عيبتني سالفة الطبخ
اليوم سويت برياني هندي كنت شايفتنه من الشيف اسامه بس وايد حلو
تفضلوووو
المقادير والطريقه
اول شي جهزو الدياي او اللحم انا سويت البرياني بالدياي
عقب تنظيفه احطه في صحن وابهره بعدة بهارات بالاضافه للملح والكركم والفلفل الاسود والثوم والزنجبيل الطازج ( الثوم والزنجبيل اخلطهم في الخلاط ويا بعض ) والمقادير كلها الكميه حسب الرغبه
وحسب كمية الدجاج او اللحم ( ممكن اضيفون مسمار القرنفل او فلفل اسود حب ) // من كل شي شويه
شوفو بهارتي
الافضل اخليه شويه في الثلاجه لمدة نص ساعه او اكثر عقب احط البصل يوم يستوي لونه
عسلي او اشقر شول اضيف عليه الدياي لمدة عشر دقايق مع التقليب
وهاي الصوره
في الوقت اللي الدجاج يكون في الثلاجه اجهز هالاشياء
حليب طازج او بودره مخلوط بماي مع زعفران ( اخليه في الثلاجه )
عقب اجهز هالاشياء
البيض مفور والزبده اخليهم في الثلاجه
عقب اجهز الروب مع الطماط الطازج والبقدونس في الخلاط ( والمقادير تحددها كمية الدجاج والعيش (
وعقب ما اخلطهم هذا شكلهم
افور العيش مع هيل وجرفه وملح ( العيش نص تسويه )
واشخله
نقطع البطاط ونبهره بالملح والفلفل الاسود ونقلاه على الخفيف نص قليه
تابع
نييب الدياي اللي جهزناه قبل ونصفف عليه البطاط ونصب عليه خلطة الروب
عقب ما صبينا الروب
الخطوه الاخيره
نحط العيش عليهم والبيض والزبده والحليب المخلوط بالزعفران ونغطي الجدر زين بالقصدير
وفي الفرن
ولمدة ساعه وربع تقريبا او عشر دقايق وعلى نار متوسطه وتخلص الطبخه
تبون تشوفون النهايه
ورايه
هنيه غرفته في الطبقه
وهنيه في الصحن
صدقوني طعمه رهيب
هني وعافيه
ملاحظه // انا غيرت شوي اني خلطيت الروب مع البقدونس والطماط في الخلاط اما الشيف اسامه يحط الطماط مقطع والبقدنس مقطع بدون ما يخلطلهم ( احس احلا يوم ينحطون في الخلاط )
وشكرا مقدما لكل من ترد على موضوعي .gif "12 (11)")
والله مره عجبني
خلينا نشوف جديدك
تــــــــــــــــــــــــــــــــــــــــسلمين يا احلى قصص
والف تحيه لكِ
المشاركة الأصلية كتبت بواسطة مها الجهني 
والله مره عجبني
خلينا نشوف جديدك
تــــــــــــــــــــــــــــــــــــــــسلمين يا احلى قصص
والف تحيه لكِ
مرحبا غنااتي
ولا يهمج جريب بحط شي يديد
انا اطبخ حاليا وبصور ان شاء الله اي شي يديد
جريب قسم الحلويات
حياج حبيبتي
المشاركة الأصلية كتبت بواسطة ورد جوري.. الله يعافيج يا قلبي
و تسلم الايادي
وان شاء الله بجربه