السهر وما ادراك ما السهر احيانا من كثر ما اندوخ من السهر نقوم نقط خيط وخيط وهلوسات
خلونا نكمل مواقفكم وضحكونا معاكم
ادعولي بالزوج الصالح اللي اتمناه عاجل غير اجل واترك السهر خخخخ
الحمدلله وللا بيظحكون عليه ….يمكن وقت الربا صح اهلوس وبس
بس مرات احس بعمرى اضحك واعصب هههه
بس احس وقت الاستججمام وراحة بعد نهار متعب من طلبات عيالي وابو عيالي وحشرت جاراتي فديتهم
وتليفوناتي ماتسكت من رمسة حريم بصراحة انا استانس في السهراتي
انا حاليا اتذكر بس سالفتين…
اذكر كنت امسافره مع اهلي رايحه فرنسا…المهم رجعت البلاد…اول يوم لوصولنا اتصلت في ريلي (ايام الملجه)…عسب اقوله اني وصلت ومن هالكلام…قالي بيكلمني في الليل قبل لا يرقد…
اتريته ما اتصل فراحت عليه نومه…
المهم وانا راقده…رن تلفوني رديت عليه كان هو المتصل…سولف وياي شوي قالي باجر بشوفج لازم نتلاقى…قلتله اكيد وخير ان شاءالله…يوم سكرت عنه قلت في خاطري (اهبل مايدري انا بعدني في فرنسا) اونه انا ماخذتنه على قد عقله قلتله اوكي بشوفك باجر…
المهم كملت رقادي ونشيت الصبح…فتحت عيوني كنت مصدووومه…اقول في خاطري انا كنت في فرنسا البارحه شو يابني اليوم هني في البلاد؟؟؟…اطالع غرفتي وانا مصعوقه…بعدين يوم صحصحت عرفت اني البارحه راده البلاد…سرت يودت موبايلي عسب اتأكد اذا ريلي كان متصل البارحه ولا يتهيألي…طلع صدق متصل 
…وطلعت انا الهبله مب هو…
بس انا ذكيه ماقلتله السالفه…
والسالفه الثانيه…وحده من خواتي طلبت مني قبل لا اعرس اني ايب صوره ربيعتي عسب اتراوي وحده من ربيعاتها اذا بتخطبها حق اخوها…
المهم انا يبت الصوره وعطيتها…وعقب فتره ردتلي الصوره…وانا حطيتها في درج الكمدينو وين ما ارقد…
وانا في عز رقادي نشيت…بطلت الدرج واطالعت صوره ربيعتي باحتقار ورديت كملت رقادي…ليش شو السبب الله اعلم
بالباجر خبرت ربيعتي بالسالفه…ماتت من الضحك اتقول ليش تتطالعين الصور باحتقار؟؟؟…قلت والله مادري هاهاهاها
وبس…
حاليا هذا في بالي