بالنسبة لسالفة ربيعتي قبل خبرتكم عنها في مواضيعي :
مشكلة ربيعتي … ويا ريلها و مخلنها تعيش وياه بالحرام
https://forum.uaewomen.net/showthread.php?t=756128
مشكلة ربيعتي … ويا ريلها و مخلنها تعيش وياه بالحرام (بعدها تعاني )
https://forum.uaewomen.net/showthread.php?t=787026
الحمدلله تطلقت منه و افتكت من شره و (خذت الاعالة و الحضانة) … يعني ربيعتي اهي المعيلة و اهي الحاضنة
الحين يا دور بنتها المسكينة
من كم شهر بنتها يتلها بعثة من الجامعة انها تسافر شهر خارج الدولة و ترد و عطوهاورقة عشان تخلي ولي امرها يوقع … اهي خبرت ابوها و خلته يوقع لانه مهما صار على حسب كلامها اهو ابوها و احتراما لأبوها خلته يوقع… و امها وقعت بعد … يعني خلاص أبوها درى
و الحينه يوم قرب موعد سفرها … قام كله يسوي مشاكل و يحرق تليفون البيت عليهم انتو وين ؟ شو تسوون؟ وين رحتو؟ مع منو ؟ امكم وين؟ مع منو ؟ محد ايي بيتكم؟ منو يا بيتكم ؟ و من هالأسئلة
و كله يحرق اعصابهم و يقول انا باخذكم و بسكنكم في أبعد مكان في بوظبي و بلعوزكم و بييب أمر من المحكمة اني اخذ كل الاثاث اللي في البيت و كل شي خذته لكم و باخذ اخوانكم الصغار و بلعوزكم و مادري شو … يعني كله يهدد
من أسبوع … كان يوم الخميس.. امها و اختها طلعو يشترون اغراض للبيت … اهي تمت في البيت بروحها و يا اخوانها الصغارية … أبوها كان يتصل على امها و اختها وايد بس كان مغلق تليفوناتهم … جان يتصل على البيت … البينية ما سمعت التليفون لانها كانت في الحمام …
راح بيت أمها في نفس الوقت … و دق الجرس و البينية بطلت الباب و جان يطيح فيها ظرب … ليش ما تشيلون التليفون و انا بطعج من الجامعة و بحرمج من السفر للأبد … البينة ردت عليه ما تقدر و بخبر امي و امي اهي حاضنتنا و معيلتنا .. جان يكفخها و يخنقها و اهي تمت تصرخ … الجيران اللي ساكنين تحتهم طلعو و هو خاف و بسرعة شرد …
خبرت امها و اهي تصيح … قالت الحينه بيي وباخذج المستشفى و بنشتكي عليه لان يا بيت امها و تهجم عليها .. بنتها المسكينة قالت لا خلي يولي هذا أبوي و مب حلوة تشتكي عليه …. امها اتصلت على أبو البينية و هددته عشان يخاف و ما يقرب صوب بيتهم …
ليييين يوم الأحد … يوم الأحد يا جامعة بنته و كان ناوي يمنعها من السفر … ما خلته الجامعة لانهم يدرون ان الام مسؤولة … جان يقولهم أوكي … عيل بعمم عليها
و كان يايب ورقة من مستشفى الشرطة (اهو يعرف دكاترهم معرفة شخصية ) و اهو يشتغل في الشرطة و مكتوب انه فيه علامات على جسمه انه بنته مشمخته … و قال بيعمم عليها
مسكينة هالبينية شو ذنبها … يالسة تترجاه انه ما يعمم عليها … و اهو مب طايع و يقول راووني بيتكم اليديد و خلوني أشوفه و اي مكان تسيرون خبروني و تعالي معاي الدعم الاجتماعي عشان ما أعمم
و اهي البينة خايفة و تصيح .. حرام اهي تدرس و تتعب و ايي هالشيطان و يخرب عليها .. و اهي مسافرة من الحكومة مب من حساب أمها و لا من حساب أبوها
اهي شو تسوي … تروح الدعم الاجتماعي و لا لا ؟
و هل بيقدر انه يعمم عليها ؟ يعني تسافر و لا لا ؟ الجامعة قالو يستوي تسافر بس التعميم بيكون مشكلة و فظيحة جدام البنات اللي بيكونون وياها في المطار
الله يعينهم يا رب … بليز بنات اللي تعرف حد في الجوازات و لا في المحكمة بليز لو تقدرون اسالوهم و ردو علي عشان أطمنهم … و ادعولهم
انشاءالله حد يفيدكم
تعرفين أختي من قراأتي للوقائع أحس أبوهم بعده يحبهــم..
لكن ما يعرف لا يعبر ولا شي
وعلى باله يوم بيضغط على عياله ويكرههم في عيشتهم بيتقربون منه !
الله المستعـأن
أختي البنت تحاول تطلع من المشاكل
وتكلم أبوها بالطيب مهما كان هو أبوها ولازم تحترمه
ماكان له حق يمد ايده عليها لكن قدر الله وماشاء فعـل
الحين تحاول تسايس الوالد
وعادي تسير الدعم الإجتماعي شو فيها 
يمكن الوالد ياخذها عسب يصلحونهــا ويطلع هو الي متصلح من عندهم
خلها تسير بحسن نية وتدعي رب العالمين ربي يهديه وينور قلبـه
ودعواتنا معاها
بخصوص التعميم ماعندي خلفية السموحـة وعادي حتى اذا سواه لا فضيحـة ولا شي
محد يختار أهله لا تستحي من ربيعاتها وخليها كول
الموضوع عادي وفي مصايب أكبر بوايد عن هذا الشي
الله يوفقهـا
الله يعينها و يعينهم يا رب