يا الصيف ويا موسم السفر ..
ولاحظت انه وااايدين ما شاء الله بسيرون تركيا في الاجازة ..
ف حبيت انزل هذا الموضوع الي ممكن يفيد واايدين .. وخاصة الي سايريين تركيا اول مرة ..
انا شخصيا سرت تركيا تقريبا في كل فصول السنة .. واكثر فصل عجبني كان فصل الربيع .. على شهر 3 .. بعدها البرووودة والجوو كان وااااااو .. المهم خلونا ندخل على الموضوع ..
بعض النقاط المهم عن تركيا :
العاصمة : انقرة
اللغة الرسمية : اللغة التركية
العملة : ليرة تركية .. وممكن تستخدمون الدولار او اليورو
(نقطة مهمة لو بتصرفون فلوس في تركيا .. لازم تمرون على كم صراف علشان تقارنون الاسعار .. لانه الاسعار مب كلها نفس الشيء .. وخاصة في الاماكن السياحية)
الديانة : 99% اسلام
الفيزا : ممكن تستخرجون الفيزا في نفس الوقت من مطار اسطنبول .. في اسعار ثابتة لكل دولة
بطاقة التلفون : ممكن اطلعون بطاقة تلفون من المطار .. علشان تقللون من خساير الاتصالات ههههههههه
السكن في تركيا
بالنسبة للسكن في تركيا … اذا كنتوا عايلة كبيرة ف الافضل تأجرون شقة او فيلا .. اما اذا كنتوا مجموعة صغيرة .. وما بتمون فترة طويلة انكم تسكنون في فندق .. بالنسبة لاسطنبول .. وخاصة منطقة تقسيم .. قلب اسطنبول .. برشحلكم بعض الفنادق الي سكنت فيها ..
اما عن طريقة حجز الفنادق … انا دووم اشوف الاسعار في www.booking.com موقع الحجوزات لانه اسعارهم تكون رووعه وتتغير دوووم.. وبعدين اطرش ايميل او اتصل للفندق و اقارن في الاسعار .. واسوي حجوزات كلها قبل السفر…
The Marmara Taksim
هذا الفندق يعتبر من فئة خمس نجوم .. يعتبر من الفنادق الحلوة .. وهذي بعض الصور
Elite World Istanbul Hotel
هذا الفندق يعتبر جديد في منطقة تقسيم من فئة 5 نجوم .. والصراحة المكان والغرف روووعه .. وسعره اروع .. في شهر 3 كان سعر الغرفة 500 درهم بسسس .. بس والله الغرف حلوة وموديرن
Larespark Hotel
فندق من فئة 4 نجوم .. على فكرة منطقة تقسيم فيها واايد فنادق فئة 4 نجوم وتكون روووعه .. هذا الفندق واحد منهم .. وريوووقهم وااااااااااااااو .. واسعارهم حلوة .. يعني الغرفة في حدود ال 450 درهم
Çırağan Palace Kempinski Istanbul
من فئة ال 5 نجوم .. صح سعره شوي غالي بس موقعه على البسفور على طول ..
Hilton Taksim
من اقدم فنادق المنطقة والي لين اليوم يعتبر من احلى الفنادق في تقسيم .. من فئة 5 نجوم
يتبع