موهيتو على طريقتي () 2024.

السلام عليكم ..

انا احب الموهيتو ….. اشربه في فرايديز … عجييب و منعش .. هو بالاصل عصير مكسيكي و يسوونه بالكحول .. بس يوم كنا في السفر طلبت من الريال يسويلي اياه بدون كحول و سواه ..و طلع طعمه لزيييز .. مادري ليش يسمون عمرهم بهالكحول . الله يهديهم بس ..

المهم .. المكونات :

4 ليمونات كبار
5 افرع نعناع
علبة سفن اب بااااااااااااارده
3 ملاعق سكر
ثلج (حسب الرغبه)

الطريقه :
تقشرين نص الليمونات (والباقي تخلينه بقشوره) و تقطعينهن 4 قطع و تقطعين اوراق النعناع و تحطينهن في الخلاط و تحطين السكر و تصبين علبة السفن اب و تحطين الثلج ..

تشغلين الخلاط و تخلينه تقريبا 3-5 دقايق لين ينخلط عدل ..

و تقدمينه ..

و بالهناء و الشفاء ..

بالعافيه والهني يالغلا

شكللله لذييييييييييييذ

تسلمييييين حبيبتي

شكلي بسوي لي هالعصير

لانه بنت خاالتي رمستني عنه بس ما اقتنعت واليوم شفت الصور اكيد بجرب اسويه

تسلم يمناج الغاليه ع موهيتو ^_*

من مكوناته .. يبين إنه لذيذ ومنعش ..

بجربه باجر إن شاء الله ..
تسلمين ..

ما شاء الله

نفس الطريقه الي اسويها
وبعض المرات استبدل سفن آب بـ الماء
وفعلا هو لذيذ وخاص في الصيف

تسلم ايدج الغاليه

مشكورة الغاللية