شحالكن
بغيت اخبركن اليوم عن خبيرة تجميل اسمها ميعاد الحمادي
طبعا البعض يعرفها لانها معانا في المنتدى
ما ادري اخبركم بالتفاصيل والا على طول اقول الي عندي
ما يصير لازم اقولكم عشان انتوا تحكمون
الموضوع الله يسلمكن
اني انا عندي هوس تجميع صور المكياج وخاصة لو الماكيرة مواطنة .. والي يعجبني وايد اخذ رقمها
سبحان الله تصير عندي مناسبة مفاجاه ما اتوهق.. عندي دفتر خاص للارقام
المهم كنت ماخذة رقم ميعاد من المنتدى
وربيعتي عندهم عرس وما خبرتني الا قبل العرس بيومين
وطبعا قالت لي ابي وحدة تكون في الخور .. عاد انا عندي كذا رقم .. عطيتها الارقام كلها الي عندي والخاصة بماكيرات خور فكان
بس قلت لها انا عندي صور لوحدة اسمها ميعاد الحمادي
طرشتها لها على الايميل .. عجبها واتصل لها وحجزت
وراحت لها وسوت المكياج العادي
بس تصدقون .. عجبني وايد.. روعة شوية عليه.. مع انه تصووير موبايل ..
مرتب والكريم اساس حلو .. وطريقة الرسمة ودمج الالوان حلوة
حتى تخبرني ربيعتي انه اختها ما عجبها المكياج عقب ما خلصت .. قالت لها ميعاد لو تبغين امسحه واغيره كله ما عندي مانع .. وتعدل لهم حتى اخر لحظة قبل لا يظهرون من عندها
ربيعتي طبعا قالت فيها قصايد من المدح ..
ولو اقدر اعرض لج صور ربيعتي اكيد ما بتردد .. انتي تستاهلين
بس المشكلة هي مصورة ويها كامل
ربي يوفقج الغالية ميعاد..
^_^
والله تستاهل بنت البلاد ، قصايد المدح شوية عليها
المشاركة الأصلية كتبت بواسطة meme143 
انـــا أهم شي عندي مب المكسب المادي لأ…أحب اكسب الناس و أكسب رضاااهم.. أكثر من أي شي ثاني..
و اللي صار مع اخت ربيعتج بالعكس كان مكيااجها حلووو وايد..و فستانها كان وردي و انا حبيت ادمج لها الوردي مع الأزرق عسب يبين أكثر..و زودت الأزرق حبتين هههههه 
و هي طلبت مني اني أعدله و أزود لها الوردي أكثر..
و بالعكس عدلت لها و حتى قلت لها لو مش مقتنعه فيه بغيره لج اللوك كااامل ..
و هي ضحكت و طلعت و هي مستانسه..
و سلمي لي عليهم وااايد ..
صحيح هذا الي صار .. والسموحة بنات انا خانني التعبير .. هو عيبها بس كانت تبي اللون الوردي يغطي اكثر.. وميعاد كانت مستعدة تغير لها المكياج كامل.. ما قصرت والله
لكن ميعاد على قولة ربيعتي لاخر لحظة تعدل لهم وتحط لمعات .. وظهر مكياجهم روعة والكل سال عنه في العرس
ربي يوفقج