مين عملت اشعة الصبغة في عيادة المدار عند د. شانتي 2024.

مرحبا خواتي ومثل ماهو باين من العنوان حابه اعمل هالشهر أشعة الصبغة. وسمعت عن دكتورة شانتي في عيادة المدار فياريت الي عدها معلومات عن الاشعة هل بتعور او تحتاج رعاية بعدها او شو هي التوصيات الي بتخبرني عنها يعني تجاربكم واذا وحدة عملتها عند هاي الدكتورة واستفادت والا لا؟؟
يعني كل هالاشياء وجزاكم الله خير

هلالا فديتتتج أنا سويتها مرتين في عياده المدار المره الاولى كان عندي انسداد في الأنبوبين واهي فتحت لي الأنبوب اليمين وعقبه حملت بشهرين بس نزل الحمل ورجعت أعيدها من شهر وفتحت لي الأنبوب الثاني وأحينا الحمد لله الأنابيب مفتوح وياي وان شاء الله خير وإنتي لا تخافي وسويها أهي تعور بس مب وأيد ومن تخلصي ع طول تطلعي وتردي البيت ودكتوره شاطره والله يوووفقج

مشكورة فديتج ماقصرتي بس عندي كم سؤال ياليت بتجاوبيني عليه
بعد الدورة بكم يوم لازم تنعمل؟
وهل لازم أخذ موعد والا بيصير نفس اليوم الي بروح عدها بتسويه؟
وهل تعطيني ابره او شي قبل عملها؟
وكم وقت بطول بعمل الاشعه؟
ومشكوووورة

هلاا فديتتتج العفووو وانا موجوده حق كل اسئلتج
تنعمل بعد 3 ايام من الدوره ولازم تاخذي ورقه من دكتوره وتاخذي موعد وما تاخذي ابره قبل الاشعه والوقت بس ربع ساعه

انا جربت أشعه صبغه
بس سويتها ف مستشفى لطيفة
صراحه وايد تعور لدرجه أني مات حملت الم بس خليتها تسوي لي اليمين

انا دكتوره قالت لي اول يوم دوره اي عندها عسب ورقه
اول ما خلصت دوره سوته لي

بس عقب ما تسوي لي بربع ساعه عطتني تحمليه شرات مسكن

ان بعد سويتها في مستشفى كورنيش الشارقة

طولت 20 دقيقة وهي الالامها مثل الم الدورة وعطتني ابرة مسكن قبل .

بس ما حملت بعدها وهالكلام صارله اكثر عن سنة والحمدلله

حلاها غير
مشكورة فديتج ماقصرتي بغيت اسالج ينزل دم بعد الاشعة يعني شرات الدورة يحتاجلها فوطة وكم يوم بعد الاشعه منعوا الجماع؟؟؟

زهرمار
حبيبتي أجر وعاافيه بس الحين خوفتيني واااااايد

الدرة حبيبتي
الله يرزقج يارب بفرج عاجل غير آجل
ويفرحج يامن أمره بين الكاف والنون