نتيجة التحليل 2024.

هلا بنات اشحالكم انا البارحه سرت العياده وسويت التحاليل وقالولي التنيجه قالتلي عندج هرمون الحليب وايد مرتفع قالتلي الطبيعي 25وانا عندي86 وقالتلي هرمون الغده نازل لان هرمون الحليب ماثر عليه عطتني دوه حق هرمون الحليب وماعطتني حق هرمون الغده لانها قالت اذا خف هرمون الحليب ان شالله بيعتدل هرمون الغده بنات بنات ادعولي احمل الله يخليكم
بنات عندي سؤال كيف الدكتوره تكتشف انسداد الانابيب وتكيس المبايض الله يبعنا عن هالامراض يارب العالمين هل تكتشفه عن طريق السونار او عن طريق فحص الدم

حبيبتي عن انسداد المبايض لازم اشعة الصبغه عشان يعرفون وعن التكيس يظهر بالسونار .. ربي يشفيج اخذي الدوا وبإذن الله بنزل الهرمون وبيتعدل وبتحملين ..

هلا صغيرونة 123
وهابي نيو ويك 2 يو
أولا بخصوص هرمون الحليب إن شاء الله يضبط معاج بالعلاج لأنه وايد مرتفع المفروض مش أكثر
من 27 وإن شاء الله ينزل ويصير طبيعي كثري من الميرمية والمردقوش ممتاز عشان ينزل الهرمون عندج..
وبخصوص التكيس يبان بالأمواج فوق صوتيه على طول ما يحتاج فحص دم أحياناً تكون الهرمونات جداً طبيعية
بس التكيس يكون موجود وما ينعرف إلا بالفحص السريري..
أما بخصوص انسداد الأنابيب أفضل شي اكتشافه من خلال الصبغة …
وأي سؤال ثاني أنا حاضرة …
دعاوتج لي ولأخواتنا المحرومات..
الهم ارزقنا جميعاً في هذا الشهر الكريم يا رب العالمين .

الله يسمع منج يارب

الله يشفيج.. ويقر عينج بالذرية الصالحه

الله يشفيج الغاليه .. ويرزقنا بالذرية الصالحه

السلام عليكم ورحمة الله وبركاته

عادي حبيبتي اعرف حريم تعالجوا من هرمون الحليب وعقب كم شهر حملوا ماشاء الله..

بالنسبة للتكيس يبين في الالتراساوند ..

وانسداد الانابيب افضل شي اشعة الصبغة..

ربي يشفيج ويرزقج في القريب العاجل الذرية الصالحة السليمة المعافاة في القريب العاجل