خواتي الموظفات عندي مشكلة بسيطة وانشاءالله متفائلة انكم بتساعدوني
لا تخيبون ظني فيكم يالغاليات
انا الله يسلمكم اشتغل سكرتيرة مديري طلب مني اني اجهز محضر اجتماع عشان يشوف شغلي
لكن من قال بتخليني في حالي الاخت لي معاي في المكتب ( والله ما احب التفرقة بس للاسف الاخوات العربيات ما يفكرون إلا في نفسهم )
وانا حليلي أي شي يديد استشيرها ودايما متفائلة ومتحمسة للشغل وهي تسوي نفسها زعلانة وتشكي الحال ومن هناك الحبيبة تخمس في الشغل وانا كل تعبي للاسف عالفاضي لانه في اي شغل المدير يناديها على اساس خبرتها احسن عني .
خواتي انا بس ابى افكار في شغلي كيف اطور شغل السكرتاريا واثبت نفسي
( الله يوفقها بالعكس هب حاسدتنها صدقوني ، لكن مفتحة عين ومغمضه عين وآااه على غيرة
الموظفات )
على فكرة انا ماخذة الشغل بشكل جدي يعني ما عندي قهاوي وسوالف:1 (81): وعزايم
الشغل شغل .gif "12 (23)")
.gif "12 (27)")
فرصة الحبيبة بتسافر في الصيف :1 (34): :1 (34): :1 (34):
قلت اقرا كتب ادارية وادور في النت مواضيع عن السكرتاريا بس تعرفون ماشي مواقع عربية تهتم بهالمواضيع
عموما لي عندها افكار لا تبخل عليه واكيد الكل بيستفيد .gif "12 (29)")
واذا ممكن اعرف شو احسن اسلوب في طباعة واعداد محاضر الاجتماعات وجدوال الاجتماعات
والمراسلات واعمال السكرتاريا
ادري طولت عليكم بس صدقوني ما نصدق نلاقي شغل وابى كل البنات يثبتن نفسهن في الشغل وما يستسلمن مثلي .gif "12 (19)")
والسموحة الغاليات
سبحان الله وبحمده ،،، سبحان الله العظيم
هلافيج عزيزتي… والله يعينج عليها.. انا اعرف هالنوعيات اللي يسون عمارهن متظايجات من الشغل ومن هنااك شادات حيلهن عالآخر…
نصيحه لج يالغلا لاتخلينها اتحاول تحبطج برمستها وبشغلها.. انتي شكلج ما شاء الله عليج متحمسه وحابة تبرزين شغلج.. وكان ودي اساعدج.. بس ماعرف شي فشغل السكرتاريه… كل اللي اقدر اقوله لج.. انج في هالشهر اللي هي مب موجوده حاولي كثر ماتقدرين تكسبين ثقة المدير.. يعني خليه يعرف انج تعرفين احسن واكثر عنها… حاولي اتخلين الشغله اللي يعطيج اياها شغله فيها شي يميزج عنها.. واهم شي ماتأخرين الشغله… يعني حاولي تسألين سكرتيرات في مؤؤسسات ثانية او اتشوفين ايميلاتهن اللي يطرشونها او اشتري كتب عن السكرتاريه… وصدقيني صدقيني عن تجربة دايما الوقت المناسب اللي تبرزين نفسج هو الوقت اللي غيرج يكون مب موجود ..صح بيكون الشغل عليج واايد بس اهم شي بتكسبين ثقة المسؤول وانج قد الشغله :1 (40): … ودي اساعدج اكثر غلاتي بس شرات ماقلتلج ماعرف فالسكرتارية :1 (7): …
وان شاء الله البنات هني بيساعدنج ومابقصروون معاج 
المشاركة الأصلية كتبت بواسطة ^legend^ 
هلافيج عزيزتي… والله يعينج عليها.. انا اعرف هالنوعيات اللي يسون عمارهن متظايجات من الشغل ومن هنااك شادات حيلهن عالآخر…
نصيحه لج يالغلا لاتخلينها اتحاول تحبطج برمستها وبشغلها.. انتي شكلج ما شاء الله عليج متحمسه وحابة تبرزين شغلج.. وكان ودي اساعدج.. بس ماعرف شي فشغل السكرتاريه… كل اللي اقدر اقوله لج.. انج في هالشهر اللي هي مب موجوده حاولي كثر ماتقدرين تكسبين ثقة المدير.. يعني خليه يعرف انج تعرفين احسن واكثر عنها… حاولي اتخلين الشغله اللي يعطيج اياها شغله فيها شي يميزج عنها.. واهم شي ماتأخرين الشغله… يعني حاولي تسألين سكرتيرات في مؤؤسسات ثانية او اتشوفين ايميلاتهن اللي يطرشونها او اشتري كتب عن السكرتاريه… وصدقيني صدقيني عن تجربة دايما الوقت المناسب اللي تبرزين نفسج هو الوقت اللي غيرج يكون مب موجود ..صح بيكون الشغل عليج واايد بس اهم شي بتكسبين ثقة المسؤول وانج قد الشغله :1 (40): … ودي اساعدج اكثر غلاتي بس شرات ماقلتلج ماعرف فالسكرتارية :1 (7): …
وان شاء الله البنات هني بيساعدنج ومابقصروون معاج
هلا فيج يالغالية وجمعة مباركة عزيزتي :22 (26):
بالعكس يكفيني انج تشاركيني مشكلتي
وصدقيني ردج حمسني اكثر والكلام الي يطلع من القلب يوصل للقلب
تسلمين على الرد والله يوفقج :22 (22):
مروركم يشرفني شكرا :1 (26):
اذا ما قدرتي تردي على الموضوع ، رددي معاي
سيد الاستغفار
"اللهم أنت ربي لا إله إلا أنت خلقتني وانا عبدك وأناعلى عهدك ووعدك مااستطعت،اعوذ بك من شر ما صنعت،أبوء لك بنعمتك علي وأبوء بذنبي فاغفر لي فإنه لايغفر الذنوب إلا أنت."
شوفي حبيبتي لازم تكونين مفتحة باللبن ولاتنسين شي اهم شي انه ماتنسين ودايما تذكرين مديرج بكل مواعيده وواجباته ومكالماته بمعنى انه اي شي يحتاجه يوصله بدون عوائق او شكاوي يعني تكونين ايده وريله ، يفضل انه عندك مفكرة يومية تذكرين فيها كلشي لازم تسوينه يوم بيومه والي لازم تسوينه بعد شهر والي لازم تسوينه الاسبوع الياي ، يعني ماتخلين شي ماتذكريه بهالمفكرة يخص عملج والي يحتاجه مديرك حتى لاتنسين ولايكون عندك نقطة ضعف وطبعا تكونين متواجدة قبل مديرك ومحضرة جدوله اليومي وتكونين مشيكة الايميلات كلها قبل مايوصل حتى تكونين مستعدة لاي استفسار او سؤال من قبله طبعا انا ماعرف شو مجالكم وفيما لو مديرك كانت تعاملاته التجارية واتفاقياته اغلبيتها عن طريق الاجتماعات او عن طريق النت او عن طريق الهاتف لانه كلشي لازم يتوثق ويكون له فايل خاص فيه لسهولة الرجوع اليه وطبعا لاتنسين لازم تكونين دايما متيقظة لانه زميلتك اكيد مابتحب يكون لها منافس فحاولي دايما تكونين لطيفة وباسلوبك وشطارتك حصلي المعلومات المفيدة سواء منها اومن خلال الانتباه الى طريقة عملها وصدقيني من حماسك رح تكونين احسن منها، وحاولي دايما انه شغلك انتي تسلميه لمديرك ولاتكون هي وسيطة واذا عندك اي ملاحظات او اضافات معقولة لا تبخلي عنها ….. ومثل ماخبرتك اهم شي النشاط والشخصية القوية وتكونين حبوبة بطريقة تحرج المقابل ….. تحياتي واذا تحبين اي سؤال انا حاضرة
المشاركة الأصلية كتبت بواسطة Hella شوفي حبيبتي لازم تكونين مفتحة باللبن ولاتنسين شي اهم شي انه ماتنسين ودايما تذكرين مديرج بكل مواعيده وواجباته ومكالماته بمعنى انه اي شي يحتاجه يوصله بدون عوائق او شكاوي يعني تكونين ايده وريله ، يفضل انه عندك مفكرة يومية تذكرين فيها كلشي لازم تسوينه يوم بيومه والي لازم تسوينه بعد شهر والي لازم تسوينه الاسبوع الياي ، يعني ماتخلين شي ماتذكريه بهالمفكرة يخص عملج والي يحتاجه مديرك حتى لاتنسين ولايكون عندك نقطة ضعف وطبعا تكونين متواجدة قبل مديرك ومحضرة جدوله اليومي وتكونين مشيكة الايميلات كلها قبل مايوصل حتى تكونين مستعدة لاي استفسار او سؤال من قبله طبعا انا ماعرف شو مجالكم وفيما لو مديرك كانت تعاملاته التجارية واتفاقياته اغلبيتها عن طريق الاجتماعات او عن طريق النت او عن طريق الهاتف لانه كلشي لازم يتوثق ويكون له فايل خاص فيه لسهولة الرجوع اليه وطبعا لاتنسين لازم تكونين دايما متيقظة لانه زميلتك اكيد مابتحب يكون لها منافس فحاولي دايما تكونين لطيفة وباسلوبك وشطارتك حصلي المعلومات المفيدة سواء منها اومن خلال الانتباه الى طريقة عملها وصدقيني من حماسك رح تكونين احسن منها، وحاولي دايما انه شغلك انتي تسلميه لمديرك ولاتكون هي وسيطة واذا عندك اي ملاحظات او اضافات معقولة لا تبخلي عنها ….. ومثل ماخبرتك اهم شي النشاط والشخصية القوية وتكونين حبوبة بطريقة تحرج المقابل ….. تحياتي واذا تحبين اي سؤال انا حاضرة
اختي العزيزة Hella
اشكرج على هذي المشاركة المتميزة بما انج مديرة وحبيت ارتب نصايحج في نقاط عشان استفيد وافيد
مهام السكرتيرة المميزة:
1. تذكير المدير بالمواعيد ، الواجبات والأعمال اليومية والمكالمات
2. الاستعانة بمذكرة يومية ، اسبوعية ، شهرية حسب حاجة العمل لذلك
3. الالتزام بالحضور قبل المدير لتجهيز الجدول اليومي والرد على الايميلات
4. توثيق المستندات وجداول الاجتماعات وما يتعلق بطبيعة العمل للرجوع إليها بكل سهولة
( طبعا التوثيق في الملفات + التوثيق باستخدام الكمبيوتر مثلا برنامجExcel )
صدقيني اختي Hella
ما أعرف كيف أشكرج واتشرفت بمشاركتج فعلاً ، وأنا كتبت النقاط بس عشان تعرفين انه مشاركتج لم تمر مرور الكرام بالعكس ( اتأكدتي اني سكرتيرة شاطرة :1 (20): )
الله يوفقج :22 (22): :22 (22): :22 (22):