خواتي خلاص مو بقادرة أسكت أكثر من تشي كل ما أودي عيالي مكان قلبي يتقطع من أشوف باقي العيال شو ياكلون و الله حرام حرام حرام.
وين ضميركم ياأمهات تعطون عيالكم سموم و بعدين تقولون ليش عيالنا يمرضون – ليش مافيهم مناعة – ليش مافيهم طاقة و ذابحنهم الخمول الجواب عندكم ؟؟؟
ياخواتي والله أن جميع أمراض العصر اللي مبتليين بيها سببها تغير النمط الغذائي لبني أدم بإستهلاكه للمواد غذائية مصنعة و منكهة و ملونة و معدلة جينيا و إبتعاده عن النظام الغذائي الطبيعي الذي اتبعه أجدادنا و الله حرام نشوف أطفال بعمر الزهور يعانون من أمراض خبيثة
حرام و الله أطفال تنترس أجسامهم بها السموم و المواد المسرطنة و الهدامة للجسم و العقل ، ندائي لكل أم الله يخليكم قبل ما تعطونهم شي تأكدو من مكوناته و شو فيه شو مافيه
في أغذية لازم تنكل بحذر و في أغذية مش لازم تجون صوبها و لا تعطونها عيالكم :
خفو علي عيالكم من البطاطا المقلية و الناقت و ماكدونالدز و الأكل المقلي في الزيت تراكم قاعدين تسدون شرايينهم شوي شوي و تنفخون أجسامهم بالصوديوم
المشروبات الغازية و مشروبات الطاقة تراها ترفع معدلات السكر في الدم وايد و تتسبب في تسوس الأسنان و الغازات و تسد الشهية
حبوب الإفطار السريعة التحضير و خاصة الملونة فيها 0% فائدة غذائية لكنها متروسة بالملونات الغذائية و المواد المسرطنة
الشوربات المعلبة أو السريعة التحضير أو النودلز فيها كميات لا تعقل من الصوديوم
هوت دوغ الله يعلم بشو تارسينه و الكمية الهائلة من المواد الحافظة اللي فيه
الشبس
اللحوم المدخنة و المعلبة أسوأ أختيار غذائي لأي إنسان
العصائر المعلبة و أخطر وا حد
مايأكلون لو تنتحرين
وانا معاهم ما بأكل
لو نعطيهم عالريوق بيض او نوع من الاجبان او الزبدة والمربى
ونكثر من سلطة الفواكة وعالعشاء ممكن ساندويتشات دياي وبيتزا تكون عبارة عن خضار
او معكرونه ا و خفايف مثل الفطائر وممكن انه الام تسوي برجر لعيالها ويكون صحي وانا جيه اسوي احيانا
وتسلمين عالتنبيه
المشاركة الأصلية كتبت بواسطة بنت خورفكان 3 
مايأكلون لو تنتحرين
وانا معاهم ما بأكل
ايام زمان الاكل كان صحي اكثر
الحين كل شركة تنافس الاخرى على حساب صحتنا
والطفل على ما عودتيه
بنتي الله يحميها كنت اشتريلها شيبس ,الكرتونه كلها, كم مره وبعدها وقفت ,صرت اختارلها اكل صحي اكثر,فبدل الشيبس اجيبلها مكسرات او زبيب
او اسويلها فالبيت بسكوت وكيكات
وبدل العصاير الجاهزة اسويلها طبيعي او حليب او على الاقل تانج وهورلكس لانه مضاف لهم معادن ومواد غذائية صحية
معودتها من وهي صغيره على اكل الخضار والفواكه طازجة والحمدلله صحتها تمام وانشالله تظل هيك
بس لو شفنا الواقع ترى صعب التطبيق وخصوصاً انه كل اليهال الحين ياكلون جي ..
وكلهم يقلدون بعض وين بنقدر ع يهالنا الحييين
وخصوصاً انه حتى فالمدارس يبيعون هالاكل ما يبيعون اكل صحي فـ شو تتوقعين ..
المشاركة الأصلية كتبت بواسطة عَسَلْ بس لو شفنا الواقع ترى صعب التطبيق وخصوصاً انه كل اليهال الحين ياكلون جي ..
وكلهم يقلدون بعض وين بنقدر ع يهالنا الحييين
أنا بنتي تصيح تبا أندومي وجبه للمدرسه تقول أغلب اللي في الصف يوميا إييبون أندومي إلا أنا 
أنا أحافظ على طبيعة أكل بنتي بس للأسف ماشي فايده ماقدرت أسيطر لأن وجبتها ترد نفس ماهي ولالقمه تاكل من أكلها الصحي في المدرسه