ما اقص عليكم اول ما نشيت من رقادي حسيت هم ثجيل على قلبي ابغي افرغه ..!!
ما عرفت الجا لمنو ..!!=
انا وحدة من صغري تعودت اتآمر على كل اللي في البيت ، بدءا من الصغار لين خواتي قووم بو 17 و 20 سنة لاني اكبرهم
اقولهم سووا جي ولا تسوون جي ..حتى الحينة محد قام يسمعني ويعاندوني ..!!!
والله شاالة هم التفكير في المستقبل
شالة هم التفكير في الشغل
وشاله هم التفكير عن خواني وخواتي اللي يعاندوني
حسيت ان كل هذا قام يخليني اضعف ونفسيتي داون ..!!! ومليت من الحياة اررف الصراحة
انا وايد فيني وسواس من شي بسيط يستوي اكبره واخليه همي وتفكيري
اذا تبين اي شي من اي انسان لا تطلبينه بأسلوب الامر والنهي
لان هذا ينفرهم منج وبيعاندون بالنهايه00شباب هالجيل يباله امسايس وكلمه حلوة
صاادقيهم وخليهم يحشمون منج حسسيهم انج امهم مب اختهم وحاولي قد ماا تقدرين
ما تعصبين ويوم بتعصبين حسسيهم انج ما خذه بخاطرج منهم 0
حبوبة هذا كله يباله وقد اصبري وبيتغيرون فديتج 0
وعليج بالراحه النفسيه لانج ماا تقدرين تصلحين الكون وتضيعين زهرة شبابج بالغضب
استغفري وادعي الله بالي في خااطرج والله كريم فديتج
الله ايسر امورج وينولج الخير ياا رب
غاليتي ^_^
للاسف واسمحيلي على صراحتي
انتي كنتي تستمدين قوتــج من طغيانــج على اخوانــج ^_^
بس اخوانــج كبروا ونظرا للاسلوب الي تربوا عليه تمردوا وأكيد ما بيستوون يسمعون الكلام
لإن الإنسان مكرم عن باقي الكائنات !
الحيوانات إذا ضربتيهم وصارختي عليهم يتأدبون
الإنسان إذا صارختي وضربتيه يتكسر في داخلــه
تستوي له عقدة نفسيــة
ممكن لا سامح الله تترجم إلا إدمان , سرقـة ,, سلوكات سيئـــــة ><
يعني فاقد الشيئ لا يعطيه
لا تتريين من شخص كبر بإضطهاد يتم يسمع الكلام ويكون طيوب !! ^^
الحوار أهم شي في بناء علاقـة سويــة مع اي فرد في المجتمــع
من الاسرة للعمـل لاي هلاقـة إجتماعيــة ^_^
أنا بنظري اتجمعين اخوانــج وتعتذرين منهم عن الماضي
وتخبرينهم انكم بتبدون صفحــة يديدة
وانج بتعتمدين على دينا الكريم في علاقتــج معاهم
بالتسامح والحوار ,, والترغيب ومب الترهيب ^_^
بالصدق والمشاعر الطيبـة ,, وان شاء الله مع الوقت وإذا برهنتي لهم انج تغيرتي بيتغيرون معاج شوي شوي لإنهم مهما كان اخوانج
ربي يحفظكم لبعـض
صدقيني هن موب شالات في خواطرهن منج بس كرهت الاوامر منج كل مرة تطلبين شى وانتي يالسه مكانج
هن موب شغالات عنج هن بروحهن بيقولون في خواطرهن نحن موب شغالات عنها وبيكرهنج يوم بعد يوم
بس لا تخلينهن يكرهنج حاولي تتقربين منهن سولفي واضحكي
غناتي وعن الشغل انا اقولج اذا يالسه في البيت وبس يالسه تقولين ابا الشغل ابا الشغل صدقيني ما بتلقين الشغل اسعى وعقي اوراقج في كل مكان وراجعي كل اسبوع مكان
وخذي دورات
ربي يوفقج ويسعدج يارب