بغيت اعرف الوحدة عقب الولادة طبيعي لما اتكون مخيطة شو الاشياء الي ممنوعة عنها
كيف تيلس وكيف اتنام
وكيف اتغسل هل يستوي تستخدم غسول نسائي
ابصراحة انا والدة طبيعي ومن 17 يوم والجرح مفتوح وخياطي بعد غلط وصار عندي التهاب
المهم ابغي ايروح مني الالتهاب بسرعة عسب اعيد العملية مرة تانية
فمب عارفة ليش انفتح الجرح وانا اتالم باي طريقة ايلس فيها او ارقد فيها
للرررفع
بس ماخبرتينا … في اي مستشفى سويتي الخياطه؟؟؟
لان انا استوالي نفس الشي في ولادتي الاولى وتبطلت بعض الغرز مب كلها وكنت احس بألم في كل الوضعيات … ومابا يتكرر هالشي في هالولاده
بس انا خوافه … وماعدت الخياطه وطنشت .. والحمدلله بعد فتره رد كل شي طبيعي بس للحين متلعوزه من الالتهابات
عشان جي انصحج تعيدين الخياطه
الدكتوره عطتني ميبو وكريم ثاني وقالتلي احطهم كل ست ساعات مره ميبو ومره الكريم الابيض نسيت شو اسمه
لو تبيناسم الكريم الابيض بطرشلج اياه عالخاص
واستخدمتهم لمده اسبوع وعقب سرت عندها جان تقوللي انه الالتهااب راح والخياطه بدت تلتئم
وقالتلي استمر عليهم اسبوع بعد وكل شي بيرجع طبيعي من دون خيااطه
والدكتورة قصتني غلط
وسرت عقب اخمس ايام عند دكتورة في عيادة خاصة اتشيك علي انصدمت قالت مين سوا فيج جي شو هالقص قاصة اشياء ما تنقص وخايطة اشياء ما تنخاط
وعقب كم يوم رديت المفرق لاني تعبت وقلت بسير اراويها شو سوت فيني فقالت لي كل شي اوكي بس انتي الاوجاع الي فيكي لانك خوافة وصارت تقنع ريلي اني الخياطة اوكي ورييلي يقلها تعبانه وايد شو دخل خوافة وما خوافة
المهم قال لي ريلي سيري عند مستشفى ثاني شوفي شو بيقلولج فسرت النور ولما شافتني لدكتورة قال شو هاذ مين الي قص لج نيرس ولا دكتورة قلت لها دكتورة ليش قالت قاصة لج خطين عدال بعض ليش امسوية فيج جي ومب مخيطة كل الجرح والخياطة مفتوحة وملتهبة وحتى شكل العضوا اتغير من القص
فقالت لي ما اقدر اعدل الخياطة الا غعقب ما يخوز الالتهاب لان اذا سويت خياطة وفي التهاب بينفتح الجرح وفقالت اتري لين يروح الاتهاب وعقب سوي خياطة
عسب اللتهابات الخياطه حطي مرهم ميبو اوكي واايد واذا حسيتي الجرح وارم عندج حطي ثلج
والافضل انج تبتعدين عن الغسول اللي يحتوي عى اي مواد كيماويه عسب ما يزيد الالتهاب عندج
تغسلي بماي وملح بس لا تكثرين وايد من الملح لان كثرته تلهب بعد الجرح
والله يشفيج يارب
انا احين من كم يوم استخدم ميبوا بس اح يسوي لي حرارة وحكة
واستخدمت غسول ستيال قالت لي استخدمه الدكتورة الى ولدتني بس بطلت لاني اتعقدت من القص
ودكتورة النور اعطتني مضاد حيوي