نصايح لوحدة رااااايقة وفااااايقة تعالوااااا 2024.

1-
الثقه مهممممممممممممممه يا بنات .. يعني خليج واثقه انه زوجج يحبج .. و انه يعزج ..
وهو مب عايش معاج الا لانه يحبج و يموت فيج .. لا تحطين في بالج والله هو ما يحبني .. طفشان مني .. الخ .. لأنج لو فكرتي راح يصير هذا الشي بتصرفاتك

2-
تزيني لزوجج .. مب شرط تكشخين من و الى .. بس تكونين مرتبه و معطره ..
اهم شي الروايح الزينه والفواحه .. استخدمي اللوشنات المعطره المنعشه بعد الحمام و كمليها ببودره خفييفه واااااااو تطلع الريحه تجنن ويعتمد ع ذوق كل وحده

3-
بنات هذي نصيحه لكن و لي ..لا تدققو في كلام الزوج ..
ترى الرياييل دفشين يعني على بالهم يسولفون مع خواتهم او ربعهم ! فالحل .. يا اما تعودين نفسك التطنيش خصوصا في الاشياء و الجمل الي مالها سنع .. او انج تقولينله بنفس الوقت و بأسلوب ضحك .. او ما انصح انك تزعلين و بعدين تصارحينه و مدري ايش .. ترى جربتها مليوون مره .. نتيجتها زعله و بعد انا اللي اراضي

4-
دايما صيري مبتسمه .. اضحكي ..
ياختي عيشي حياتج .. احنا احيانا نزعل على اشياء بايخه .. لازم نمشي الموضوع .. و نعيش حياتنا مع ازواجنا .. نخلي لها نكهه حلوه .. ننبسط .. نروق .. نستهبللللل .. يما نستهبل مع صديقاتنا .. نستهبل معاااااااااااااه شالمشكله ؟؟

5-
الطبخ الطبببببببببببخ الطببببببببببببببببببببببببببببببببببببخ !
بنات الطبخ مهم !! قلب الرجل في معدته خخخخخخخخخخ يعني اطبخي .. طلع زين شين .. تعرفيم ما تعرفين .. المهم اطبخي .. اسألي امه و امج .. خواتج اللي تعرفين .. عن طبخات جديده .. جربي .. لا تكرري الطبخات و وتعلقين على طبخه او طبختين خخخخخخ .. اسألي .. و جربي و بس .. ما بتخسرين شي .. لو هو واحد سنع .. بيعرف انه انتي تعبتي على الطبخه و بس .. الفكره انه انتي تتعبين على الشي عشانه ترى الريال يحب هالشي يحب تسوين شي عشانه كنهم يستاهلون

6-
لا تصيرين حنااااااانه و زنانه ..
قولي الشي مره و بس .. عن خاطركن زين مرتين .. بس خلاص لا يكثر ! .. الرياييل ما يحبون الحنة!

7-
بنات بليزززززز .. ترى اول شي السكوت .. خصوصا عند الزعل .. انتبهوووو تسون هالشي ! ..
اذا زعلتي .. قوليله .. بس اختاري الوقت المناسب .. و الطريقه المناسبه .. يعني لا تغلطينه بطريقه قويه .. قوليله ..
( انت اذا عادي عندك ازعل و اسكت انا بسكت !؟ .. او خلني اتكلم براحتي و بدون ما تدافع او تزعل يعني عطني فرصه افضفض .. ) ..
و ابدي قولي اللي تبين .. وانتي لا شعوريا من الحره اللي فيج بتدمع عيونك و خلاص .. ! يعني التوقيت في العتاب مهم .. و الاسلوب

8-
الريال ما يحب احد يعارضه خصوصا جدام الغير ..
حاولي تكونين سياسيه .. بس انا صراحه ما احب اني انصهر في شخصية الزوج .. بس هم يحبون .. فما ادري اللي عندها حل تقول

9
لا تشتكين جدامه ..
لا تقولي ياربي لازم اشتري فستان فلاني للحفله الفلانيه .. و لا اصبغ او ما اصبغ .. و لا اشتري قميص أبيض ولا لا ؟؟ .. ترى الرياييل ما يعرفوووون يعطون راي بهالسوالف .. وبتثبتين لهم بعد انج متردده و الخ

10-
لا تتوقعين انه الريال بيقر اافكارك ..
اذا خاطرج يجيبلج شي .. قوليله بصراحه .. ( حبيبي خاطري البس شي على ذوقك .. حبيبي من زمان ما جبتلي ورد .. حبيبي ما تتخيل الساعه اللي جبتها لي اذا لبستها شعووووور ثاني ! ) عاد انتي قدمي طلب و اتريي للسنه اليايه إلين ما اييب لج هههههههه

11-
تدلعي .. تدلعييييييييييييي .. تدلعيييي ..
مليون شي تقدرين تسوينه .. للدلع

12بعض الرياييل ما يحبون يتخذون القرار في الاشياء البسيطه
مثل ( اختيار المطعم – اروح السوق ولالا – نروح بيت اهلي للعشا ولالا – البس بنطلون ولا تنوره ؟ – اصبغ شعري و لا انتظر لين يطول و اصبغه بعدين ؟ – نتعشا شاورما ولا خفايف ……………………… الخ ) قد ما تقدرين قررري انتي او قولي انا ابي كذا و انت ؟ يعني لا تسألين .. كسل ما يحبون يفكرووون دايم يبون المرأه تفكر

13-
في امور بسيطه انتبهي لها .. يعني اشياء بسيطه بالبيت مثلا ..
دايم الزوج يطلب منك تسويها .. بس احنا و النسيان ! .. فلازم ننتبه لها .. بس بعد لا يتحمس وايد ويصير مدير عليج و انواع التحطيم .. لا .. وازني بالشي

14-
لو يا زوجج من العمل .. شوفي مزاجه بعدين تصرفي بناء عليه خخخخخخخخخ
يعني لو تعبان و يبي ينام ابعدي عن طريقه

15-
بنات بليز بليز بليز .. لا تقارنين نفسك بوحده ثانيه .. و لا زوجك بواحد ثاني ..
ترى زوجك غير و اي احد ثاني غير ! .. ماديا .. اسلوبياً .. كلامياً .. الخ .. نوو لا تقارنين ! .. و انتي نفسك ما تقارنين نفسك بأحد .. يعني اللي ينفع مع زوجج ممكن ما ينفع مع احد ثاني .. و شي ثاني .. لا تسمعين كل نصيحه تنقال .. يعني في ايميلات مثلا تخليج غصب تسوين حشرة وضرابة! خخخخخ .. يعني تسمعين كلام مدري كيف ! .. كنج في حرب .. مو علاقه زوجيه ! .. لازم نصفي النيه شوي ونهدي اللعب معاهم .. راجعو انفسكم .. شوفو اسلوبكم معاه .. لا تنتظرون ايي هو ويقول لكن انتي مقصره وانتي ما تسوين و انتي ما تهتمين .. ترى و الله الجرح جرح الكلام مو جرح اي شي ثاني ! ..

مع خالص امنياتي لكم بحيااااااااااااااه زوجيه هنيه مرئه

امممممممممم وبعد جميله