بغيت اسأل عن النفاس أنا بطلع الأربعين فرمضان ان شاء الله بس الحين ما ينزل لي شي عادي أصوم ولا ،،
. شو اسوي عشان أزيد الحليب ،
والبيبي متى يقدر ينقلب وكذاا ابا اعرف عن اليهال اكثر ،
والي طلعت من الأربعين ؟ شو سويتي
طبعا أنا بطلع الأربعين تاريخ 12 وبعدها بكون العيد يعني ما اقدر اسوي شي فرمضان ،
ابي أفكار 
نفس حالتي مادري اصوم ولا لا
اذا انتي خلاص بتكملين الأربعين وما في نزيف خلاص اتغسلي وصومي……
عسب يزيد الحليب اتمي على رضاعة طبيعية والحلبة وشوفان يساعد في إدرار الحليب …
ما دام احنا بندش في شهر الخير شهر العبادات لا تسوين شي بس خصصي شوية وقت لاهتمام والعناية الجسم انتي حاولي في البيت او في صالون هالاشياء: …
1. سوي خلطات طبيعية لتفتيح الجسم وماسكات طبيعية للوجه وحمام زيت حق الشعر..
2. اهتمي في جسمج شوي اذا وزنج زايد حاولي تضعفين شوي حق العيد مع الأكل الصحي والرياضة…
3. سوي الحمام المغربي والتقشير كامل الجسم والحواجب…
4. إصبغي شعرج اللون اليديد ما صبغتيه قبل وسوي لج تسريحة يديدة مع القص الشعر…
5. سوي جرد على ملابسج القديمة وأشتري الملابس الجديدة نوعي في اللبس……
6. قبل العيد سوي الحلاوة، الحف، مناكير وبدكير واتحني حناء العروس….،
7. اذا انتي ساكنة في بيتج بروحج وإذا الميزانية تسمح حاولي تغيرين شي في البيت الأثاث، الصبغ البيت او ديكورات في الغرفة، الميلس، حديقة البيت او المطبخ اي مكان في البيت عسب تحسين بالتغير المكان لانه أكيد في العيد بيزورونج الضيوف…
8. في الغرفة افرشي فراش يديد مع تغير في ديكورات او الأثاث نفس ما قلت لج…..
9. وحق العيد سوي مفاجأة حق ريلج خذيله هديه وإذا تبين تغيرين الجو احجزي فندق وطبعا لا تخبرين ريلج سوي له مفاجات بيستانس….
بغيت اسأل عن النفاس أنا بطلع الأربعين فرمضان ان شاء الله بس الحين ما ينزل لي شي عادي أصوم ولا ،،
هي اختي صومي
. شو اسوي عشان أزيد الحليب ،
شوفي لا تبلعين بلع عسب ما تمتنين
بس كثري شرب الاشياء الدافئة و اهم شي نصيحة حليب طازح فرش اشربي كل يوم كوب او اكثر و بيزيد لج الحليب بدون لا يزيد وزنج
و عندج عصاير فرش شرات الكوكتيل و الاناناس و الموز و اي عصير فرش
والي طلعت من الأربعين ؟ شو سويتي
-صبغ الشعر و الحمام المغربي و بدكير و منكير
و ممكن تهتمين ببشرتج و تراجعين دكتورة جلدية
و تسوين جرد ع اغراضج و تغيرين ملابسج