نفسيتي تعبانه بنتي والنوم !! ضرؤوري دخلوا كلكم 2024.

السلام عليكم ورحمه الله وبركاته
بنات شحالكن
،
انا بكر في البدايه .. وماعرف شي عن الاطفال
بنات ابا اشكي لكم الحال لعل وعسى احصل هنيه ام تفهمني وتفهم حالي

بنتي فديتها عمرها شهر و 17 يوم ..

ادري صغيره …
بنات بنتي تنام وايد وايد وايد وايد <~ ادري بتقولووون قولي ما شاء الله …
اوكيك ما شاء الله
بس انا خايفه من كثره هالنووووم …
هي خلصت الاربعين …!! يعني على الاقل المفروض لازم تكووون انشط
بخبركم عن روتين بنتي الغاليه
بنتي عادي تنام 6 ساعات متواصله من غير رضاعه وانا وايد خايفه يا عالم إنها مب طبيعيه
بنتي قليله البكاء بس الحين الحمدلله على الاقل قامت تصيح وارضعها
تخيلوا استانس يوم تصيح<<~ عكس الامهات ادري
بنات انا كنت يوم حامل فيها اعاني من سكر الحمل وما كنت اعرف …. لانه العياده السخيفه ما خبروني انه فيني سكري اصلا مع انهم كاتبين في ملفي
سخافه والله
المهم ….
هم سولها فحص دم اول ما انولدت واخاف ما خبروني لو فيها مثلا مرض وجي
بنات شو هو اسباب خمول المواليد … ولا تروعوني وهل هذا الشيء طبيعي
الكل يقول بنتي طبيعيه بس انا وايد اخاف واشك واقرا بقوقل عن هالخموووول بس لين الحين ما حصلت الجواب الشافي
لانه قوقل احس المعلومات ملخبطه ومب كل الاعراض في بنتي وجي
وديتها المستشفى وقالي البنت طبيعيه بس انا قلبي مب مطمن
بنات انا ارضعها غصب مرات وهي نايمه
اوعيها غصببببب وبالمووووت
احسها مرات ما تحسسسس بالالم يعني مكان التطعيم انا اقعد اطلع منه الوصخ وهي ساكته عادي
بنااااات خبروني هل بنتي بخير ولا شوووو
بنات منوه يعرف عن طفله جي !!! هاديه زياده عن اللزوم قليله البكاء كثيره النوووم <<< ما شاء الله لو كان طبيعي
وقرات انه المولود اللي ينام وايد افضل بس انا شاكه انه الكلام جذب !!! على الاقل اتمنى اشوف بنتي تحررررك اطرافها
احاول اوقفها بس ما تفرد طولها
نادرا تفرد طولها وتتحمل ثقلها !!
مممممممم بنات ابا اصيييح والله كلام ملخبط فعلا شيء يحير يمكن لاني بكر
بنات ….. خبروني دخيلكم

تعوذي من الشيطان واذكري الله وبنتج الحمدلله مافيها الا العافيه وطبيعي المولود اكثر يومه يرقد. وبنتي من عمر بنتج ترقد وانا اللي اوعيها للرضاعه ويالله تفج ثمها ترضع ولين يومج ماتعرف تمسك صدري زين
ويوم تبينها تنش من الرقاد فجي قماطها وبدليلها بامبرز وهمزيها وسمي باسم الله ورضعيها تبالها صبر فديتها الله يحفظها لج *

الله يحفظها لج إن شاء الله..
عآدي أختي طبيعي هالشي بس لآا تخلينها ترقد وايد يعني وعيها و رضعيها و حتى لو راقدة حاولي فيها. .
و لا تحاتين وايد و أهم شي الرضاعة. .
و الله يخليها لج إن شاء الله..

اختي هالشي طبيعي وايد
ماشاءالله عليها

و الياهل فهالعمر النوم يساعده على النمو .. و بعدها تو الناس عليها عشان تقدر تفرد طولها و تتحمل ثقلها

بس انتي اهتمي بوقت الرضاعه و اذا وزنها طبيعي خلاص لا تحاتين حبيبتي

و الله يحفظها و يريح بالج و تتطمنين

صح اذا وزنها كويس معناته انه تاخد الي تحتاج جسمها بس بعدها صغيرة فديتك على انها تحمل ثقلها

وفي مواليد تبارك الله يكونو هاديين اتعوذي من الشيطان وبكرة تملي من صراخها

ها شي طبيييييييييييييييييييعي جدا جدا جدا
الياهل في هذا العمر يرضع وينام يرضع وينام بالعكس هذا راحه حق الام سبحان الله لانها تكون تعبانه في هذي الفتره..
انا كنت اتعذب عشان اقوم ولدي او بنت عشان ترضع يقولون قرقطي ريله واذنيه وبدلي البمبرز وبيقوم واستغلي هالوقت الي يقوم فيه ورضعيه..
كنت وايد اشل هم رضاعتهم واتخيل انهم ما رضعوا خخخخخخخخخخخخخخ حتى يوم اشل ولدي عشان ارضعه امي تستغرب تقولي بلاج ليش اتشلينه ماصاح ..
لا تخافين الطفل لما يعطش يصيح ..
وهذا خوف طبيعي ما لومج خخخخخخخخخخ

لا تخافين حتى انا في بنتي كان فيني نفس الوسواس بظبط حتى لما يطعمونها تكون نايمه ولا تدري بشي ولا تصيح وكنت وايد اوسوس واتخيل اشياء لا سمح الله لكن الحمد لله يكون فمعلومج هالعيال نعمه ولا تخبرين حد انه بنتج من هالنوع عشان محد يظربج بعين
والسموحه عالاطاله