ادري بتقولون هاي طفرتنا بسالفتها بس بنات والله مضايقه وفدتوني وايد المرة اللي طافت وادري ما بتقصرون وياي هالمرة
بخبركم شو استوا وياي
الويكند اللي طاف سرت الشارجه عشان اكمل اغراض العيد وطبعا شي طبيعي بخبر ريلي اني بسير
سرت ويا ابوي الله يحفظه وخبرت ريلي اني بسير الشارجه وبطلع مع بنات عمي بنسير نكمل اغراض العيد والله يا بنات انه بنات عمي كلهم معرسات وعندهم عيال ماشاء الله يعني محترمات وكل وحده عندها ريال المهم سرت الشارجه وريلي خبرني انه بيرد من مصفح وبيرقد وانا متعوده يوم يكون راقد هو يتصل يعني اش دراني متى بينش من ارقاده وصلت الشارجه وطبعا ممنوع نسير ملات بدون ريال ف ابوي وحليله سار معانا وانا في السيارة اتصل لي ريلي كنت مخلصه وراده بيت عمي قال لي انتي وين قلت في السيارة رادين بيت عمي قال لي وين كنتي قلت له ف المكان الفلاني قال لي شو سويتي قلت ماشي اتشريت شوي حق العيد جان يعصب ويقول لي كم مرة قايل لج ماشي طلعه بدون شوري وريلج هاي يبالها قص عشان مرة ثانيه ما تطلعين بدون شوري وسواها سالفه انزين انت راقد وانا خبرتك اني سايرة الشارجه واني بطلع مع بنات عمي انا قلت انت راقد ما بلعوزك يوم بتنش بتتصل قال لو كنت راقد وبعدني ما نشيت ما تسيرين مكان لين ما اتصلج ولو مارديت عليج بعد لاتسيرين قلت له يعني ايلس في بيت عمي روحي قال لي هيه وزعل علي وبعد معاناه راضيته وتسكرت السالفه
البارحه الله يسلمكم انا كنت مريضه واايد زجاام وكحه وخشمي مسدود ماروم اتنفس اتصل لي ع الساعه 5 ونص يوعيني حق الجامعه قلت له اني ما بداوم لاني تعبانه وايد قال لا داومي بيحطونج غياب ووايد تغيبين ومادري شو قال سيري المستشفى و هاتي لهم عذر وع الساعه 10 ونص سيري الجامعه قلت له اوكي وسكرت ورقدت لين عشر وقمت سرت الجامعه وانا اعرف انه هو في الدوام ومايروم يرد علي يوم يكون في الدوام لانه ممنوع يرمس في التلفون المهم وصلت الجامعه وكنت سايرة مع ابوي اتصل لي عقب ساعه قال وينج قلت في الجامعه عصب وانفجر مرة ثانيه ليش تطلعين بدون شوري انصدمممت قلت له انت اللي قايل لي سيري الجامعه الساعه 10 وانا سايرة الجامعه مب مكان ثاني سبني وعصب علي وسكر عني اتصل له ما يرد يطرش لي مسجات بايخه اتصل ما يرد
لين الساعه _ فليل بعد ما ترجيته يرد علي لاني ما قدرت ارقد وهو زعلان علي كلمني بنفس خايسه وسبني وقال لي من اليوم وساير ولين يوم عرسنا ما تطلعين من البيت حتى بيت يدتج ما تسيرين والجامعه كل يوم اتصلي خبريني انج سايرة الجامعه وراده منها واذا طلعتي مرة ثانيه من البيت وانا مادري بتشوفين شي في حياتج ما شفته وبتندمين بعدين هنيه انا انصدمت كلامه قوي والله اخر شي قال لي لا تعتبرينه تهديد عيل شو اعتبره تراه التهديد بعينه قال تبين شي انا برقد الحين قلت سلامتك وسكرنا
وما كلمني لين حزتكم هذي اتصلت الصبح وعيته وعقب ماقام يرد علي وانا اعرف انه ما بيتصل بيرجع البيت وبيرقد ولا بيهتم لي مادري اتصل له والا لا اذا ما اتصلت بيقول ما تسالين عني وما تعرفين شو اللي لج وشو اللي عليج ومافي حرمه ما تسال عن ريلها واذا اتصلت برخي له الحبل وبيتمادى وياي اكثر عن كل مرة
ادعو لي دخيلكم والله اني انحرمت من الطلعه من البيت عشان خاطره قلت ما بطلع ابدا حتى اغراض العيد بخلي بنت خالي تكملهم لي او امي
ادعو لي دخيلكم وقولوا لي شو اسوي
بس ليش جي يعاملج ؟؟؟ هذا وانتوا مالجين … كيف لو عرستي ؟؟؟ ليش جي طبعه ؟؟؟
هل هو من النوع اللي يشك … ويغار ؟؟؟
الله يكون في عونج …
ويهديه
الريال من يملج يتصور عمره مالك هالحرمه
وانه شورها بس بديه
حبيبتي
لازم تكون شخصيتج قويه شوي
مب الا سيري سرتي تعالي يتي
ولا يعيبه بعد
اذا هذا طبعه ما بيتغير
وشكله متعقد من سوالف البنات
قول له يثق فيج عشان ما تصير مشاكل بينكم
هاي فترة الملجه حلوه ومره
الله يعينج
الله يعينج …
انا لو منج ما بستحمله … لانه ما احب حد يتحكم فيني …
هذي احد سلبيات …المكالمات قبل العرس….
انا ضد انه الوحده من تملج….تكلم ريلها بشكل يومي..وكل وقت…وكل ساعه
انتي بعدج في بيت ابوج…..والله يطول في عمره…..ولازم ريلج يفهم انه مايتعدا على حق ابوج….ولاخلاص يعني الوحده من تعرس ولاتملج تنسى ابوها…واهلها اللي ربوها…عشان ايي واحد منيه والدرب يلغي دور الاب…
رايي…وقلته…والله يكتب لج اللي فيه الخير….
المفروض يحترم ابوج..ولا خلاص من ملجتوا يبا يتحكم…اقولج قوي شخصيتج وعطيييييييييييييه كاااااااااااااااااش
والله قوليله دام انا بيت ابوي محد له شور علي غير ابوي…ومن اصير حرمتك في بيتك…يصير خييييييييييييييير…
انا هالحال لو استمر والله بيخيلج تتعودين عليه حتى عقب العرس…وبيقولج انا جيه وانتي خذتيني وانا جيه…
فلازم ترضين فيني….لا تخلينه يتحكم فيج…والله قوي من شخصيتج…وتفاهموا على كل شي..شو اللي له وشو اللي
عليه…^^